ខេត្តកំពត ៖ អស់លោកអ្នកអានទាំងឡាយពិតជាបានជ្រាបព័ត៌មានពាក់ព័ន្ធនឹងជីវប្រវត្តិលោកយាយម៉ា ក្រឹម អាយុ៩០ឆ្នាំ ចិញ្ចឹមកូនស្រីពិការអាយុ៦០ឆ្នាំ នៅភូមិច្រេស ឃុំបឹងសាលា ខាងត្បូង ស្រុកកំពង់ត្រាច ដែលនៅក្នុងឆ្នាំ២០០៩ ធ្វើឱ្យសប្បុរសជនចាប់អារម្មណ៍ពីជីវិតពីរនាក់ម្តាយ និងកូននេះ និងបានធ្វើការបរិច្ចាគ អំណោយទានជាបន្តបន្ទាប់ទាំងនៅក្នុងស្រុក និងពីក្រៅស្រុក ជាពិសេសសម្តេចតេជោ ហ៊ុន សែន និងលោកជំទាវបណ្ឌិតប៊ុន រ៉ានី ហ៊ុន សែន ក៏ធ្លាប់ចាត់ឱ្យជំនួយការរបស់លោកនាំយកអំណោយផ្តល់ជូនលោកយាយ២នាក់ម្តាយកូននេះដែរ ។
អ្វីដែលជាការសោកស្តាយយ៉ាងសង្វេគនាពេលនេះ គឺលោកយាយសុំ ផាន ជាកូនដែល ពីការ និងមានអាយុ៦០ឆ្នាំ បានលាចាកលោកនេះទៅហើយ កាលពីវេលាម៉ោង៨ព្រឹកថ្ងៃទី២៨ កុម្ភៈ កន្លងមក ។ តាមការរៀបរាប់របស់លោកយាយម៉ា ក្រឹម ជាម្តាយឱ្យដឹងថា នៅរសៀលថ្ងៃទី២៧ កុម្ភៈ កូនស្រីរបស់គាត់ឈ្មោះសុំ ផាន បាននិយាយព្រលយពាក្យប្រាប់គាត់ថា «ម៉ែ! បើខ្ញុំស្លាប់ទៅ តើមានគេផ្តល់អំណោយឱ្យម៉ែទៀតទេ?» កូនស្រីពិការរបស់គាត់ដេកនិយាយរៀបរាប់ពីការទទួលអំណោយពីសប្បុរសជនគ្រប់ទិសទី ។ ការផ្តែផ្តាំបែបនេះធ្វើឱ្យរូបគាត់ម្តាយ និងបងប្រុសជាគ្រូអាចារ្យមានការចាប់អារម្មណ៍ ហើយប្លែកក្នុងចិត្ត ស្រាប់តែនៅព្រឹកថ្ងៃទី២៨ កុម្ភៈ លោកយាយសុំ ផាន បានទារម្តាយរកទឹកហូប លុះពេលឱ្យហូបទឹកហើយបានប្រមាណកន្លះម៉ោង ស្រាប់តែស្លាប់យ៉ាងស្ងៀមស្ងាត់ ។
លោកតាសុំ ផុត ត្រូវជាបងប្រុសរបស់លោកយាយសុំ ផាន បាននិយាយថា ម្តាយជរារបស់គាត់ ក៏ដូចជាប្អូនស្រីពិការរបស់គាត់ដែលស្លាប់ទៅ បិទភ្នែកជិតហើយ ព្រោះម្តាយ និងប្អូនស្រីគាត់មានភ័ព្វសំណាងណាស់បានទទួលអំណោយពីសម្តេចតេជោ ហ៊ុន សែន និងលោកជំទាវរួមទាំងសប្បុរសជននានា ។ លោកតាសុំ ផុន មានប្រសាសន៍ថា អំណោយដែលគាត់បើកពីកាកបាទក្រហមស្រុកកំពង់ត្រាចបានចំនួន១០ដងមកហើយ ដោយទីប្រឹក្សាសម្តេចតេជោ ហ៊ុន សែន បានពាំនាំនូវពាក្យពេចន៍របស់សម្តេចថា នឹងជួយចិញ្ចឹមប្អូនស្រីគាត់ជាជនពិការអស់មួយជីវិត ហើយពេលនេះប្អូនស្រីគាត់បានស្លាប់ទៅហើយ ៕
ចែករំលែកព័តមាននេះ