ការសិក្សាមួយបានបង្ហាញថា ថ្វីបើសូកូឡាផ្ទុកទៅដោយកាល់ឡូរីច្រើនជាងអាហារដទៃក៏ដោយ ប៉ុន្តែប្រសិនជាគេទទួលទានវាជាប្រចាំក្នុងកម្រិតសម ល្មមនោះ វានឹងជួយរំលាយខ្លាញ់ក្នុងរាងកាយ។
បណ្តាអ្នកស្រាវជ្រាវគិតថា កាល់ឡូរីនៅក្នុងសូកូឡាមិនដូចគ្នានឹងកាល់ឡូរីធម្មតាទេ។ សមាសធាតុទាំងឡាយនៅក្នុងសូកូឡាធ្វើការងាររំលាយអាហារក្នុងរាងកាយយ៉ាងសកម្ម បំផុត ដែលនេះមានន័យថា វាជួយកំចាត់ខ្លាញ់ច្រើនលើសលប់ក្នុងរាងកាយ។
ទោះជាយ៉ាងណា អ្នកសិក្សាស្រាវជ្រាវមិនបានប្រាប់ឱ្យដឹងថា តើសូកូឡាប្រភេទណាដែល ល្អបំផុតនោះឡើយ ។ លទ្ធផលនៃការរកឃើញលើកនេះ ក្រុមអ្នកវិទ្យាសាស្ត្របានពិសោធលើអ្នកស្ម័គ្រចិត្តបុរសនិងស្ត្រីប្រមាណ ៩៧២នាក់ដែលមានអាយុជាមធ្យម ៥៧ឆ្នាំ ។
វេជ្ជបណ្ឌិត Beatrice Golomb អ្នកដឹកនាំការស្រាវជ្រាវមកពីសាកលវិទ្យាល័យ University of Californiaក្រុងសាន់ឌីយេហ្គោសហរដ្ឋអាមេរិកបាននិយាយថា៖«ការរកឃើញរបស់យើងគឺជាការផ្តល់ព័ត៌មានអំពីរាងកាយដែលថា សមាសធាតុរបស់កាល់ឡូរី មិនគ្រាន់តែជាចំនួនរបស់វានោះទេ តែការសំខាន់គឺប្រឆាំងដោយឥតកំណត់លើទម្ងន់។ និយាយពីអ្នកចូលចិត្តសូកូឡា វាគឺជាព័ត៌មានល្អទាំងអ្នកទទួលទានជាប្រចាំ និងអ្នកទើបចាប់ផ្តើម» ។
ការសិក្សាផ្សេងទៀតពីមុនមកបានរកឃើញថា ទទួលទានសូកូឡាកាត់បន្ថយអត្រាគ្រោះថ្នាក់ដោយជំងឺបេះដូងនិងដាច់សរសៃឈាមក្នុងខួរក្បាល ធ្វើឱ្យសម្ពាធឈាមចុះទាបព្រមទាំងកាត់បន្ថយបានអត្រាគ្រោះថ្នាក់ដោយជំងឺទឹកនោមផ្អែមផងដែរ ៕
ចែករំលែកព័តមាននេះ