លោក Michael Woodford ដែលបាន គាស់កកាយរឿងអាស្រូវលាក់បាំងរបស់ក្រុមហ៊ុន Olympus មិនមានសុទិដ្ឋិនិយមអំពីការយកឈ្នះក្នុងកិច្ច ប្រជុំម្ចាស់ភាគហ៊ុននៅថ្ងៃសុក្រនេះទេ ប៉ុន្តែបានបង្ហាញពីការប្រឆាំងការគ្រប់គ្រងរបស់ម្ចាស់ភាគហ៊ុនបរទេស ។
លោក Woodford បានបញ្ជាក់រួចហើយថា លោកមិនត្រឡប់មកធ្វើការក្នុងក្រុមហ៊ុនផលិតកាមេរ៉ា និងគ្រឿបរិក្ខារពេទ្យនោះទៀតទេ ។ក្រុមហ៊ុន Olympus រងការគាំងដំណើរពីការបោះឆ្នោតរបស់ម្ចាស់វិនិយោគលើសំណើគ្រប់គ្រងថ្មីរបស់ខ្លួន ព្រោះម្ចាស់វិនិយោគទុនជប៉ុនដូចជា ធនាគារ និងអ្នកទ្រទ្រង់ក្រុមហ៊ុនផ្សេងៗគាំទ្រលើប្រព័ន្ធម្ចាស់ភាគហ៊ុន ដែលក្រុមហ៊ុនរបស់ពួកគេេបានចូលរួមចំណែកជាម្ចាស់ភាគហ៊ុននោះ ។
ក្រុមហ៊ុន Olympus បានសារភាពពីការ លាក់បាំងទឹកប្រាក់ខាតបង់ចំនួន១,៧ពាន់លានដុល្លារក្នុងការវិនិយោគមួយកាលពីអំឡុងទសវត្សឆ្នាំ១៩៩០ ។ក្រុមហ៊ុនបានតែងតាំងអតីតនាយកប្រតិបត្តិធនាគារ Sumitomo Mitsui Banking Corp ដែលជាធនាគារដ៏សំខាន់របស់ក្រុមហ៊ុនOlympusធ្វើជាប្រធានគណៈកម្មាធិការនាយក។
អតីតនាយកប្រតិបត្តិក្រុមហ៊ុន Olympus ចំនួនបីនាក់ត្រូវបានគេចាប់ខ្លួនតាមដីកាតុលាការ ដែលសង្ស័យជាប់ពាក់ព័ន្ធការលាក់បាំងទឹកប្រាក់ដែលខាតបង់នោះ ។ ចំណែកក្រុមហ៊ុនក៏មានក្រុមស៊ើបអង្កេតផ្ទាល់ខ្លួន និងបានប្តឹងនាយកប្រតិបត្តិមួយចំនួនចំពោះការខូចខាតរបស់ក្រុមហ៊ុន ។
នៅមុនកិច្ចប្រជុំថ្ងៃសុក្រ លោក Woodford មិនសម្តែងការសង្ស័យថាតើម្ចាស់ធនាគារអាច នាំឲ្យមានការផ្លាស់ប្តូរដែរឬទេ លើសពីនេះលោកបានរិះគន់ចំៗលើលោកប្រធានក្រុមហ៊ុន Hiroyuki Sasa ដែលគ្រាន់តែជាប្រធានផ្នែកគ្រឿងបរិក្ខារពេទ្យរបស់ក្រុមហ៊ុន ដែលខ្វះខាតបទពិសោធន៍ក្នុងការគ្រប់គ្រងក្នុងនាមជាអ្នកដឹកនាំ ។ លោកបានលើកកម្ពស់ឲ្យក្រុមហ៊ុនតែងតាំងអ្នកគ្រប់គ្រងពីខាងក្រៅ។ក្រោយពីលោក Woodford បានទម្លាយរឿងអាស្រូវរបស់ក្រុមហ៊ុន លោកបានក្លាយជា មនុស្សល្បីឈ្មោះក្នុងប្រទេសជប៉ុនលើការគ្រប់គ្រងក្រុមហ៊ុន លោកសង្ឃឹមថា ក្រុមហ៊ុនជប៉ុននឹងផ្តល់ការងារឲ្យលោកធ្វើ ។
ក្នុងពេលចាប់ផ្តើមកិច្ចប្រជុំដែលមានម្ចាស់ភាគហ៊ុនជាង១.០០០នាក់ លោកប្រធានក្រុមហ៊ុន Shuichi Takayama និងសមាជិកគណៈកម្មាធិការបានឱនគោរពយ៉ាងទន់ភ្លន់បំផុត។កិច្ចប្រជុំនោះធ្វើឡើងនៅក្នុងទីក្រុងតូក្យូ។ លោក Woodford ចង់បោះឆ្នោតរំលាយគណៈ គ្រប់គ្រងនាយក តែលោកមិនបានប្រាប់ពីមូលហេតុនោះទេ ខណៈលោកនៅតែប្តឹងអតីតប្រធានក្រុមហ៊ុននៅចក្រភពអង់គ្លេស ។ខាងភាគីក្រុមហ៊ុនសង្ឃឹមថា ការបោះឆ្នោតស្មើគ្នាលើរឿងអាស្រូវដែលបានធ្វើឲ្យក្រុមហ៊ុនOlympus ខាតបង់ប្រាក់ចំនួន៤ពាន់លានដុល្លារពីផ្សារហ៊ុន។ លោក Woodford និងអ្នក វិនិយោគបរទេសដែលមានភាគហ៊ុនពី២៥ទៅ៣០ភាគរយក្នុងក្រុមហ៊ុននោះ ចង់ឲ្យមានការផ្លាស់ប្តូរខ្លាំងនូវវប្បធម៌ចាស់រវាងទំនាក់ទំនងដ៏ជិតស្និទ្ធរបស់ធនាគារនិងគណៈកម្មាធិការនាយក ។
អ្វីដែលច្បាស់នាពេលនេះ គឺប្រធានក្រុមហ៊ុន លោក Hiroyuki Sasa ដែលមានបទពិសោធន៍ជាម្ចាស់ក្រុមហ៊ុនជាង៣០ឆ្នាំ ចំណែកប្រធានគណៈកម្មាធិការនាយកគឺលោក Yasukuki Kimoto វ័យ៦៣ឆ្នាំ ជាអតីតនាយកគ្រប់ គ្រងក្រុមហ៊ុន Sumitomo Mitsui Financial Group និងមានភាគហ៊ុនចំនួន៣,៤ភាគរយ និងជាម្ចាស់បំណុលរបស់ក្រុមហ៊ុនបានផ្តល់ប្រាក់កម្ចីចំនួន២,៨ពាន់លានដុល្លារ ។
ក្រុមហ៊ុនដែលផ្តល់ប្រាក់កម្ចីធំបំផុត មានក្រុមហ៊ុន SMFG និងក្រុមហ៊ុន Mitsubishi UF J Financial Group ដែលជាអ្នកវិនិយោគសំខាន់សម្រាប់ក្រុមហ៊ុន Olympus និងអាចមានឥទ្ធិពលលើការសម្រេចរបស់គណៈកម្មាធិការនាយក ។អ្នកសេដ្ឋកិច្ចម្នាក់និយាយថា ក្រុមហ៊ុនOlympus មានបច្ចេកវិទ្យាចំណាត់ថ្នាក់លេខ មួយ តែបញ្ហានាពេលនេះគឺការគ្រប់គ្រង ។ ការដោះស្រាយបញ្ហាការខូចឈ្មោះរបស់ពាណិជ្ជសញ្ញាក្រុមហ៊ុន នឹងយកឈ្នះទំនុកចិត្តនិងទទួលជោគជ័យក្នុងពេលឆាប់ៗខាងមុខ។ ក្រុមហ៊ុនបានលើកឡើងជាថ្មីថា ដើមទុន របស់ក្រុមហ៊ុននៅដំណាច់ខែកញ្ញាមានចំនួន៤៦ពាន់លានដុល្លារ។ ចំណែកភាគហ៊ុនរបស់ក្រុមហ៊ុនបានកើនឡើង៦,៤ភាគរយនៅថ្ងៃសុក្រ ជាអត្រាកើនឡើងខ្ពស់បំផុតក្នុងរយៈពេល៣ខែចុងក្រោយ។ គិតចាប់ពីខែតុលា ពេលដែលមានរឿងអាស្រូវនោះ ភាគហ៊ុនរបស់ក្រុមហ៊ុនធ្លាក់ចុះ៨០ភាគរយ ហើយក្រុមហ៊ុនធ្លាក់ត្រឹមតម្លៃតែ៤,១ពាន់លានដុល្លារ ៕
ចែករំលែកព័តមាននេះ