តុលាការឧក្រិដ្ឋកម្មអន្តរជាតិ CPI កាលពីថ្ងៃទី៤ មេសា បានបដិសេធសំណើមួយរបស់លីប៊ីច្រានចោលការបញ្ជូនខ្លួនសៃអ៊ីហ្វអាល់អ៊ីហ្វស្លាមកាដាហ្វី កូនប្រុសអតីតមេដឹកនាំលីប៊ី ទៅកាន់ក្រុងឡាអេ ដែលនៅទីនោះរូបគេត្រូវកាត់ទោសពីបទឧក្រិដ្ឋកម្មសង្គ្រាម ។តុលាការ CPI បានអំពាវនាវដល់ក្រុងទ្រីប៉ូលី ឱ្យបំពេញបណ្តាកាតព្វកិច្ច
តុលាការឧក្រិដ្ឋកម្មអន្តរជាតិ CPI កាលពីថ្ងៃទី៤ មេសា បានបដិសេធសំណើមួយរបស់លីប៊ីច្រានចោលការបញ្ជូនខ្លួនសៃអ៊ីហ្វអាល់អ៊ីហ្វស្លាមកាដាហ្វី កូនប្រុសអតីតមេដឹកនាំលីប៊ី ទៅកាន់ក្រុងឡាអេ ដែលនៅទីនោះរូបគេត្រូវកាត់ទោសពីបទឧក្រិដ្ឋកម្មសង្គ្រាម ។តុលាការ CPI បានអំពាវនាវដល់ក្រុងទ្រីប៉ូលី ឱ្យបំពេញបណ្តាកាតព្វកិច្ចរបស់ខ្លួនដោយអនុវត្តដីកាចាប់ខ្លួនហើយប្រគល់ខ្លួនសៃអ៊ីហ្វអាល់អ៊ីស្លាមឱ្យតុលាការអន្តរជាតិនេះដោយឆាប់រហ័ស ។
រដ្ឋាភិបាលលីប៊ីចង់ឱ្យការកាត់ទោសជននេះប្រព្រឹត្តទៅនៅលីប៊ី ក៏ប៉ុន្តែតុលាការCPIយល់ថាវាយឺតពេលព្រោះតុលាការនោះបានចេញដីកាចាប់ខ្លួនរូបគេកាលពីឆ្នាំទៅមិញរួចហើយរួមជាមួយអតីតប្រមុខភ្នាក់ងារស៊ើបការណ៍លោកអាប់ដាល់ឡាហ៍ អាល់សឺនូស៊ី ដែលត្រូវចាប់ខ្លួនកាលពីខែមុននៅប្រទេសម៉ូវីតានី ។
ដំណោះស្រាយមួយរបស់ក្រុមប្រឹក្សាសន្តិសុខអ.ស.បបង្ខំឱ្យលីប៊ីរួមសហការជាមួយតុលាការ CPI ហើយតុលាការនេះគំរាមថា នឹងប្តឹងដល់ក្រុមប្រឹក្សាសន្តិសុខប្រសិនបើលីប៊ីបន្តធ្វើមិនដឹងមិនឮចំពោះរឿងនេះ ៕
ចែករំលែកព័តមាននេះ