រាជធានីភ្នំពេញ ៖ តាមរយៈការចុះផ្សាយរបស់សារព័ត៌មានកោះសន្តិភាពស្តីពីលោកព្រឹទ្ធាចារ្យភិរម្យ ប្រាជ្ញ ឈួន អ្នកចំរៀងចាប៉ីដងវែង ដែលមានជំងឺលើសឈាមចូលសំរាកព្យាបាលនៅមន្ទីរពេទ្យកាល់ម៉ែតកាលពីដើមខែមករា ក៏មានថ្នាក់ដឹកនាំ ក៏ដូចជាសប្បុរសជននានាបានបរិច្ចាគធនធានផ្ទាល់ខ្លួនជូនដល់លោកព្រឹទ្ធាចារ្យ ភិរម្យ នៅមន្ទីរពេទ្យជាបន្តបន្ទាប់ ។ លោកព្រឹទ្ធាចារ្យភិរម្យ ប្រាជ្ញ ឈួន បានមានប្រសាសន៍កាលពីព្រឹកថ្ងៃទី១១ មករា ថា បន្ទាប់ពីសារព័ត៌មានកោះសន្តិភាពចុះផ្សាយស្តីពីស្ថានភាពជំងឺរបស់លោករួចមក គឺចាប់ពីថ្ងៃទី៥ មករា ២០១០ លោកព្រឹទ្ធាចារ្យបានទទួលអំណោយដ៏ថ្លៃថ្លាពីលោកជំទាវបណ្ឌិតប៊ុន រ៉ានី ហ៊ុន សែន ចំនួន១០០០ដុល្លារ, លោកបណ្ឌិតសភាចារ្យ សុខ អាន ចំនួន៣០០ដុល្លារ, លោក ប៉ិច សុខិន អភិបាលខេត្តឧត្តរមានជ័យ ចំនួន៥០០ដុល្លារ, លោកទេព ងន ចំនួន១០០ដុល្លារ, លោកទេព ធន ចំនួន១០០ដុល្លារ លោកខន សុវណ្ណ ចំនួន១០០ដុល្លារ, លោកមេ ឆុន ចំនួន១០០ដុល្លារ, អ្នកស្រុកពោធិ៍សាត់ចំនួន២៥ដុល្លារ, ម៉ែឆុន ចំនួន១០ដុល្លារ, អ្នកគ្រូធីចំនួន១០ដុល្លារ, លោកប៉ែន អៀន ចំនួន៥ម៉ឺនរៀល, លោកអោប គឹមហែល ចំនួន៥ម៉ឺនរៀល, ទូច លាង ចំនួន៥ម៉ឺនរៀល, អ៊ុក សុផា ចំនួន៥ដុល្លារ, ចែណាត ចំនួន១០ដុល្លារ, ស្រីទូច ចំនួន១០ដុល្លារ, មករា ចំនួន៥ដុល្លារ, ស៊ិន សោភា ចំនួន៥ម៉ឺនរៀល, សង្ហា ណៃ ចំនួន៣ម៉ឺនរៀល, អ្នកគ្រូសាលាយេស៊ូចំនួន១០ដុល្លារ, និស្សិតក្រសួងសុខាភិបាលចំនួន៥ម៉ឺនរៀល, មិត្រ កូនលោកតាអានចំនួន១ម៉ឺនរៀល ។
លោកព្រឹទ្ធាចារ្យ ភិរម្យ ប្រាជ្ញ ឈួន បានមានប្រសាសន៍ទៀតថា ខណៈពេលដែលលោកបានទទួលអំណោយដ៏ថ្លៃថ្លាពីថ្នាក់ដឹកនាំក៏ដូចសប្បុរសជននានា លោកមានសេចក្តីរំភើបចិត្តរកអ្វីមកប្រដូចពុំបានឡើយ ។ នៅពេលនេះលោកចូលសំរាកព្យាបាលនៅមន្ទីរពេទ្យកាល់ម៉ែតជាលើកទីពីរ ហើយត្រូវបានវេជ្ជបណ្ឌិត ជាពិសេសលោកឈាង រ៉ា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជានាយកមន្ទីរពេទ្យកាល់ម៉ែតយកចិត្តទុកដាក់ក្នុងការព្យាបាលជំងឺរបស់លោកធ្វើឱ្យបានធូរស្រាលមួយកំរិត ។
លោកព្រឹទ្ធាចារ្យប្រាជ្ញ ឈួន បានលើកដៃប្រណមបួងសួងដល់ទេវតាគ្រប់ទិសទីតាមថែរក្សាលោកជំទាវបណ្ឌិតប៊ុន រ៉ានី ហ៊ុន សែន សម្តេចអគ្គមហាសេនាបតីតេជោ ហ៊ុន សែន ព្រមទាំងបុត្រា បុត្រី ចៅប្រុស ចៅស្រីទាំងអស់ លោកបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងសប្បុរសជននានា សុំឱ្យជួបតែសេចក្តីសុខ សេចក្តីចំរើនគ្រប់ប្រការកុំបីឃ្លៀងឃ្លាតឡើយ ។
លោកព្រឹទ្ធាចារ្យ ភិរម្យ ប្រាជ្ញ ឈួន កើតនៅឆ្នាំ១៩៣៥ មានភរិយាឈ្មោះអ៊ុក ព្រីង អាយុ៦២ឆ្នាំ មានកូនប្រុសចំនួន៥នាក់ បច្ចុប្បន្នស្នាក់នៅភូមិស្រម៉ក្រោម ឃុំខ្វាវ ស្រុកទ្រាំង ខេត្តតាកែវ ។ លោកបានចូលសំរាកព្យាបាលនៅមន្ទីរពេទ្យកាល់ម៉ែតកាលពីថ្ងៃទី១មករា ២០១០ ដោយសារមានជំងឺលើសឈាម ហើយនេះក៏ជាលើកទី២ដែលលោកព្រឹទ្ធាចារ្យភិរម្យចូលមន្ទីរពេទ្យ ៕
ចែករំលែកព័តមាននេះ