ខេត្តព្រះវិហារ ៖ កាលពីព្រឹកថ្ងៃទី២៥ មីនា តំណាងក្រុមហ៊ុនសិលាម៉ិច ខូអប់ភើរេសិន ជាសម្ព័ន្ធមេត្រីភាពជាមួយកងទ័ពវរសេនាតូចការពារព្រំដែនលេខ៤០៥ ដែលកំពុងឈរជើងក្បែរជើងភ្នំដងរែក ក្នុងតំបន់អានសេះ រួមដំណើរជាមួយតំណាងអគ្គនាយកដ្ឋានភ័ស្តុភារហិរញ្ញវត្ថុ នៃក្រសួងការពារជាតិ ប្រចាំទិសយោធភូមិភាគទី៤ បាននាំ
ខេត្តព្រះវិហារ ៖ កាលពីព្រឹកថ្ងៃទី២៥ មីនា តំណាងក្រុមហ៊ុនសិលាម៉ិច ខូអប់ភើរេសិន ជាសម្ព័ន្ធមេត្រីភាពជាមួយកងទ័ពវរសេនាតូចការពារព្រំដែនលេខ៤០៥ ដែលកំពុងឈរជើងក្បែរជើងភ្នំដងរែក ក្នុងតំបន់អានសេះ រួមដំណើរជាមួយតំណាងអគ្គនាយកដ្ឋានភ័ស្តុភារហិរញ្ញវត្ថុ នៃក្រសួងការពារជាតិ ប្រចាំទិសយោធភូមិភាគទី៤ បាននាំអំណោយទៅប្រគល់ជូនអង្គភាពវរៈ៤០៥ រួមមានតុដែកមូលចំនួន១០ កៅអីជ័រចំនួន១០០ ស្ករសចំនួន២០០គីឡូក្រាម អង្ករ៥៥០គីឡូក្រាម អំបិល៣០០គីឡូក្រាម សម្ភារសម្រាប់ផ្ទះបាយមួយចំនួនធំ និងប្រគល់ផ្ទះបាយមួយខ្នងទំហំ៩ម៉ែត្រគុណ១២ម៉ែត្រ សង់អំពីឈើ ប្រក់ស័ង្កសីក្រាលបេតុង ដែលចំណាយទឹកប្រាក់សរុបចំនួន២.៥០០ដុល្លារអាមេរិក ទូរទស្សន៍ ឌីធីវីមួយសម្រាប់ និងសីុទែនទឹកចណុះ២.០០០លីត្រចំនួន២ ។
លោក គង់ ចាន់ តំណាងក្រុមហ៊ុនសិលាដាម៉ិច ខូអប់ភើរេសិន បញ្ជាក់ថា ការជួយឧបត្ថម្ភរបស់ក្រុមហ៊ុនជូនវរៈ៤០៥ លើកនេះ គឺជាលើកទី៦ហើយ បន្ទាប់ពីបានចងសម្ព័ន្ធមេត្រីភាពជាមួយគ្នា ក្នុងអំឡុងឆ្នាំ២០១០។
លោកវរសេនីយ៍ទោ ជូន ចិត្រ មេបញ្ជាការវរសេនាតូចការពារព្រំដែនលេខ៤០៥ ជំនួសមុខឱ្យនាយ-ពលទាហាន ក្នុងវរៈបានថ្លែងអំណរគុណ ដល់ក្រុមហ៊ុនសិលាដាម៉ិច ដែលជាច្រើនលើកណាស់មកហើយ បានជួយឧបត្ថម្ភដល់វរៈរបស់លោក សម្រាប់ជួយទ្រទ្រង់ការខ្វះខាតរបស់កងទ័ព ដែលកំពុងឈរជើងការពារបូរណភាពទឹកដី ។ លោក សុវណ្ណារ៉ា តំណាងក្រុមហ៊ុនសិលាដាមិុច បានថ្លែងកោតសរសើរ ដល់កងទ័ពដែលបានខិតខំតស៊ូការពារទឹកដីមិនឱ្យសត្រូវឈ្លានពានបាន ។ ពិធីបុណ្យចូលឆ្នាំថ្មីប្រពៃណីជាតិ ដែលនឹងឈានមកដល់នៅពេលឆាប់ៗខាងមុខនេះ លោកជូនពរឱ្យកងទ័ពទាំងអស់ជួបតែវិបុលសុខគ្រប់ប្រការ ទទួលបានជ័យជម្នះជាច្រើនទៀតលើពួកសត្រូវឈ្លានពាន និងសន្យាថាក្រុមហ៊ុននៅតែជួយឧបត្ថម្ភដល់វរៈ៤០៥ជាបន្តទៀត ។
លោកឧត្តមសេនីយ៍ទោ ទេព សំអាន តំណាងឱ្យអគ្គភ័ស្ភុភារហិរញ្ញវត្ថុ ក្រសួងការពារជាតិ ប្រចាំយោធភូមិភាគទី៤ ថ្លែងថាពេលនេះកងកម្លាំងដែលប្រចាំការជួរមុខតាមបន្ទាយ និងកងអនុសេនាធំ បានរៀបចំឱ្យមានការថែទាំសុខភាព ដោយមានការបង្កើនថវិកាមួយចំនួនសម្រាប់ផ្គត់ផ្គង់បន្ថែម។ អគ្គភ័ស្តុភារហិរញ្ញវត្ថុប្រចាំជួរមុខយកចិត្តទុកដាក់ក្នុងការផ្គង់ផ្គង់ជាប្រចាំនូវគ្រឿងឧបភោគបរិភោគរបស់កងទ័ពក្នុងបន្ទាយដោយមិនឱ្យមានការខ្វះខាត និងផ្តល់ជូនឱ្យទាន់ពេលវេលា ។ ចំពោះស្បៀងអាហារទាំងនោះ ត្រូវបានត្រួតពិនិត្យគុណភាពសម្រាប់ថែរក្សាដល់សុខុមាលភាពកងទ័ព ៕
ចែករំលែកព័តមាននេះ