យោងតាមលទ្ធផលនៃការសិក្សាស្រាវជ្រាវមួយដែលត្រូវបានយកទៅធ្វើបទបង្ហាញនៅឯសន្និសីទស្តីពីជំងឺបេះដូងរបស់សហរដ្ឋអាមេរិកកាលពីពេលថ្មីៗនេះបានបង្ហាញថា ការទទួលទានទំពាំងបាយជូរក្រៀមនិងសណ្តែកសៀងអាចជួយទប់ស្កាត់មិនឱ្យសម្ពាធឈាមឡើងខ្ពស់។
យោងតាមលទ្ធផលនៃការសិក្សាស្រាវជ្រាវមួយដែលត្រូវបានយកទៅធ្វើបទបង្ហាញនៅឯសន្និសីទស្តីពីជំងឺបេះដូងរបស់សហរដ្ឋអាមេរិកកាលពីពេលថ្មីៗនេះបានបង្ហាញថា ការទទួលទានទំពាំងបាយជូរក្រៀមនិងសណ្តែកសៀងអាចជួយទប់ស្កាត់មិនឱ្យសម្ពាធឈាមឡើងខ្ពស់។
ការសិក្សាមួយក្នុងចំណោមការសិក្សាទាំងឡាយដែលគេយកទៅធ្វើបទបង្ហាញក្នុងសន្និសីទបាននិយាយថា ទទួលទានផ្លែទំពាំងបាយជូរក្រៀមចំណុះពេញមួយក្តាប់ដៃ៣ដងក្នុងមួយថ្ងៃជាច្រើនសប្តាហ៍ជួយឱ្យអ្នកដែលមានសម្ពាធឈាមឡើងខ្ពស់មានសភាពធូរស្បើយមកស្ថានភាពដើមវិញ។
ចំណែកមូលហេតុដែលធ្វើឱ្យផ្លែទំពាំងបាយជូរក្រៀមមានប្រសិទ្ធភាពដូចរៀបរាប់ខាងលើនោះ ក្រុមអ្នកស្រាវជ្រាវនៅមិនទាន់ដឹងច្បាស់នៅឡើយទេ។ ប៉ុន្តែពួកគេគិតថា វាប្រហែលមកពីទំពាំងបាយជូរក្រៀមមានសារធាតុប៉ូតាស្យូមមកម្រិតខ្ពស់ ។ អ្នកដឹកនាំការស្រាវជ្រាវលោក វេជ្ជបណ្ឌិត Harol Baysបានថ្លែងថា៖«ផ្លែទំពាំងបាយជូរក្រៀមសំបូរទៅដោយប៉ូតាស្យូ៉មដែលជាសារធាតុជួយឱ្យសម្ពាធឈាមចុះទាប។ ក្រៅពីនេះទៀត វាក៏សំបូរទៅដោយសារធាតុសរសៃប្រឆាំងអុកស៊ីដកម្មដែលផ្តល់ឱ្យនូវជីវគីមីនៃសរសៃឈាមធ្វើឱ្យសរសៃឈាមមិនតឹងណែនជាហេតុមិនឱ្យសម្ពាធឈាមឡើងខ្ពស់»។
ឯលទ្ធផលនៃការសិក្សាមួួយផ្សេងទៀតបានបង្ហាញថា ការទទួលទានអាហារធ្វើពីសណ្តែកសៀង មានដូចជាតៅហ៊ូ សណ្តែកដី និងតែបៃតងជាប្រចាំ ក៏អាចជួយឱ្យសម្ពាធឈាមចុះទាបបានដែរ ។
ការសិក្សាបាននិយាយថា អ្នកដែលទទួលទាន Isoflavones(សារធាតុនៅក្នុងសណ្តែកសៀង)ក្នុងបរិមាណ២,៥ក្រាមឬច្រើនជាងនេះជាប្រចាំឃើញថា សម្ពាធឈាមមានការថយចុះទាប។
អ្នកស្រាវជ្រាវបានបញ្ជាក់ថា ទឹកសណ្តែកសៀងមួយកែវមានសារធាតុ Isoflavonesប្រហែលជា ២២មិល្លីក្រាម។ ម្នាក់ក្នុងចំណោមអ្នកស្រាវជ្រាវ អ្នកនាង Safiya Richardsonបានថ្លែងថា ៖«លទ្ធផលនៃការសិក្សារបស់យើងគឺមានបំណងយ៉ាងមុតមាំចង់បង្ហាញឱ្យឃើញពីអត្ថប្រយោជន៍ផ្នែកសម្ពាធឈាមដែលបានមកពីការទទួលទានអាហារមានសារធាតុ Isoflavonesក្នុងបរិមាណមធ្យម»។ អ្នកស្រាវជ្រាវរូបនេះបានបន្តថា ការទទួលទានសណ្តែកសៀងអាចជាមធ្យោបាយមួយជួយឱ្យអ្នកឡើងឈាមកម្រិតបន្តិចបន្តួចគេចផុតពីការបន្តឡើងឈាមកាន់តែខ្លាំង ជាពិសេសគេចផុតពីភាពចាំបាច់ដែលត្រូវព្យាបាលដោយថ្នាំពេទ្យ ៕
ចែករំលែកព័តមាននេះ