ព្រះចៅអធិរាជជប៉ុន អាគីហ៊ីតូ និងអធិរាជនី មីជីហ៊ីតូ កាលពីថ្ងៃទី៣១ មីនា បានយាងទៅកាន់ជំរំស្នាក់នៅបណ្តោះអាសន្នដើម្បីសួរសុខទុក្ខជនរងគ្រោះដោយសារការរញ្ជួយដីដ៏ខ្លាំងកម្រិត៩រីស្ទ័រ បង្កឱ្យមានរលកយក្សស៊ូណាមី ដែលវាយប្រហារភាគឦសានប្រទេសជប៉ុនកាលពីថ្ងៃទី១១ មីនា កន្លងមក បណ្តាលឱ្យស្លាប់ និងបាត់ខ្លួនមនុស្សជាង២ម៉ឺននាក់ ។ នេះជាលើកទី១ហើយដែលព្រះចៅអធិរាជ និងអធិរាជនីជប៉ុនយាងសួរសុខទុក្ខជនរងគ្រោះចាប់តាំងពីកើតមានគ្រោះធម្មជាតិដ៏ធ្ងន់ធ្ងរនេះមក ។
ក្នុងការយាងសួរសុខទុក្ខនោះ ព្រះចៅអធិរាជអាគីហ៊ីតូ និងអធិរាជនីមីជីហ៊ីតូ បានចំណាយពេលជិតមួយម៉ោងជួបទល់មុខជាមួយជនរងគ្រោះ ប្រហែល៣០០នាក់ ដែលស្នាក់នៅទីនោះក្នុងទីក្រុងតូក្យូ ។
ព្រះចៅអធិរាជ និងអធិរាជនីជប៉ុនទ្រង់សម្តែងព្រះរាជហឫទ័យព្រួយបារម្ភយ៉ាងខ្លាំងចំពោះជនរងគ្រោះទាំងនោះ ៕
ចែករំលែកព័តមាននេះ