រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីបានអញ្ជើញជាអធិបតីដ៏ខ្ពង់ខ្ពស់សម្ពោធបើកឱ្យប្រើប្រាស់ផ្លូវការនូវផ្លូវជាតិលេខ៦៨ តភ្ជាប់ពីស្រុកក្រឡាញ់ ខេត្តសៀមរាប ឆ្ពោះទៅសង្កាត់អូស្មាច់ ក្រុងសំរោង ខេត្តឧត្តរមានជ័យ នាវេលាម៉ោង៨និង៣០នាទីព្រឹកថ្ងៃទី៩ មេសា ២០១២ ដែលទីតាំងសម្ពោធធ្វើនៅភូមិចំបក់ហែ ឃុំកំពង់ថ្កូវ ស្រុកក្រឡាញ់ ខេត្តសៀមរាប ។
ផ្លូវជាតិលេខ៦៨ ដែលបើកសម្ពោធនៅថ្ងៃនេះមានប្រវែង១១៧គីឡូម៉ែត្រ គឺជាផ្លូវយុទ្ធសាស្ត្រសម្រាប់តភ្ជាប់ទៅបណ្តាខេត្តនៅតាមបន្ទាត់ព្រំដែនភាគខាងលិចសរុបរួមមានប្រវែង១.២៨៧គីឡូ ម៉ែត្រ ងាយស្រួលដល់ការដឹកជញ្ជូនអ្នកដំណើរចល័តទំនិញពីព្រំដែនមួយទៅព្រំដែនមួយ និងអភិវឌ្ឍន៍ទៅជាព្រំដែនសន្តិភាព ពាណិជ្ជកម្ម និងសេដ្ឋកិច្ច ។
សូមបញ្ជាក់ថា ពិធីសម្ពោធនេះមានការអញ្ជើញចូលរួម ពីលោកឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិការ អភិបាលខេត្ត តំណាងស្ថានទូតនានាប្រចាំនៅព្រះរាជាណាចក្រកម្ពុជា ដៃគូអភិវឌ្ឍន៍ជាតិ-អន្តរជាតិ និងមន្ត្រីពាក់ព័ន្ធមកពីស្ថាប័ននានាជាច្រើនផងដែរ ៕
ចែករំលែកព័តមាននេះ