អង្គការសម្ព័ន្ធទុយនីស៊ីការពារសិទ្ធិមនុស្ស LTDH និងក្រសួងការបរទេសទុយនីស៊ីរាយការណ៍ថា ជនជាតិទុយនីស៊ី១០០នាក់ ត្រូវចាប់ពង្រត់ដោយជនប្រដាប់អាវុធលីប៊ីមួយក្រុមនៅក្រុងហ្សាអ៊ូអ៊ីយ៉ា ជាទីក្រុងឆ្នេរសមុទ្រស្ថិតនៅចម្ងាយ៥០គ.មខាងលិចរដ្ឋធានីលីប៊ី ។
អង្គការសម្ព័ន្ធទុយនីស៊ីការពារសិទ្ធិមនុស្ស LTDH និងក្រសួងការបរទេសទុយនីស៊ីរាយការណ៍ថា ជនជាតិទុយនីស៊ី១០០នាក់ ត្រូវចាប់ពង្រត់ដោយជនប្រដាប់អាវុធលីប៊ីមួយក្រុមនៅក្រុងហ្សាអ៊ូអ៊ីយ៉ា ជាទីក្រុងឆ្នេរសមុទ្រស្ថិតនៅចម្ងាយ៥០គ.មខាងលិចរដ្ឋធានីលីប៊ី ។
លោក LASSAD JAMOUSSI ប្រធានរបស់ LTDH គូសបញ្ជាក់ប្រាប់AFPថាជនប្រដាប់អាវុធលីប៊ីមួយក្រុមស្ថិតក្នុងកងឯកភាពបដិវត្តន៍លីប៊ីកាលពីយប់ថ្ងៃទី១៦មេសាបានចាប់ជនជាតិទុយនីស៊ី១០០នាក់ដែលធ្វើការក្នុងតំបន់ទីក្រុងហ្សាអ៊ូអ៊ីយ៉ា របស់លីប៊ីដើម្បីទាមទារឱ្យដោះលែងជនជាតិលីប៊ី៤នាក់ ដែលកំពុងជាប់ឃុំឃាំងនៅទុយនីស៊ី ។
លោកJAMOUSSIបន្តថា ក្នុងចំណោមអ្នកត្រូវចាប់ពង្រត់ទាំងនេះ២០នាក់ធ្វើការឱ្យក្រុមហ៊ុនសាធារណការមួយសម្រាប់ក្រុមហ៊ុនប្រេងកាតមួយហើយ៨០នាក់ទៀតជាពលករធ្វើការក្នុងតំបន់ក្រុងហ្សាអ៊ូអ៊ីយ៉ា ។ តាមព័ត៌មានថា ចំណាប់ខ្មាំងទាំងនេះស្ថិតក្នុងលក្ខខណ្ឌធម្មតាហើយក៏ពុំមានការធ្វើបាបដែរ ។ ប្រមុខក្រុមចាប់ពង្រត់មនុស្សជាប្អូនប្រុសរបស់មនុស្សម្នាក់ក្នុងចំណោមជនជាតិលីប៊ីទាំង៤នាក់ ដែលចាប់ខ្លួននៅទុយនីស៊ីសង្ស័យពាក់ព័ន្ធដល់ការរត់ពន្ធគ្រឿងញៀននិងអាវុធ ៕
ចែករំលែកព័តមាននេះ