មន្ទីរប៉ងតាហ្គោន បានប្រកាសកាលពីថ្ងៃទី៤ មេសា ពីការចោទប្រកាន់ប្រឆាំងជនឈ្មោះខាលីដ ស៊ិកម៉ូហាម៉េដ មេគំនិតនៃការវាយប្រហារភេរវកម្មថ្ងៃទី១១ កញ្ញា និងមនុស្ស៤នាក់ទៀតដែលចូលរួមក្នុងការវាយប្រហារភេរវកម្មនោះ ។
ការចោទប្រកាន់ត្រូវបានដាក់ជូនគណៈកម្មាធិការយោធាមួយទទួលបន្ទុកខាងការកាត់ទោសប្រឆាំងជនឈ្មោះខាលីដ ស៊ិកម៉ូហាម៉េដ វ៉ាលីដមូហាម៉េដ សាលីហ៍មូបារ៉ាក់ប៊ីនអាតាស រ៉ាមហ្ស៊ីប៊ីណាល់ស៊ីប អាលីអាប់ឌុលអាហ្ស៊ីសអាលី មូស្តាហ្វាអាម៉េដ អាដាម និងអាល់ហាវសាវី ។ បទចោទប្រកាន់បញ្ជាក់ថាជនទាំង៥នាក់នោះ ជាអ្នកទទួលខុសត្រូវចំពោះការរៀបចំផែនការនិងអនុវត្តការវាយប្រហារភេរវកម្មថ្ងៃទី១១ កញ្ញា ឆ្នាំ២០០១នៅក្រុងញូវយ៉ក ក្រុងវ៉ាស៊ីនតោន ឌីស៊ី និងក្រុង SHANKSVILLE រដ្ឋផេនស៊ីលវេនៀ ដែលបណ្តាលឱ្យជនស្លូតត្រង់ស្លាប់២.៩៧៦នាក់ ។
ជនជាប់ចោទទាំង៥នាក់នោះនឹងត្រូវកាត់ទោសនៅហ្គង់តាណាម៉ូ ក្នុងរយៈពេល៣០ថ្ងៃទៀតក្រោយប្រកាសការចោទប្រកាន់ប្រឆាំងពួកគេ ។អាជ្ញាធរបានប្រគល់សំណុំរឿងនេះដល់គណៈកម្មការយោធាទទួលបន្ទុកខាងទោសប្រហារជីវិត ដែលមានន័យថាជនជាប់ចោទទាំង៥នាក់នឹងអាចកាត់ទោសប្រហារជីវិត បើរកឃើញថាពួកគេជាអ្នកប្រព្រឹត្តដូចពាក្យចោទប្រកាន់ទាំងឡាយ ៕
ចែករំលែកព័តមាននេះ