កូរ៉េខាងជើងនឹងធ្វើការបង្កហេតុថ្មីៗទៀត
មន្ទីរប៉ង់តាហ្គោនសង្ស័យចំពោះការសាកល្បងនុយក្លេអ៊ែរលើកទី៣របស់កូរ៉េខាងជើង ហើយប្រទេសនេះអាចបង្កឱ្យមានការប៉ះទង្គិចគ្នានានានៅតាមព្រំដែន ។
មន្ទីរប៉ង់តាហ្គោនសង្ស័យចំពោះការសាកល្បងនុយក្លេអ៊ែរលើកទី៣របស់កូរ៉េខាងជើង ហើយប្រទេសនេះអាចបង្កឱ្យមានការប៉ះទង្គិចគ្នានានានៅតាមព្រំដែន ។
មន្ទីរប៉ង់តាហ្គោនសង្ស័យចំពោះការសាកល្បងនុយក្លេអ៊ែរលើកទី៣របស់កូរ៉េខាងជើង ហើយប្រទេសនេះអាចបង្កឱ្យមានការប៉ះទង្គិចគ្នានានានៅតាមព្រំដែន ។
ពេលក្រុងព្យុងយ៉ាងបង្ហាញធ្មេញ ក្រុងវ៉ាស៊ីនតោន និងក្រុងសេអ៊ូលបានពង្រឹងកិច្ចការពារ។ ប្រឈមមុខចំពោះការគំរាមកំហែងថ្មីៗរបស់កូរ៉េខាងជើង មន្ទីរប៉ង់តាហ្គោន និងសម្ព័ន្ធមិត្តកូរ៉េខាងត្បូងចាប់តាំងពីថ្ងៃទី២៦ មេសា មកបានពិភាក្សាគ្នាកម្រិតខ្ពស់ក្នុងរដ្ឋធានីអាមេរិកដើម្បីរៀបចំខ្លួនទប់ទល់នឹងការបង្កហេតុតាមបណ្តោយខ្សែស្របទី៣៨ ។ ក្រោយបរាជ័យនៃការបាញ់បង្ហោះកាំជ្រួច UNHA-3 ដែលផ្ទុះក្នុងពេលកំពុងហោះហើរកាលពីថ្ងៃទី១៣ មេសា កន្លងមកនេះពួកសម្ព័ន្ធមិត្តរង់ចាំនិទាឃរដូវប្រកបដោយគ្រោះថ្នាក់នៅឧបទ្វីបកូរ៉េ ។ ចាប់តាំងពីច្រើនថ្ងៃមកហើយរបបលោកគីម ជុងអ៊ុន បានធ្វើការគំរាមយ៉ាងខ្លាំង ហើយសន្យាធ្វើសកម្មភាពពិសេសនានាក្នុងពេលឆាប់ៗប្រឆាំងកូរ៉េខាងត្បូងជាមួយនឹងមធ្យោបាយពិសេសៗពុំធ្លាប់មានពីមុនមក ។ ការគំរាមកំហែងខាងយោធានានាដែលសំដៅជាពិសេសលើប្រធានាធិបតីកូរ៉េខាងត្បូងលោកលី ម្យុងបាក់ មានការកើនឡើងចាប់តាំងពីច្រើនថ្ងៃមកហើយ ។ របបក្រុងព្យុងយ៉ាងចោទប្រកាន់លោកលីម្យុងបាក់ថា ខ្វះការគោរពក្នុងឱកាសនៃពិធីបុណ្យខួបកំណើត១០០ឆ្នាំរបស់ស្ថាបនិកខ្លួនលោកគីម អ៊ីលស៊ុង កាលពីថ្ងៃទី១៥ មេសា កន្លងមកនេះ ។
ការព្រមានទាំងនេះរបស់កូរ៉េខាងជើងក៏ទាក់ទិនដែរដល់សហរដ្ឋអាមេរិកដែលទទួលការចោទប្រកាន់ថា ជាអ្នកទទួលខុសត្រូវដល់រាល់ភាពតានតឹងនៅឧបទ្វីបកូរ៉េក្រោយការអំពាវនាវឱ្យមានទណ្ឌកម្មថ្មីៗ ។ សេនាប្រមុខរងលោករីយ៉ុង ហូ ថ្លែងកាលពីថ្ងៃទី២៥ មេសា កន្លងមកនេះថា កងទ័ពរបស់យើងបំពាក់ដោយគ្រឿងសព្វាវុធដែលខ្លាំង ហើយទំនើបដែលអាចធ្វើឱ្យអាមេរិកទទួលបរាជ័យ ៕
ចែករំលែកព័តមាននេះ