បណ្តាអ្នកតមអាហារបដិសេធមិនទទួលទានពពួកសណ្តែកដ្បិតពួកគេយល់ថា វាសំបូរទៅដោយសារធាតុខ្លាញ់ ប៉ុន្តែតាមការស្រាវជ្រាវថ្មីបង្ហាញថា ទម្លាប់ទទួលទានពពួកសណ្តែកអាចធ្វើឱ្យមានរាងស្អាតទៅវិញ ។
បណ្តាអ្នកតមអាហារបដិសេធមិនទទួលទានពពួកសណ្តែកដ្បិតពួកគេយល់ថា វាសំបូរទៅដោយសារធាតុខ្លាញ់ ប៉ុន្តែតាមការស្រាវជ្រាវថ្មីបង្ហាញថា ទម្លាប់ទទួលទានពពួកសណ្តែកអាចធ្វើឱ្យមានរាងស្អាតទៅវិញ ។
ការសិក្សាមួយបានរកឃើញថា អ្នកទទួលទានពពួកសណ្តែកមានដូចជា អាល់ម៉ុន(almonds) គ្រាប់ស្វាយចន្ទី និងសណ្តែកpistachiosរក្សាបានទម្ងន់ខ្លួន(BMI)នៅទាបនិងបរិវេណចង្កេះតូចធៀបជាមួយអ្នកមិនទទួលទាន។ លើសពីនេះទៀត អត្រាប្រឈមនឹងជំងឺបេះដូង ជំងឺទឹកនោមផ្អែមប្រភេទ២របស់គេស្ថិតក្នុងកម្រិតទាប ។
ក្រុមអ្នកជំនាញបានស្នើថា ដើម្បីទទួលបានសុខភាពបែបនោះគេគួរទទួលទានពពួកសណ្តែកក្នុងបរិមាណ៣ស្លាបព្រាកាហ្វេក្នុងមួយថ្ងៃ។
អ្នកដឹកនាំការស្រាវជ្រាវ Carol O’Neilមកពីសាកលវិទ្យាល័យ Louisiana State Universityសហរដ្ឋអាមេរិកនិយាយថា៖«រឿងមួយដ៏គួរឱ្យចាប់អារម្មណ៍នៃការរកឃើញលើកនេះគឺការពិតដែលថា បណ្តាអ្នកនិយមទទួលទានពពួកផ្លែឈើឬរុក្ខជាតិសណ្តែកមានទម្ងន់ខ្លួននិងបរិវេណចង្កេះថយចុះប្រៀបធៀបជាមួយអ្នកមិនទទួលទានសោះ»។ ការសិក្សាដែលបានចុះផ្សាយនៅក្នុងព្រឹត្តិប័ត្រ American College of Nutritionនេះត្រូវបានគេធ្វើពិសោធន៍លើមនុស្សប្រុសស្រីចំនួន ១៣២៩៣នាក់ដោយចំណាយពេលអស់៥ឆ្នាំ៕
ចែករំលែកព័តមាននេះ