ខេត្តស្វាយរៀង ៖ ព្យុះភ្លៀង១មេធំបានបោកបក់យ៉ាងខ្លាំងចាប់ពីម៉ោង៥ និង៣០នាទីល្ងាច រហូតដល់ម៉ោង៧យប់ថ្ងៃទី១៨ មេសា ២០១២ ដោយលាយឡំជាមួយផ្គររន្ទះ ផ្លេក បន្ទោរ និងព្យុះបណ្តាលឱ្យផ្ទះប្រជាពលរដ្ឋចំនួន៥ខ្នង ត្រូវខូចខាតស្ទើរទាំងស្រុង ។
ខេត្តស្វាយរៀង ៖ ព្យុះភ្លៀង១មេធំបានបោកបក់យ៉ាងខ្លាំងចាប់ពីម៉ោង៥ និង៣០នាទីល្ងាច រហូតដល់ម៉ោង៧យប់ថ្ងៃទី១៨ មេសា ២០១២ ដោយលាយឡំជាមួយផ្គររន្ទះ ផ្លេក បន្ទោរ និងព្យុះបណ្តាលឱ្យផ្ទះប្រជាពលរដ្ឋចំនួន៥ខ្នង ត្រូវខូចខាតស្ទើរទាំងស្រុង ។
ផ្ទះ២ខ្នងដំបូលស័ង្កសីទំហំ៤ម៉ែត្រគុណ១២ម៉ែត្រ នៅភូមិពោធិ៍តាហោ នៅសង្កាត់ ពោធិ៍តាហោ ក្រុងស្វាយរៀង ត្រូវខ្យល់ព្យុះបោកបក់បណ្តាលឱ្យប៉ើងដំបូលអស់ទាំងស្រុង និងផ្ទះថ្ម១ខ្នងទៀតទំហំ៤ម៉ែត្រ គុណ១២ម៉ែត្រដែរ នៅភូមិបាក់រនាស់ សង្កាត់សង្ឃ័រ ក្រុងស្វាយរៀង ក៏ត្រូវខ្យល់ព្យុះបោកបក់បណ្តាលឱ្យដំបូលស័ង្កសី ប៉ើងចម្ងាយជាង១០ម៉ែត្រ ហើយធ្លាក់ទៅសង្កត់លើផ្ទះអ្នកស្រុកចំនួន២ខ្នងទៀត ប្រក់ស័ង្កសី ស្ថិតនៅជិតគ្នា បណ្តាលឱ្យរងការខូចខាតយ៉ាងដំណំ ។ ដោយឡែក ដើមគគីរដ៏ធំ១ដើម ក៏ត្រូវដួលរលំ និងបាក់បង្គោលភ្លើងអស់១ដើម បណ្តាលឱ្យក្រុងស្វាយរៀងត្រូវដាច់ចរន្តអគ្គិសនីជិត២ម៉ោង ឯស្លាកគណបក្សចំនួន៣ និង ប៉ាណូក្រុមហ៊ុនឯកជនចំនួន៨ត្រូវរលំដែរ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ