រាជធានីភ្នំពេញ ៖ នៅទីស្នាក់ការក.ក្រ.ក សាខារាជធានីភ្នំពេញ នាព្រឹកថ្ងៃទី១៤ ខែមីនា ឆ្នាំ២០១២ បានរៀបចំកិច្ចប្រជុំស្ដីពីការត្រៀមបើកវគ្គយល់ដឹងមូលដ្ឋានជូនដល់យុវជនក.ក្រ នៅតាមអនុវិទ្យាល័យក្នុងរាជធានីភ្នំពេញ ក្រោមអធិបតីភាពលោកប៉ា សុជាតិវង្ស ប្រធានគណៈកម្មាធិការសាខា និងជាអភិបាលរងនៃគណៈអភិបាលរាជធានីភ្នំពេញ ។ អញ្ជើញមានវត្ដមានក្នុងកិច្ចប្រជុំនេះដែររួមមាន លោក លោកស្រីជាមន្ដ្រីប្រតិបត្ដិសាខា អនុសាខាខណ្ឌទាំង៩ និងគណៈ នាយកទីប្រឹក្សាយុវជន ក.ក្រ.ក ទាំង៣៣អនុវិទ្យាល័យជាច្រើនរូបទៀត ។
លោកប៉ា សុជាតិវង្ស បានមានប្រសាសន៍ថា សាខាបានបើកវគ្គយល់ដឹងមូលដ្ឋានជូនដល់យុវជនទាំង៣៤វិទ្យាល័យបានជិតគ្រប់អស់ហើយ ហើយសំរាប់ការបើកវគ្គនៅតាមអនុវិទ្យាល័យនាពេលខាងមុខនេះ គឺសូមឱ្យអនុសាខា រួមនិងគណៈនាយក ទីប្រឹក្សាយុវជននៅតាមអនុវិទ្យាល័យនីមួយៗជាអ្នកបង្រៀន ដែលវគ្គសិក្សានេះក៏មានរយៈពេល១ថ្ងៃដែរ ដោយបានលើកយកមេរៀនមូលដ្ឋានសំខាន់ៗមកបង្រៀនរួមមាន ប្រវិត្ដិចលនាកាកបាទក្រហម អឌ្ឍចន្ទ័ក្រហមអន្ដរជាតិ និងសមាគមជាតិ ក.ក្រ.ក, តួនាទី និងភារកិច្ចយុវជន ក.ក្រ.ក, គ្រោះមហន្ដរាយ និងការគ្រប់គ្រងគ្រោះមហន្ដរាយ, សុវត្ថិភាពចរាចរណ៍ផ្លូវគោក, វិជ្ជាសង្គ្រោះបឋម ។ ក្នុងនេះការបើកវគ្គនេះផងដែរ សាខា នឹងជួយផ្គត់ផ្គង់ជាទឹកសុទ្ឋ១សាលា១០កេស, គ្រូឧទ្ទេសនាម១សាលា៥ម៉ឺនរៀល ព្រមទាំងរៀបចំឯកសណ្ឋាន និងសៀវភៅមេរៀនសំរាប់យុវជនម្នាក់ៗផងដែរ ។ ចុងបញ្ចប់ឯកឧត្ដមប្រធានគណៈកម្មាធិការសាខាសំណូមពរដល់បណ្ដា អនុសាខា គណៈនាយកទីប្រឹក្សាយុវជន ទាំងអស់សូមជួយទុកចិត្ដទុកដាក់ខិតខំប្រឹងប្រែងបន្ថែមទៀតក្នុងភារកិច្ចដែលបានដាក់ចុះខាងលើនេះ ដើម្បីឱ្យការបើកវគ្គរបស់យើងទទួលបាននួវលទ្ឋផលល្អប្រសើរក្នុងការដុះខាតយុវជន ក.ក្រ យើងឱ្យកាន់តែមានគុណភាពទ្វារឡើង ពោលពេញដោយបេះដូងមនុស្សធម៌យ៉ាងពិតប្រាកដ ៕
ចែករំលែកព័តមាននេះ