ឆ្នាំ៥២៦
គ្រោះរញ្ជួយដីកើតឡើងនៅទីក្រុងបុរាណអានទីអូឈី ប្រទេសស៊ីរី ដែលបបច្ចុប្បន្នជាប់ទីក្រុងអានតាក្យូ ប្រទេសទួរគី បណ្ដាលឱ្យមនុស្សស្លាប់៣០០.០០០នាក់ ។
ឆ្នាំ១៤៩៧
អ្នករុករកជនជាតិអ៊ីតាលីបានចេញសំពៅពីទីក្រុងប្រ៊ីស្ដូល ប្រទេសអង់គ្លេស ដើម្បីរកផ្លូវសំដៅទៅភាគខាងលិច ។
ឆ្នាំ១៤៩៨
អ្នករុករកជនជាតិព័រទុយហ្គាល់ឈ្មោះវ៉ាស្កូ ដាហ្គាម៉ា បានធ្វើដំណើរទៅដល់ទីក្រុង កូហ្ស៊ីកូដ ដែលពីមុនឈ្មោះកាលីខាត់ របស់ ប្រទេសឥណ្ឌា ។
ឆ្នាំ១៥៧០
អ្នកភូមិសាស្ដ្រអាប្រាហាមអ័រតេល្យុស បានចេញសៀវភៅផែនទីទំនើបជាលើកទីមួយរបស់លោក ។
ឆ្នាំ១៦៣១
ទីក្រុងម៉ាដេប៊ើករបស់ប្រទេសអាល្លឺម៉ង់ត្រូវបានឡោមព័ទ្ធដោយកងទ័ពអាណាចក្រ រ៉ូមក្នុងអំឡុងមានសង្គ្រាម៣០ឆ្នាំហើយ ប្រជាជនដែលរស់នៅក្នុងទីក្រុងស្ទើរតែទាំងអស់ត្រូវបានសំលាប់អស់ប្រហែល២០.០០០នាក់ ឯទីក្រុងទាំងមូលត្រូវដុតបំផ្លាញ បណ្ដាលឱ្យព្រឹត្ដិការណ៍នេះក្លាយជាការបង្ហូរឈាមមួយក្នុងសង្គ្រាមដ៏ឃោរឃៅ ។
ឆ្នាំ១៨០២
ក្រោមច្បាប់២០ ឧសភា ១៨០២ ថ្មី តំរូវឱ្យលុបចោលច្បាប់៤ កុម្ភៈ ឆ្នាំ១៧៩៤ ដែលជាច្បាប់លុបបំបាត់របបទាសភាពចេញពីដែនដីអាណានិគមរបស់បារាំងក្រោមការដឹកនាំរបស់ណាប៉ូឡេអុង បូណាប៉ាត ។
ឆ្នាំ១៨១៣
ណាប៉ូឡេអុង បូណាប៉ាត បានដឹកនាំទ័ពប្រយុទ្ធក្នុងតំបន់ប៉ូតហ្សេនក្នុងរដ្ឋសាក់សូនី ប្រទេសអាល្លឺម៉ង់ ប្រឆាំងជាមួយកងទ័ពរួមគ្នារវាងប្រទេសរុស្ស៊ីនិងប្រទេសប្រ៊ូសស៊ី ។ ការប្រយុទ្ធនេះកងទ័ពបារាំងមានចំនួន
១១៥.០០០នាក់ បានយកឈ្នះសត្រូវដែលមានទ័ព៩៦.០០០នាក់ តែទ័ពទាំងសងខាងស្លាប់២០.០០០នាក់ដូចគ្នា ។
ឆ្នាំ១៨៧៣
លោកលេវី ស្ដ្រូស ជនជាតិជ្វីហ្វអាល្លឺម៉ង់ ដែលធ្វើអន្ដោប្រវេសន៍មករស់នៅអាមេរិក និងលោកចាកូប ដាវីស ជាងកាត់ដេរជនជាតិ ឡាត់វីយ៉ា បានរកឃើញបង្កើតខោខូវប៊យ ខៀវមុនគេនៅអាមេរិក ក្រោយមកលោកលេវី បានបង្កើតក្រុមហ៊ុនខោខូវប៊យឡឺវីស ។
ឆ្នាំ១៨៨២
សម្ព័ន្ធភាពរវាងប្រទេសអាល្លឺម៉ង់ អ៊ីតាលី អូទ្រីស និងហុងគ្រី ត្រូវបានបង្កើតឡើង ដោយភាគីនីមួយៗសន្យាជួយគាំទ្រគ្នាទៅវិញទៅមក ។ សម្ព័ន្ធភាពនេះមានអាយុរហូតដល់ពេលមានសង្គ្រាមលោកលើកទីមួយនាឆ្នាំ១៩១៤ ។
ឆ្នាំ១៩០២
ប្រទេសគុយបា បានទទួលឯករាជ្យភាពចេញពីសហរដ្ឋអាមេរិក ដោយមានលោក ថូម៉ាស អេស្ដាដា ប៉ាលម៉ា ជាប្រធានាធិបតី របស់ប្រទេស ។
ឆ្នាំ១៩២៧
-តាមរយៈសន្ធិសញាជេតដា ដែលឡាយ ព្រះហស្ដលេខាដោយស្ដេចអាប់ឌុល អាហ្ស៊ីស ជាមួយស្ដេចអង់គ្លេសនោះចក្រភពអង់គ្លេសទទួលស្គាល់អធិបតេយ្យភាពនៃព្រះរាជាណាចក្រហេចាស និងដែលក្រោយមកបានរួមគ្នាក្លាយជាព្រះរាជាណាចក្រអារាប៊ី សាអ៊ូឌីត ។
-នាម៉ោង៧និង៥២នាទី អ្នកបើកបរយន្ដហោះអាមេរិក លោកឆាល លីនប័រ បានធ្វើការហោះហើរចេញពីវាលយន្ដហោះរូសឺ វែលហ្វៀល នារដ្ឋញូវយ៉ក ហើយចុះចតនៅទីក្រុងប៉ារីសនាវេលាម៉ោង២២និង២២នាទីថ្ងៃបន្ទាប់ និងបានក្លាយជាអ្នកហោះហើរឥត ឈប់ទីមួយឆ្លងកាត់មហាសមុទ្រអាត្លង់ទិក។
ឆ្នាំ១៩៣២
នាងអាមេលី អៀរហាត បានធ្វើការហោះហើរចេញពីកោះញូវហ្វាន់ឡែន ប្រទេសកាណាដា ហើយបានចុះចតនៅប្រទេសអៀរឡង់នាថ្ងៃបន្ទាប់ និងបានក្លាយជាអ្នកបើកបរយន្ដហោះស្រីទីមួយដែលបានហោះហើរឆ្លងកាត់មហាសមុទ្រអាត្លង់ទិក ដោយឥតឈប់ ។
ឆ្នាំ១៩៤១
កងទ័ពឆត្រយោងអាល្លឺម៉ង់បានចូលឈ្លានពានកោះ Crete របស់ប្រទេសក្រិច ដែលជាកោះដ៏ធំទី៥ នៅក្នុងសមុទ្រមេឌី ទែរ៉ាណេ ក្នុងអំឡុងមានសង្គ្រាមលោកលើកទីពីរ ។
ឆ្នាំ១៩៥៦
សហរដ្ឋអាមេរិកបានសាកល្បងគ្រាប់បែកអ៊ីដ្រូហ្សែនជាលើកទីមួយតាមផ្លូវអាកាស ដោយទំលាក់លើកោះផ្កាថ្មប៊ីគីនី ក្នុង មហាសមុទ្រប៉ាស៊ីហ្វិក ។
ឆ្នាំ១៩៦៩
ប្រតិបត្ដិការដែលគេឱ្យឈ្មោះថា ហេម បឺហ្កឺហៀល ក្នុងអំឡុងសង្គ្រាមរវាងវៀតណាមកុម្មុយនីស្ដ និងវៀតណាមខាងត្បូង រួមជាមួយសហរដ្ឋអាមេរិកដែលប្រយុទ្ធគ្នាតាំងពីថ្ងៃទី១០ ឧសភា មកបានបញ្ចប់ ។ ជ័យជំនះបានទៅលើសហរដ្ឋអាមេរិក និង វៀតណាមខាងត្បូង ដោយប្រើទ័ពសរុបប្រមាណ១.៨០០នាក់ ស្លាប់៧២នាក់ របួស៣៧២នាក់ ចំណែកទ័ពកុម្មុយនីស្ដវៀតណាម មាន៨០០នាក់ ស្លាប់៦៣០នាក់ និងចាប់ខ្លួន៣០នាក់ ។
ឆ្នាំ១៩៨៣
ការបោះពុម្ពផ្សាយជាលើកទីមួយនៃការរកឃើញមេរោគហ៊ីវ ដែលបង្កឱ្យកើតជំងឺអេដស៍នៅក្នុងកាសែតវិទ្យាសាស្ដ្រ គឺជាការរកឃើញរបស់អ្នកវិភាគមេរោគបារាំងឈ្មោះលុកម៉ុងតានីញ៉េ រួមជាមួយអ្នកស្រាវជ្រាវជីវសាស្ដ្រអាមេរិក និងជាសាស្ដ្រាចារ្យលោក រ៉ូបឺតហ្កាលឡូ ។
ឆ្នាំ១៩៨៩
អាជ្ញាធរចិនបានប្រកាសច្បាប់អាជ្ញាសឹក នៅចំពោះមុខក្រុមបាតុករប្រជាធិបតេយ្យប្រឆាំងរដ្ឋាភិបាល ដែលប្រមូលផ្ដុំគ្នានៅទីលានធៀនអានម៉េន ។
ឆ្នាំ១៩៩០
ប្រទេសរ៉ូម៉ានី បានរៀបចំការបោះឆ្នោត សភា និងប្រធានាធិបតីកុម្មុយនីស្ដជាលើកទីមួយរបស់ខ្លួន ។
ឆ្នាំ២០០២
ទីម័រខាងកើតបានក្លាយជារដ្ឋឯករាជ្យដាច់ចេញពីប្រទេសឥណ្ឌូណេស៊ី ។
ឆ្នាំ២០០៧
កីឡាករបាល់ទាត់ប្រេស៊ីល Romario de Sonza Faria បានទាត់គ្រាប់បាល់ទី១០០០ ដោយការទាត់បាល់ពិន័យ១១ម៉ែត្រ ។ គាត់បានក្លាយជាកីឡាករបាល់ទាត់អាជីពទីពីរក្នុងប្រវត្ដិសាស្ដ្រ បន្ទាប់ពីប៉ឺឡេ ដែលធ្វើបានតាំងពីឆ្នាំ១៩៦៩ ។
ឆ្នាំ២០០៨
លោកម៉ាយីងជូ បានស្បថចូលកាន់តំណែងជាប្រធានាធិបតីកោះតៃវ៉ាន់ ដោយ មានលោកលី ឆាវសៀន ជានាយករដ្ឋមន្ដ្រី ។
ឆ្នាំ២០០៩
យន្ដហោះកងទ័ពអាកាសឥណ្ឌូណេស៊ីបានធ្លាក់នៅកោះជ្វារបស់ប្រទេសបណ្ដាលឱ្យស្លាប់មនុស្ស៩៨នាក់ ៕
ចែករំលែកព័តមាននេះ