រាជធានីភ្នំពេញ ៖ ម្ចាស់កសិដ្ឋានចិញ្ចឹមត្រី និងទាមួយកន្លែងបានត្រូវចរន្តអគ្គិសនីឆក់ស្លា.ប់ ខណៈពេលចុះដេញត្រីឱ្យហែលទៅម្តុំ កាលពីវេលាម៉ោង៧ និង៣០នាទីព្រឹកថ្ងៃទី២៧ មេសា នៅភូមិសំរោងខាងជើង សង្កាត់សំរោង ខណ្ឌសែនសុខ ។ ខ្សែភ្លើងដែលមានចរន្តអគ្គិសនីឆក់ស្លា.ប់នេះគឺម្ចាស់
រាជធានីភ្នំពេញ ៖ ម្ចាស់កសិដ្ឋានចិញ្ចឹមត្រី និងទាមួយកន្លែងបានត្រូវចរន្តអគ្គិសនីឆក់ស្លាប់ ខណៈពេលចុះដេញត្រីឱ្យហែលទៅម្តុំ កាលពីវេលាម៉ោង៧ និង៣០នាទីព្រឹកថ្ងៃទី២៧ មេសា នៅភូមិសំរោងខាងជើង សង្កាត់សំរោង ខណ្ឌសែនសុខ ។ ខ្សែភ្លើងដែលមានចរន្តអគ្គិសនីឆក់ស្លាប់នេះគឺម្ចាស់កសិដ្ឋានរូបនេះជាអ្នកតបណ្តាញដោយខ្លួនឯងដើម្បីសម្លាប់កណ្តុរកុំឱ្យចូលមកស៊ីកូនទារបស់គាត់ តែអ្វីដែលស្មានមិនដល់គឺបែរជាភ្លាត់ស្នៀតឆក់ខ្លួនឯងស្លាប់ទៅវិញ ។
បុរសជាម្ចាស់កសិដ្ឋានរូបនេះឈ្មោះខៀវ វុត្ថា អាយុ៣៨ឆ្នាំ ។ តាមក្រុមគ្រួសារ និយាយថា មុនពេលកើតហេតុនាវេលាម៉ោង៦ និង៣០នាទីព្រឹក បុរសឈ្មោះខៀវ វុត្ថា ជាមួយក្មួយប្រុស២នាក់បានចុះទៅដេញត្រីនៅក្រោមទ្រុងកូនទា ដើម្បីកៀងត្រីយកទៅឱ្យម៉ូយដែលកុម្មង់ទិញពីល្ងាច ។
ក្រោយពីកៀងត្រីរួចក្មួយប្រុសទាំង២នាក់មិនបានចាប់អារម្មណ៍ថា ឪពុកមាមានគ្រោះថ្នាក់ទេ គឺនឹកស្មានថាឪពុកមានោះចេញពីកន្លែងទ្រុងទាដោយមុជទឹកចេញពីសំណាញ់ដែលដាក់ឃាំងត្រីនោះ ។ ក្រុមគ្រួសារបានឱ្យដឹងទៀតថា ក្រោយពីបាត់ជនរងគ្រោះដោយគ្មានមូលហេតុ ក៏នាំគ្នាដើររកនៅម្តុំរោងទា ស្រាប់តែឃើញជនរងគ្រោះស្លាប់នៅក្រោមទ្រុងទាដោយត្រូវចរន្តអគ្គិសនីឆក់ ។ ចំពោះចរន្តអគ្គិសនីដែលឆក់ជនរងគ្រោះនេះ គឺដោយសារតែភ្លេចដកឌុយផ្តាច់ចរន្តភ្លើងរាយព័ទ្ធជុំវិញរោងទាដើម្បីឆក់កណ្តុរដែលរាល់យប់តែងតែមកលួចចាប់ស៊ីកូនទា ។
មន្ត្រីសមត្ថកចិ្ចបានចុះទៅត្រួតពិនិត្យ និងធ្វើកោសល្យវិច័យឱ្យដឹងដែរថា ជនរងគ្រោះពិតជាស្លាប់ដោយសារចរន្តអគ្គិសនីឆក់ប្រាកដមែន ៕
ចែករំលែកព័តមាននេះ