អ្នកទទួលខុសត្រូវខាងការពារអាមេរិកមួយរូបគូសបញ្ជាក់ប្រាប់AFPថា ឧទ្ធម្ភាគចក្រធុន BLACK HAWK មួយគ្រឿងរបស់អាមេរិក ដែលមានមនុស្សជិះក្នុងនោះ៤នាក់ដែលប្រហែលជាពួកទាហានអាមេរិកបានធ្លាក់កាលពីថ្ងៃទី១៩មេសានៅភាគនិរតីអាហ្វហ្គានីស្ថាន ។
អ្នកទទួលខុសត្រូវរូបនេះដែលពុំអាចបញ្ជាក់ក្នុងពេលភ្លាមៗថាតើមនុស្សដែលស្ថិតក្នុងឧទ្ធម្ភាគចក្រត្រូវស្លាប់ឬរបួសនោះឡើយ ។ គ្រោះថ្នាក់នេះហាក់ដូចជាបណ្តាលមកពីធាតុអាកាសមិនល្អ ។ ចំណែកកងកម្លាំងអូតង់នៅអាហ្វហ្គានីស្ថានវិញក្នុងសេចក្តីប្រកាសមួយអះអាងថា កន្លែងឧទ្ធម្ភាគចក្រធ្លាក់ជាតំបន់មានសន្តិសុខរួចការស៊ើបអង្កេត មួយលើមូលហេតុនៃគ្រោះថ្នាក់នេះត្រូវបានធ្វើ ។
កាលពីថ្ងៃទី១៦មីនាកន្លងមកនេះ ទាហានតួកគី១២នាក់និងជនស៊ីវិល២នាក់បានស្លាប់ក្នុងគ្រោះថ្នាក់ធ្លាក់ឧទ្ធម្ភាគចក្រធុនCH-53 SEA STA-TIONមួយគ្រឿងនៅមួសាកាឡា ជាស្រុកមួយនៃខេត្តហែលម៉ង់របស់អាហ្វហ្គានី ស្ថាន ។ ចំណែកឯកាលពីថ្ងៃទី៥សីហា ២០១១ ឧទ្ធម្ភាគចក្រធុន CHINOOK មួួយគ្រឿងរបស់អាមេរិកត្រូវពួកលីបង់បាញ់រ៉ុក្កែត RPGធ្លាក់នៅជិតក្រុងកាប៊ុល ។ ទាហានអាហ្វហ្គានីស្ថាន៨នាក់និងទាហានអាមេរិក៣០នាក់ក្នុងនោះមានសមាជិកកងកម្លាំងពិសេសអាមេរិក NAVY SEALS ២២នាក់ត្រូវស្លាប់ ៕
ចែករំលែកព័តមាននេះ