ខេត្តពោធិ៍សាត់ ៖ ប៉ូលិសបានឃាត់ខ្លួនបុរសម្នាក់ដោយជាប់ចោទពីបទឌុបបក្សពួករបស់ខ្លួនទៅប្លន់ម៉ូតូប្រជាពលរដ្ឋ ។ ករណីនេះបានកើតឡើងកាលពីយប់ថ្ងៃទី១៦ មេសា ២០១២ នៅចំណុចខ្នងប្រឡាយ១៧មេសា ស្ថិតក្នុងភូមិកោះក្របី ឃុំខ្នារទទឹង ស្រុកបាកាន ខណៈពេលជនរងគ្រោះត្រឡប់មកពីវត្ត។ នៅថ្ងៃទី១៩ មេសា ២០១២
ខេត្តពោធិ៍សាត់ ៖ ប៉ូលិសបានឃាត់ខ្លួនបុរសម្នាក់ដោយជាប់ចោទពីបទឌុបបក្សពួករបស់ខ្លួនទៅប្លន់ម៉ូតូប្រជាពលរដ្ឋ ។ ករណីនេះបានកើតឡើងកាលពីយប់ថ្ងៃទី១៦ មេសា ២០១២ នៅចំណុចខ្នងប្រឡាយ១៧មេសា ស្ថិតក្នុងភូមិកោះក្របី ឃុំខ្នារទទឹង ស្រុកបាកាន ខណៈពេលជនរងគ្រោះត្រឡប់មកពីវត្ត។ នៅថ្ងៃទី១៩ មេសា ២០១២ ជនសង្ស័យបានបញ្ជូនទៅកាន់ស្នងការដ្ឋាននគរបាលខេត្តដើម្បីសាកសួរកសាងកសំណុំរឿងបញ្ជូនទៅសាលាដំបូងខេត្ត ។
ប៉ូលិសព្រហ្មទណ្ឌកម្រិតស្រាលខេត្តឱ្យដឹងថា ជនសង្ស័យដែលឃាត់ខ្លួននេះឈ្មោះសៀក រ៉ន ភេទប្រុស អាយុ៣១ឆ្នាំ នៅភូមិដំណាក់ធ្នង់ ឃុំខ្នារទទឹង ស្រុកបាកាន ។ ការឃាត់ខ្លួនជននេះតាមពាក្យបណ្តឹងរបស់ម្ចាស់ម៉ូតូឈ្មោះសាន រិន ភេទប្រុស អាយុ១៩ឆ្នាំ រស់នៅក្នុងភូមិពោល្យុំ ឃុំខ្នារទទឹង ដែលបានចោទប្រកាន់ថា កាលពីយប់ថ្ងៃទី១៦ មេសា ២០១២ រូបគេជិះម៉ូតូម៉ាកហុងដាឌ្រីម ស៊េរី២០១១ ឌុបប្អូនៗទៅលេងវត្តស្រោង ។ ពេលទៅដល់ខ្នងប្រឡាយ១៧មេសា ស្រាប់តែមានក្រុមចោរ២នាក់ ពាក់អាវប៉ារ៉ា ជិះម៉ូតូគុបកញ្ចាស់ស្ទាក់ប្លន់យកម៉ូតូរបស់រូបគេជិះគេចទៅទិសខាងលិចតាមខ្នងប្រឡាយបាត់ ។ ភ្លាមៗនោះរូបគេទូរស័ព្ទប្រាប់បងប្អូនឱ្យស្ទាក់នៅខាងមុខ ។ ពេលទៅដល់ឃើញភ្លើងម៉ូតូស្ទាក់ចាំខាងមុខ ពួកចោរក៏បាញ់បើកផ្លូវចំនួន៣គ្រាប់ឡើងលើ ។ ដោយឃើញម៉ូតូកំពុងបញ្ឆេះចោលក្រុមចោរទាំងនោះបានដូរម៉ូតូដែលប្លន់បានទុកនៅទីនោះ រួចហើយឡើងជិះម៉ូតូនោះទៅបាត់ ។ ម៉ូតូនោះម៉ាកហុងដាឌ្រីម ស៊េរី២០១០ ។
ប៉ូលិសឱ្យដឹងថា ដោយមានការចង្អុលបង្ហាញពីម្ចាស់ម៉ូតូនៅយប់នោះសមត្ថកិច្ចបានស្ទាក់ត្រួតពិនិត្យម៉ូតូតាមផ្លូវឃាត់ម៉ូតូរបស់ឈ្មោះសៀក រ៉ន ម៉ាកគុបជ្រុងបាញ់ពណ៌ទឹកប្រាក់ ដោយជាប់ចោទថា ម្ចាស់ម៉ូតូរូបនេះជាអ្នកឌុបចោរទៅប្លន់យកម៉ូតូនាយប់នោះ ។នៅចំពោះមុខសមត្ថកិច្ចជនសង្ស័យបដិសេធថា រូបគេមិនដឹងរឿងអ្វីទាំងអស់ ។ នៅយប់នោះរូបគេបានឌុបប្រពន្ធ និងកូនត្រឡប់មកពីលេងបុណ្យចូលឆ្នាំនៅវត្តស្រោង ពេលបើកម៉ូតូតាមផ្លូវស្រាប់តែប៉ូលិសស្ទាក់ម៉ូតូ និងឃាត់ខ្លួនតែម្តង។ប៉ូលិសបញ្ជាក់ថា នេះគ្រាន់តែជាការដោះសាប៉ុណ្ណោះ រឿងពិតគឺមានភស្តុតាងអស់ហើយ។ ជនសង្ស័យត្រូវសមត្ថកិច្ចកសាងសំណុំរឿងបញ្ជូនទៅកាន់សាលាដំបូងនារសៀលថ្ងៃទី១៩ មេសា ដើម្បីចាត់ការតាមនីតិវិធី ៕
ចែករំលែកព័តមាននេះ