រាជធានីភ្នំពេញ ៖ នៅថ្ងៃសៅរ៍ ទី២១ មេសានេះ ការប្រកួតដណ្តើមខ្សែក្រវាត់ជើងឯក១០លានរៀលរបស់ស្រាផែនដី នៅលើសង្វៀនស្ថានីយទូរទស្សន៍ CTN ពូល A បានឈានចូលដល់ជុំទី៣ហើយ។ ឡុង សុភី មកពីក្លឹបសាលវ័ន្តកីឡា ជួប ជាម អាដាំ មកពីក្លឹបឃ្លាំងមឿងកីឡា ខណៈ ពុធ ឆាយរិទ្ធី មកពីក្លឹបពុទ្ធសេរីវង្សព្រែកតាទែន ជួប
រាជធានីភ្នំពេញ ៖ នៅថ្ងៃសៅរ៍ ទី២១ មេសានេះ ការប្រកួតដណ្តើមខ្សែក្រវាត់ជើងឯក១០លានរៀលរបស់ស្រាផែនដី នៅលើសង្វៀនស្ថានីយទូរទស្សន៍ CTN ពូល A បានឈានចូលដល់ជុំទី៣ហើយ។ ឡុង សុភី មកពីក្លឹបសាលវ័ន្តកីឡា ជួប ជាម អាដាំ មកពីក្លឹបឃ្លាំងមឿងកីឡា ខណៈ ពុធ ឆាយរិទ្ធី មកពីក្លឹបពុទ្ធសេរីវង្សព្រែកតាទែន ជួប នន់ ជំនិត មកពីក្លឹបស៊ីម៉ាក់ ។
រវាង២គូខាងលើនេះប្រកួតគ្នាក្នុងប្រភេទទម្ងន់៦៥គីឡូក្រាម ។ ឡុង សុភី ប្រកួតបាន២លើកជាប់គ្នាមាន៦ពិន្ទុ ។ ចំណែកជាម អាដាំ ប្រកួតបាន២លើក ប៉ុន្តែចាញ់រហូត លើកនេះ អាដាំ ក៏មិនសូវជាមានសង្ឃឹមប៉ុន្មានដែរ បើសិនជាគេប្រកួតចាញ់លើកនេះទៀត ប្រហែលមានតែផ្លូវហាលខោទេ ។ ចំណែក ពុធ ឆាយរិទ្ធី និង នន់ ជំនិត ប្រកួតបាន២លើកដូចគ្នា ហើយឈ្នះទាំងពីរប្រកួតដូចគ្នា ។ លើកនេះ ទោះជាខ្លាំងប៉ុណ្ណាក៏ត្រូវមានម្នាក់ជាអ្នកចាញ់ ប៉ុន្តែ មុននឹងចាញ់ឈ្នះក៏ពិបាកបន្តិចហើយ ។ រិទ្ធី មានកម្លាំងខ្លាំង ស្នៀតជើង និងកណ្តាប់ដៃល្អ អាចទាត់និងវាយចេញបានរហ័សហើយចំទិសដៅទៀតផង ។ ប៉ុន្តែចលនាវាយចេញរបស់រិទ្ធី យឺតបន្តិច ។ រីឯជំនិត ល្អស្នៀតកែង តែកម្លាំងមិនសូវជាខ្លាំងប៉ុន្មានឡើយ ប៉ុន្តែចិត្តរបស់គេសឿងជាង ។ ទោះជាយ៉ាងណាទាំងសងខាងសុទ្ធតែមានការខ្លាចក្រែងគ្នាទៅវិញទៅមកដូចគ្នា ព្រោះល្បិចប្រយុទ្ធរបស់អ្នកទាំងពីរប្រហាក់ប្រហែលគ្នា ។
គូប្រកួតមិត្តភាព កង ចន្ថា មកពីក្លឹបអាជ្ញាធរជាតិអាវុធគីមី ជួប សឹង្ហ សាវ៉ន មកពីក្លឹបសឹង្ហកីឡា ។ ឈិន ខ្វាន់ង៉ុយ មកពីក្លឹបម្កុដរាជសីហ៍ ជួប សល់ ប៊ុនអុីម មកពីក្លឹបអាស៊ី កីឡា ៕
ចែករំលែកព័តមាននេះ