ខេត្តកំពង់ស្ពឺ ៖ ការណីប្លន់សម្លា.ប់មួយ បានកើតឡើងកាលពីវេលាម៉ោង៨យប់ថ្ងៃទី៧ មេសា ២០១២ នៅក្នុងភូមិតាកោង ឃុំអមលាំង ស្រុកថ្ពង ចំណុចមុខសាលាឃុំអមលាំង និងមុខប៉ុស្តិ៍រដ្ឋបាលឃុំអមលាំង បណ្តាលឱ្យបុរសម្នាក់ស្លា.ប់ក្នុងថ្លុកឈាមនៅផ្ទះរបស់ខ្លួន ។
ខេត្តកំពង់ស្ពឺ ៖ ការណីប្លន់សម្លាប់មួយ បានកើតឡើងកាលពីវេលាម៉ោង៨យប់ថ្ងៃទី៧ មេសា ២០១២ នៅក្នុងភូមិតាកោង ឃុំអមលាំង ស្រុកថ្ពង ចំណុចមុខសាលាឃុំអមលាំង និងមុខប៉ុស្តិ៍រដ្ឋបាលឃុំអមលាំង បណ្តាលឱ្យបុរសម្នាក់ស្លាប់ក្នុងថ្លុកឈាមនៅផ្ទះរបស់ខ្លួន ។
ទាក់ទិននឹងករណីប្លន់សម្លាប់នេះ លោកអនុសេនីយ៍ឯក ហ៊ុន សុខហុន អធិការរងនគរបាលស្រុកថ្ពង ទទួលបន្ទុកការងារព្រហ្ម ទណ្ឌបានឱ្យដឹងថា នៅម៉ោង៨យប់ស្ថិតក្នុងផ្ទះរបស់ជនរងគ្រោះឈ្មោះ ឃួន នីម អាយុ៥៤ឆ្នាំ និងប្រពន្ធឈ្មោះ គឹម ចេង អាយុ៥៥ឆ្នាំ ដែលប្រពន្ធជាគ្រូពេទ្យឯកជនលក់ថ្នាំពេទ្យ និងចាក់ថ្នាំតាមភូមិ ឯជនរងគ្រោះជាប្តីជាអ្នកដឹកអុសលក់ ។ ខណៈដែលប្រពន្ធពុំនៅផ្ទះ ព្រោះរវល់ទៅជជែកលេងជាមួយអ្នកជិតខាង ឯប្តីគាត់ឈ្មោះ ឃួន នីម កំពុងមើលទូរទស្សន៍ដេកលើគ្រែ ពុំបានបិទទ្វារទេ ចំហររងចាំប្រពន្ធមកវិញ ។ ពេលឱកាសស្ងាត់មួយប៉ប្រិចភ្នែកក៏មានចោរមួយក្រុមមានគ្នាចាប់ពី២នាក់ទៅ បានវាយជនរងគ្រោះ បែកច្រមុះ ចង្កា បាក់ឆ្អឹងថ្គាម បាក់ដៃស្តាំ ដេកស្លាប់ក្នុងថ្លុកឈាមក្នុងផ្ទះតៀមជញ្ជាំងក្តារប្រក់សង្កសីទំហំ៥ម៉ែត្រគុណ៨ម៉ែត្រ ដោយពុំមានអ្នកណាម្នាក់បានដឹង និងឃើញហេតុការណ៍នេះទេ ។ ពេលប្រពន្ធចូលដល់ក្នុងផ្ទះ ក៏ស្រាប់តែឃើញប្តីស្លាប់បាត់ទៅហើយ ឯសម្ភាររាយប៉ាយគ្មានសណ្តាប់ធ្នាប់ ព្រោះត្រូវក្រុមចោររើកកាយ ។ ឃើញសភាពបែបនេះ ស្ត្រីជាប្រពន្ធក៏ស្រែកហៅគេជួយ ។ សមត្ថកិច្ចបានធ្វើការហ៊ុំព័ទ្ធទីតាំងកើតហេតុតាំងពីយប់រហូតដល់ព្រឹកទើបមន្ត្រីនគរបាលព្រហ្មទណ្ឌផ្នែកបច្ចេកទេសខេត្ត កងរាជអាវុធហត្ថខេត្ត ធ្វើការត្រួតពិនិត្យ ទើបដឹងថា សពត្រូវឃាតករសម្លាប់ដោយវាយនឹងដំបងរឹង ចំច្រមុះ ថ្គាម បាក់ដៃម្ខាង ។
សម្ភារដែលបាត់បង់គឺមានតែម៉ូតូ១គ្រឿងប៉ុណ្ណោះ ម៉ាកហុងដាសេ១២៥ សេ៊រី២០០៧ ។ ពាក់ព័ន្ធករណីនេះ សមត្ថកិច្ចកំពុងស្រាវជ្រាវរកមូលហេតុនៃការប្លន់សម្លាប់នេះ៕
ចែករំលែកព័តមាននេះ