ទូរទស្សន៍ក្នុងស្រុកមួយដែលដកស្រង់សំដីអ្នកនាំពាក្យយោធាម្នាក់ថ្លែងថា យន្តហោះប្រដេញធុនF-18 មួយគ្រឿងរបស់កងម៉ារីន អាមេរិកបានធ្លាក់កាលពីថ្ងៃៃទី៦ មេសា កន្លងមកនេះលើអគារស្នាក់នៅមួយស្ថិតនៅជិតទីក្រុង VIRGINA BEACH រដ្ឋវៀជីនៀ បណ្តាលឱ្យមានអគ្គិភ័យឆាបឆេះ ។
ទូរទស្សន៍ WTKR TV រាយការណ៍ថា យន្តហោះដែលធ្លាក់នោះគឺជាយន្តហោះប្រដេញធុន F/A-18D របស់កងម៉ារីន ។ វាបានធ្លាក់លើអគាររស់នៅមួយស្ថិតនៅតាមវិថី BIRDNECK ROAD នៃក្រុង VIRGINIA BEACH ។ អណ្តាតភ្លើងនិងផ្សែងយ៉ាងក្រាស់បានហុយចេញពីកន្លែងយន្តហោះនេះធ្លាក់ ។ ទូរទស្សន៍CNN ដែលដកស្រង់សំដីមនុស្សម្នាក់ដែលឃើញហេតុការណ៍នេះនិយាយថា ពេលយន្តហោះធ្លាក់មានបំណែកនានារបស់យន្តហោះខ្ទេចទៅគ្រប់ទិសដែលទៅប៉ះអគារដទៃៗទៀត ។ អគារនៅជុំវិញកន្លែងយន្តហោះធ្លាក់ក៏រងការខូចខាតដែរ។
អ្នកបើកទាំង២នាក់អាចលោតចេញតាមឆត្រយោងទាន់ពេលហើយត្រូវបានបញ្ជូនទៅមន្ទីរពេទ្យ។ យោងតាមម៉ាស៊ីនឃោសនាក្នុងស្រុកថាមនុស្សម្នាក់អាចត្រូវរបួសនៅកន្លែងយន្តហោះធ្លាក់ ។ ការធ្លាក់យន្តហោះនេះក៏បង្កការស្ទះចរាចរណ៍បណ្តោះអាសន្ននៅតាមវិថីជិតខាងទាំងឡាយដែរ ៕
ចែករំលែកព័តមាននេះ