ឆ្នាំ១៧៨០
-មានការប្រណាំងសេះលើកទីមួយនៅក្នុងប្រទេសអង់គ្លេស ។
ឆ្នាំ១៨៥៥
-បាតុកម្មហិង្សាបានកើតឡើងនៅក្នុងទី ក្រុងផតឡេន រដ្ឋម៉ែនសហរដ្ឋអាមេរិក ដោយសារការហាមលក់ជាតិអាល់កុលនៅ ក្នុងរដ្ឋលើកលែងតែសំរាប់ប្រើក្នុងវិស័យពេទ្យ ។
ឆ្នាំ១៨៧៦
-អ្នកនិពន្ធជនជាតិប៊ុលហ្គារីលោក Hristo Botve ដែលជាអ្នកបដិវត្ដន៍ក្នុងប្រទេសផងនោះ បានត្រូវគេសម្លាប់នៅតាមជួរភ្នំស្ដារ៉ាផ្លានីណា ។
ឆ្នាំ១៨៨៦
-ប្រធានាធិបតីអាមេរិកទី២៤ លោក ហ្គ្រោវ័រ ក្លេវ៉ឺឡេន បានរៀបការជាមួយនាង ហ្វ្រេនស៊ីស ហ្វូលសូម នៅក្នុងសេតវិមាន ហើយបានក្លាយជាប្រធានាធិបតីទី១ដែលបានរៀបការនៅទីនោះ ។
ឆ្នាំ១៨៩៦
-លោកហ្គូហ្គី្លអែលម៉ូ ម៉ាក់កូនី បានស្នើ សំរាប់ការរកឃើញឧបករណ៍ដែលលោកទើបតែបង្កើតថ្មីគឺវិទ្យុ ។
ឆ្នាំ១៩០៩
-លោកអាលហ្វ្រេដ ដេឃីង បានក្លាយជានាយករដ្ឋមន្ដ្រីនៃប្រទេសអូស្ដ្រាលីជាលើកទី៣ ។
ឆ្នាំ១៩២៤
-ប្រធានាធិបតីទី៣០អាមេរិក លោកខាលវីន គូលីដ បានចុះហត្ថលេខាលើច្បាប់ដែលឱ្យគ្រប់ជនជាតិដើមអាមេរិក និងកើតនៅលើដែនដីនៃសហរដ្ឋអាមេរិកបានទទួលសញ្ជាតិអាមេរិក ។ ពេលនោះមានមនុស្សពី១២៥.០០០នាក់ទៅ៣០០.០០០នាក់បានទទួលសញ្ជាតិ ។
ឆ្នាំ១៩៤១
-ក្រោយពីបានកាន់កាប់កោះ Crete របស់ក្រិច កងទ័ពឆត្រយោងអាល្លឺម៉ង់បានសម្លាប់ប្រជាជននៅលើកោះក្នុងភូមិកុនដូម៉ារី បណ្ដាលឱ្យមានមនុស្សស្លាប់៤០០នាក់ ។
ឆ្នាំ១៩៤៦
-ប្រជាជននៃប្រទេសអ៊ីតាលី បានសំរេចបោះឆ្នោតផ្លាស់ប្ដូររបបពីរាជានិយមមកជាសាធារណរដ្ឋ ហើយបន្ទាប់ពីការធ្វើប្រជាមតិរួច ស្ដេចចុងក្រោយនៃប្រទេសព្រះនាមអូម ប៉េតូទី២ ឌីសាវូអី ដែលសោយរាជ្យនៅថ្ងៃទី៩ ឧសភា ឆ្នាំ១៩៤៦ ត្រូវបាននិរទេសចេញពីប្រទេស ។
ឆ្នាំ១៩៦៦
-យានអវកាស Surveyor I បានចុះចតលើភពព្រះចន្ទ ហើយក្លាយជាយានទីមួយរបស់អាមេរិកដែលបានចុះចតនៅលើ ភពផ្សេងក្រៅពីផែនដី ។
ឆ្នាំ១៩៦៧
-អ្នកទោសអាមេរិកម្នាក់ឈ្មោះល្វីម៉ុន បានត្រូវគេកាត់ទោសប្រហារជីវិតដោយប្រើបន្ទប់ឧស្ម័នពុល ហើយនេះជាការសំរេចកាត់ទោសប្រហារជិវិតចុងក្រោយរបស់តុលាការកំពូលអាមេរិក ។
ឆ្នាំ១៩៧៩
-សម្ដេចប៉ាបចន ប៉ូលទី២ បានធ្វើដំណើរទស្សនកិច្ចនៅប្រទេសកំណើតរបស់ព្រះអង្គ គឺប្រទេសប៉ូឡូញហើយព្រះអង្គបានក្លាយជាសម្ដេចប៉ាបទី១ ដែលបានទៅទស្សនកិច្ចនៅប្រទេសប្រកាន់របបកុំមុយនីស្ដ ។
ឆ្នាំ១៩៨៤
-កងយោធារបស់ប្រទេសឥណ្ឌាបានបើកការវាយប្រហារលើពួកស៊ីកនៅប្រាសាទហា ម៉ានឌី សាហ៊ីប ឬគេស្គាល់ថា ជាប្រាសាទមាស ហើយក៏ជាកន្លែងស័ក្ដិសិទ្ធរបស់ពួកស៊ីកផងដែរ ។ ការវាយប្រហារធ្វើតាមការបញ្ជារបស់លោកស្រីនាយករដ្ឋមន្ដ្រីឥណ្ឌារ៉ា គន្ធីដោយសារទីនោះពួកស៊ីកបានយកអាវុធជាច្រើនលាក់ក្នុងប្រាសាទ ។ ប្រតិបត្ដិការដែលទទួលជោគជ័យនេះមានឈ្មោះថា ប្រតិបត្ដិការផ្កាយខៀវ ដែលបានប្រើទ័ពរថក្រោះ និងរថយន្ដសង្គ្រាម ហើយប្រតិបត្ដិការនេះស្លាប់ទាហានរដ្ឋាភិបាល៨៣នាក់ ប្រជាជន៤៩២នាក់ ។ ឯពួកស៊ីកក៏បានប្រកាសសងសឹកលើលោកស្រីនាយករដ្ឋមន្ដ្រីហេតុនេះ ហើយបានជាលោកស្រីត្រូវពួកស៊ីក២នាក់
ដែលជាអ្នកយាមធ្វើឃាតលោកស្រីវិញ ។
ឆ្នាំ១៩៩៥
-យន្ដហោះអាមេរិក F-16 ដែលមានលោកស្កុត អូហ្កាឌី ជាអ្នកបើកបរ បានត្រូវបាញ់ទំលាក់នៅប្រទេសប៊ូស្នី ខណៈពេលហោះល្បាតក្នុងដែនហាមឃាត់ផ្លូវអាកាសរបស់អង្គការណាតូ ។
ឆ្នាំ២០០៣
-ប្រធានាធិបតីអាមេរិកហ្ស៊កប៊ូស បានចាប់ផ្ដើមដំណើរទស្សនកិច្ចទៅតំបន់មជ្ឈិមបូព៌ាដោយចាប់ផ្ដើមពីប្រទេសអេហ្ស៊ីប។
-សហគមន៍អឺរ៉ុបបានបាញ់បង្ហោះយានអវកាសទី១របស់ខ្លួនទៅកាន់ភពព្រះអង្គារ។
ឆ្នាំ២០០៦
-ប្រទេសបារាំង ចិន អាល្លឺម៉ង់ រុស្ស៊ី អង់គ្លេស និងសហរដ្ឋអាមេរិក បានដាក់សំណើលើកទឹកចិត្ដ និងអាចដាក់ទណ្ឌកម្មដើម្បីជំរុញឱ្យប្រទេសអ៊ីរ៉ង់បោះបង់ចោលផែនការអភិវឌ្ឍន៍នុយក្លេអ៊ែរ ។
ឆ្នាំ២០០៨
-តាមរយៈឧបករណ៍អង្កេតតារាសាស្ដ្ររបស់សាកលវិទ្យាល័យម៉ុន ចន បានរកឃើញភព MOA-2007-BLG-129-LB ដែលជាភពតូចជាងគេបំផុតនៅក្រៅប្រព័ន្ធព្រះអាទិត្យ ៕
ចែករំលែកព័តមាននេះ