ខេត្តក្រចេះ ៖ ផ្សារសាមគ្គីក្រុងក្រចេះ ជាអំណោយរបស់សម្តេចតេជោ និងលោកជំទាវ កិត្តិព្រឹទ្ធបណ្ឌិតត្រូវបានកសាងរួចរាល់និងបានសម្ពោធដាក់ឱ្យប្រើប្រាស់ជាផ្លូវការកាលពីព្រឹកថ្ងៃទី៨ មេសា ក្រោយពីជួបគ្រោះអគ្គិភ័យឆាបឆេះអស់គ្មានសល់ កាលពីដើមខែមិថុនា ២០១១ កន្លងទៅ និងបានកសាងរួចរាល់ជាស្ថាពររយៈពេលជិតមួយ
ខេត្តក្រចេះ ៖ ផ្សារសាមគ្គីក្រុងក្រចេះ ជាអំណោយរបស់សម្តេចតេជោ និងលោកជំទាវ កិត្តិព្រឹទ្ធបណ្ឌិតត្រូវបានកសាងរួចរាល់និងបានសម្ពោធដាក់ឱ្យប្រើប្រាស់ជាផ្លូវការកាលពីព្រឹកថ្ងៃទី៨ មេសា ក្រោយពីជួបគ្រោះអគ្គិភ័យឆាបឆេះអស់គ្មានសល់ កាលពីដើមខែមិថុនា ២០១១ កន្លងទៅ និងបានកសាងរួចរាល់ជាស្ថាពររយៈពេលជិតមួយឆ្នាំរួចមក ។ ពិធីនេះប្រព្រឹត្តទៅក្រោមការអញ្ជើញជាអធិបតីពីសំណាក់លោកអឹុម ឈុនលឹម ទេសរដ្ឋមន្ត្រី និងជារដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ ជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងជំទាវកិត្តិព្រឹទ្ធបណ្ឌិត។
តាមរបាយការណ៍មន្រ្តីអាជ្ញាធរខេត្តបានឱ្យដឹងថា ផ្សារសាមគ្គីក្រុងក្រចេះ ដែលទើបតែកសាងរួចនេះ មានផ្ទៃក្រឡា៩០ម៉ែត្រគុណនិង៥០ម៉ែត្រ ស្មើនឹង៤.៥០០ម៉ែត្រការ៉េ និងបានកសាងតូប ចំនួន៤២២តូប និងរានចំនួន១៣២រាន សម្រាប់លក់បន្លែត្រីសាច់ និងកន្លែងផ្ញើកង់ម៉ូតូមានទំហំ៥៧ម៉ែត្រការ៉េ បន្ទប់អនាម័យបុរសស្រ្តីមានចំនួន៦បន្ទប់ និងកន្លែងសំរាប់ដាក់សំរាមទំហំ២២ម៉ែត្រការ៉េ។ ផ្នែកខាងក្នុងមានបន្ទប់រដ្ឋបាលទំហំ៣៦ម៉ែត្រការ៉េ មានទ្វារធំចេញចូលចំនួន៤ទិស មានទំហំ៤ដល់៦ម៉ែត្រ រួមទាំងទ្វារតូច-ធំជុំវិញផ្សារសរុបចំនួន២១ទ្វារ ។ ផ្លូវបេតុងសរសៃដែកជុំវិញ ផ្សារមានប្រវែង៦៨៥ម៉ែត្រ ផ្លូវបេទីមប្រវែង៥១៥ម៉ែត្រ និងលូក្នុងផ្សារនិងជុំវិញផ្សារមានប្រវែង៤៨៥ម៉ែត្រ។ តម្លៃនៃការសាងសង់សរុបប្រាក់ចំណាយមានចំនួន១.០៩ ១.៤៨៤ដុល្លារ ។
លោកទេសរដ្ឋមន្ត្រី អ៊ឹម ឈុនលឹម ជាប្រធានគណៈពង្រឹងមូលដ្ឋានខេត្តមណ្ឌលគិរី និងខេត្តក្រចេះបានមានប្រសាសន៍ថា អគារផ្សារដ៏ថ្មីសន្លាង និងធំស្កឹមស្កៃនេះអាចចាត់ទុកថា ជាសំណង់ប្រវត្តិសាស្រ្តសំខាន់ថ្មីមួយទៀត ក្នុងចំណោមសមិទ្ធផលថ្មីៗទាំងឡាយនៅទូទាំងខេត្ត។ សំណង់ផ្សារថ្មីនេះក៏ជាចំណងដៃរបស់សម្តេចអគ្គមហាសេនាបតីតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិតជូនចំពោះអាជីវករ និងប្រជាពលរដ្ឋក្នុងខេត្តក្រចេះសម្រាប់ឆ្នាំថ្មី ក៏ដូចជាសម្រួលចរន្តសេដ្ឋកិច្ចគ្រួសាររវាងអាជីវករ និងប្រជាពលរដ្ឋ៕
ចែករំលែកព័តមាននេះ