កំពាព្យ៖ តើថៃ្ងណាទៅត្រួយល្ពៅលាស់បាន? (បទបថ្យាវត្ដ) ដោយ លីម ចំរើន
១. នេះនិងសូមថ្លែងតែងកាព្យថ្មី សូមប្រៀធៀបន័យលើកឧបមា
រៀបរាប់ភ្ជាប់សេចក្ដីពីរុក្ខា ភាគច្រើនខេមរាត្រូវការចូលចិត្ដ។
១. នេះនិងសូមថ្លែងតែងកាព្យថ្មី សូមប្រៀធៀបន័យលើកឧបមា
រៀបរាប់ភ្ជាប់សេចក្ដីពីរុក្ខា ភាគច្រើនខេមរាត្រូវការចូលចិត្ដ។
២. សម្លប្រហើរ.សម្លក់ម្ហូបពិត ជាតិខ្មែរឆ្ងាយជិតតែងនឹកស្រណោះ
ននោង.ត្រួយល្ពៅ.ស្លឹកបាសខ្ចីស្រស់ ត្រីឆ្អើរអាំងបោះបេះបង់ធ្វើម្ហូប។
៣. ជូបជុំញាតិមិត្រឆ្ងាយជិតស្រស់ស្រូប សប្បាយប្រឹងហូបជាសម្លខ្មែរ
តែតោងពិនិិត្យប្រឹងប្រិតជួយថែ ត្រួយល្ពៅផ្កាផ្លែថែកុំឱ្យសូន្យ។
៤. គ្រាន់ទុកពូជល្ពៅឱ្យនៅដល់កូន អាចធៀបដូចក្បូនជួយពេលត្រូវការ
បណ្ដុះពូជដាំផ្សាំផ្សំអាហារ សម្លស្ងោឆាត្រូវការមិនខ្វះ។
៥. តែអាសូរត្រួយល្ពៅផ្កាកម្មក្រាស់ មានជនល្ងង់ខ្លះគ្មានក្ដីអាណិត
គិតតែប្រយោជន៍ដូចខ្មោចជាប់ឋិត មានភ្នែកមែនពិតងងឹតមិនយល់។
៦. ឱ្យតែលាស់ត្រួយពួយក្ដិចដល់គល់ គ្មានគិតយោគយល់ត្រួយល្ពៅលាស់ថ្មី
ភ្លេចគិតអ្នកដាំផ្សាំពូជជ្រួយដី ឱ្យតែបានឆីគ្មានអាសូរចិត្ដ។
៧. នេះជាចរិតជនខ្លៅខ្លះពិត ខ្លាចគេគំនិតគិតល្អជាងខ្លួន
ឃើញគេដាំល្អបន្ដលាក់ក្បួន លបលួចចាំពួនក្ដិចបំផ្លាញចោល។
៨. ដោយមិនបានគិតពិនិត្យស្រមោល មនស្ការតែលតោលជេរស្ដីដៀលថា
សម្បជញៈជាក់វាយប្រហារ គង់ជួបថ្ងៃណាមួយជាក់មិនខាន។
៩. តើថ្ងៃណាទៅត្រួយល្ពៅលាស់បាន? ផ្កាផ្លែសុខសាន្ដតពូជគ្រាប់ល្អ
ផ្ដល់កិត្ដិយសកេរ្ដិ៍ឈ្មោះបវរ អ្នកដាំត្រេកអរផ្ដល់តម្លៃល្ពៅ។
១០. ទុកជាប្រយោជន៍គេស្ងើចនិត្យនៅ ទោះម្ចាស់ស្លាប់ទៅកេរ្ដិ៍ឈ្មោះដូចក្បូន
អណ្ដែតលើទឹកមិននឹកខ្លាចសូន្យ អាចចំលងកូនបន្សល់ពូជល្អ។
សំនួរត្រិះរិះបំផុសគំនិត
១.តើអត្ថន័យក្នុងកំណាព្យនេះមានន័យបែបណា?
២.តើត្រួយល្ពៅក្នុងគំនិតអ្នកតែងសំដៅលើអ្វី? ផ្លែផ្កាសំដៅលើអ្វី?
៣.តើជនល្ងង់ខ្លៅក្នុងកំណាព្យអ្នកតែងសំដៅលើជនប្រភេទណា?
៤.តើសម្លប្រហើរនិងសម្លសម្លក់ក្នុងគំនិតអ្នកតែងសំដៅលើអ្វី?
៥.តើពូជល្អក្នុងកំណាព្យសំដៅលើអ្វី?
៦.តើអ្នកតែងជាមនុស្សប្រភេទណា? ត្រួយល្ពៅ? ជនល្ងងេ់ខ្លៅ? ពូជល្អ…?
៧.អាចមានសំនួរច្រើនទៀតដែលយើងអាចចោទសួរអត្ថន័យក្នុងកំណាព្យ…?
នៅស្ទឹងត្រែងៈថ្ងៃសៅរ៍ ទី២៧ ខែកុម្ភៈ ឆ្នាំ២០១០ (២១:៤០ នាទីយប់)
តែងដោយៈលោក លីម ចំរើន ទូរស័ព្ទលេខៈ ០១២ ៥១ ៩១ ៣៧ / ០១១ ៣៧ ៨១ ៧១
Email:limchamroeun@yahoo.com
ចែករំលែកព័តមាននេះ