វ៉ាក់សាំងដែលមានលទ្ធភាពការពារជំងឺមហារីកគ្រប់ប្រភេទបាន៩០ភាគរយត្រូវបានគេធ្វើតេស្តជាលើកដំបូងលើមនុស្សដោយជោគជ័យកាលពីពេលថ្មីៗនេះ។
ការពិសោធលើអ្នកជំងឺមហារីកឈាមទទួលបានលទ្ធផលគាប់ប្រសើរខណៈដែល៣នាក់ក្នុងចំណោមអ្នកជំងឺ៧នាក់ពេលនេះមានភាពធូរស្រាល។ ក្រុមអ្នកស្រាវជ្រាវ
វ៉ាក់សាំងដែលមានលទ្ធភាពការពារជំងឺមហារីកគ្រប់ប្រភេទបាន៩០ភាគរយត្រូវបានគេធ្វើតេស្តជាលើកដំបូងលើមនុស្សដោយជោគជ័យកាលពីពេលថ្មីៗនេះ។
ការពិសោធលើអ្នកជំងឺមហារីកឈាមទទួលបានលទ្ធផលគាប់ប្រសើរខណៈដែល៣នាក់ក្នុងចំណោមអ្នកជំងឺ៧នាក់ពេលនេះមានភាពធូរស្រាល។ ក្រុមអ្នកស្រាវជ្រាវមកពីក្រុមហ៊ុនឱសថ Vaxil Biotheraputicsនិងសាកលវិទ្យាល័យTel Aviv Universityប្រទេសអុីស្រាអែលជឿជាក់ថា វ៉ាក់សាំងនេះក៏អាចប្រឆាំងនឹងមហារីកដោះ ក្រពេញប្រូស្តាត លំពែង ពោះវៀនធំនិងមហារីកអូវែរផងដែរ ។
ប្រសិនជាអ្វីៗទាំងអស់ដំណើរការទៅបានល្អ នោះវ៉ាក់សាំងដែលគេឱ្យឈ្មោះថា ImMucinនេះអាចនឹងត្រូវដាក់លក់នៅលើទីផ្សារនាឆ្នាំ២០២០ ។ តាមអ្នកវិទ្យាសាស្ត្រឱ្យដឹងថា វ៉ាក់សាំង ImMucinនេះមិនមែនទៅប្រឆាំងនឹងកោសិកាមហារីកដោយផ្ទាល់ទេ ពោលគឺវាជួយជាថាមពលដល់ប្រព័ន្ធការពាររាងកាយមនុស្សទប់ទល់នឹងមហារីក។
នៅក្នុងការពិសោធដែលធ្វើឡើងនៅមជ្ឈមណ្ឌលវេជ្ជសាស្ត្រHadassah Medical Centreក្រុងយេរូហ្សាឡឹមលើអ្នកជំងឺ៧នាក់ដែលកើតមហារីកឈាមបង្ហាញថា ប្រព័ន្ធការពាររាងកាយរបស់ពួកគេមានភាពប្រឆាំងយ៉ាងរឹងមាំទៅនឹងកោសិកាមហារីកបើធៀបទៅនឹងមុនពេលដែលពួកគេទទួលវ៉ាក់សាំង។ ទោះជាយ៉ាងណាក្តី ការធ្វើតេស្តនឹងត្រូវធ្វើជាបន្តទៀតលើចំនួនមនុស្សដ៏ច្រើនជាងលើកនេះដោយចំណាយពេលជាច្រើនឆ្នាំធ្វើយ៉ាងណាដើម្បីធានាថា ឱសថនេះមានប្រសិទ្ធភាពនិងសុវត្ថិភាពសម្រាប់ការប្រើប្រាស់ទូទាំងសាកលលោក ជាពិសេសតាមបណ្តាមន្ទីរពេទ្យ។
វេជ្ជបណ្ឌិត Caitlin Palframanមកពីមូលនិធិមហារីកដោះ Breakthrough Breast Cancer បាននិយាយថា៖«លទ្ធផលនៃការរកឃើញថ្មីដ៏រំភើបរីករាយនេះអាចនាំទៅរកការព្យាបាលអ្នក ជំងឺមហារីកដោះដែលស្ទើរតែគ្មានជម្រើស។ វាក៏ជាការបើកផ្លូវមួយផងដែរទៅលើលទ្ធភាពនៃការផ្តល់វ៉ាក់សាំងដល់បណ្តាស្ត្រីដែលងាយប្រឈមនឹងមហារីកដោះ» ៕
ចែករំលែកព័តមាននេះ