យោងតាមលទ្ធផលនៃការសិក្សាពិសោធន៍ចំនួន៣ផ្សេងគ្នារបស់អង់គ្លេសបានបង្ហាញថា ថ្នាំ Aspirinដែលជាអាវុធដ៏មានប្រជាប្រិយភាពប្រឆាំងនឹងជំងឺគាំងបេះដូងអាចនឹងដើរតួនាទីយ៉ាងសំខាន់មួយបន្ថែមទៀតគឺទប់ស្កាត់ និងព្យាបាលជំងឺមហារីក។
យោងតាមលទ្ធផលនៃការសិក្សាពិសោធន៍ចំនួន៣ផ្សេងគ្នារបស់អង់គ្លេសបានបង្ហាញថា ថ្នាំ Aspirinដែលជាអាវុធដ៏មានប្រជាប្រិយភាពប្រឆាំងនឹងជំងឺគាំងបេះដូងអាចនឹងដើរតួនាទីយ៉ាងសំខាន់មួយបន្ថែមទៀតគឺទប់ស្កាត់ និងព្យាបាលជំងឺមហារីក។
អ្នកដឹកនាំការស្រាវជ្រាវវេជ្ជបណ្ឌិត Peter M. Rothwellបានបញ្ជាក់ថា៖«ឥឡូវនេះយើងបានរកឃើញថា ក្រោយពីបានលេបថ្នាំAspirinរយៈពេល៣ឬ៤ឆ្នាំរួច វាចាប់ផ្តើមមានការកាត់បន្ថយចំនួនអ្នកកើតជំងឺមហារីក។ ដូច្នេះវាហាក់ដូចជាការទប់ស្កាត់ការកើតមានជំងឺមហារីករយៈពេលវែងមួយផងដែរ។ ឥឡូវនេះមានភស្តុតាងល្អមួយដែលថា Aspirinជួយទប់ស្កាត់ការឆ្លងរាលដាលមហារីក។ ដោយសារតែវាអាចទប់ស្កាត់ការឆ្លងរាលដាលបែបនេះ ដូច្នេះវាអាចត្រូវបានប្រើក្នុងនាមជាថ្នាំព្យាបាលបាន»។
អ្នកជំនាញបាននិយាយថា ដោយសារការស្រាវជ្រាវលើកនេះមិនទាន់ប្រាកដប្រជានិងមានភស្តុតាងគ្រប់គ្រាន់ដែលបង្ហាញថាថ្នាំ Aspirin អាចប្រឆាំងនឹងជំងឺមហារីកបាន ដូច្នេះមនុស្សម្នាទាំងឡាយគួរកុំទាន់អាលចាប់ផ្តើមលេបថ្នាំនេះក្នុងគោលបំណងបំបាត់ជំងឺមហារីកនោះដែរ ។
នៅក្នុងការសិក្សាលើកនេះ ក្រុមរបស់លោកវេជ្ជបណ្ឌិត Rothwellបានធ្វើសំយោគទិន្នន័យពីការពិសោធរបស់មន្ទីរព្យាបាលចំនួន៥១។ ជាទូទៅ ពួកគេបានរកឃើញថា ការេប្រើប្រាស់ថ្នាំនេះក្នុងកម្រិតទាបជាប្រចាំកាត់បន្ថយអត្រាស្លាប់ដោយជំងឺមហារីកបាន១៥ភាគរយ។ ប្រើប្រាស់ចាប់ពី៥ឆ្នាំឡើងទៅ អាចកាត់បន្ថយអត្រាប្រឈមនឹងការស្លាប់បាន៣៧ភាគរយ ខណៈប្រើចាប់ពី៣ឆ្នាំ កាត់បន្ថយបានជុំវិញ២៥ភាគរយ៕
ចែករំលែកព័តមាននេះ