តាមការសិក្សាថ្មីមួយបានបង្ហាញថា ការទទួលទានកាហ្វេទៀងទាត់អាចជួយកាត់បន្ថយអត្រាប្រឈមនឹងជំងឺភ្លេចភ្លាំងបាន។ សារធាតុ កាហ្វេអ៊ីនត្រូវគេរកឃើញថា មានអត្ថប្រយោជន៍ជួយការពារខួរក្បាលគេចផុតពីការចុះខ្សោយ។ ដូច្នេះការទទួលទានកាហ្វេជាប្រចាំនឹងជួយរក្សាកម្រិតកាហ្វេអ៊ីននៅក្នុងឈាមខ្ពស់ ។
ការសិក្សាស្រាវជ្រាវដែលធ្វើឡើងដោយអ្នកវិទ្យាសាស្ត្រនៅសាកលវិទ្យាល័យ University of South Floridaសហរដ្ឋអាមេរិកលើកនេះ បានពិនិត្យតាមដានលើអ្នកស្ម័គ្រចិត្ត១២៤នាក់មានអាយុចន្លោះពី៦៥ដល់៨៨ឆ្នាំ និងបានចំណាយពេលអស់៤ឆ្នាំ ។
ការសិក្សាលើកនេះផងដែរក៏បានបង្ហាញនូវការគាំទ្រលទ្ធផលនៃការសិក្សាលើកមុនៗដែលនិយាយថា ទទួលទានកាហ្វេ៣កូនពែងក្នុងមួយថ្ងៃជួយកាត់បន្ថយការប្រឈមនឹងជំងឺដែលមើលមិនជាបាន ។
ចំណែកការសិក្សាមួយផ្សេងទៀតក៏បានរកឃើញដែរថា ទទួលទានកាហ្វេមួយពែងក្នុងមួយថ្ងៃអាចជួយឱ្យស្ត្រីគេចផុតពីរោគធុញថប់ក្នុងចិត្តបាន។ លើសពីនេះទៀតអាចជួយទប់ស្កាត់ការ ប្រឈមនឹងជំងឺដាច់សរសៃឈាមក្នុងខួរក្បាលបាន១/៤ផងដែរ ៕
ចែករំលែកព័តមាននេះ