រាជធានីភ្នំពេញ ៖ ស្ដ្រីម្នាក់ត្រូវបាន គេសម្លាប់ទាំងរូបកាយអាក្រាត និងមាន ចងស្លាបសេកផង នៅក្នុងប្រឡាយទឹកស្អុយ ដែលមានចំងាយប្រមាណ៥០ម៉ែត្រពីផ្លូវលេខ៥៩៨ ស្ថិតនៅភូមិទួលគោក សង្កាត់ទួល សង្កែ ខណ្ឌឫស្សីកែវ ។ សាកសពស្ដ្រីរងគ្រោះ ត្រូវបានគេប្រទះឃើញ និងធ្វើឱ្យមានការ ភ្ញាក់ផ្អើលកាលពីវេលាម៉ោង៩ និង១៥នាទី ព្រឹកថ្ងៃទី១៨ កុម្ភៈ ។តាមស្ថានភាពនៃសាកសពត្រូវបានគេ សង្ស័យថា នាងត្រូវឃាតកអាចជាអ្នកស្គាល់ គ្នានាំទៅរួមរ័ក ឬរំលោភនៅលើស្មៅចំងាយ ប្រមាណ៦០ម៉ែត្រពីប្រឡាយ រួចសម្លាប់ បំបិទមាត់ ហើយអូសទៅទំលាក់ចូលក្នុង ប្រឡាយទឹកស្អុយនោះទៅ ។ ការសន្និដ្ឋាន ជាជំហានដំបូងបែបនេះព្រោះនៅក្បែរកន្លែងកើតហេតុសមត្ថកិច្ចបានរកឃើញថង់ដាក់ខោអាវរបស់ស្ដ្រីរងគ្រោះស្បែកជើងខោទ្រនាប់ និងខោខ្លីត្រឹមជង្គង់ មានប្រឡាក់ សុទ្ធតែឈាម ។ ស្ដ្រីរងគ្រោះដែលជនមិនស្គាល់មុខសម្លាប់ទាំងអាក្រាតកាយនេះឈ្មោះយីម ស្រីមុំ អាយុ៤១ឆ្នាំជាសន្ដិសុខ ឯកជន CSP យាមនៅរោងចក្រមួយក្បែរកន្លែងកើតហេតុស្នាក់នៅផ្ទះជួលក្នុងភូមិទំនប់សង្កាត់ភ្នំពេញថ្មីខណ្ឌសែនសុខមានស្រុកកំណើតនៅភូមិរវាង ឃុំសំបួរ ស្រុក ទ្រាំង ខេត្ដតាកែវ ។
តាមសំដីបុរសម្នាក់ឈ្មោះម៉េត មួន អាយុ ៤៤ឆ្នាំ មានទីលំនៅក្នុងភូមិត្នោតជ្រុំ សង្កាត់ បឹងទំពុន ខណ្ឌមានជ័យ ដែលបានប្រទះ ឃើញសពនេះមុនគេបានឱ្យដឹងថានៅវេលាព្រឹកថ្ងៃកើតហេតុ រូបគាត់បានធ្វើដំណើរទៅរកដងដង្កូវទឹកនៅតាមប្រឡាយផ្លូវចូលខាងកើតក្រុងរណប ខេមកូស៊ីធី ក៏ប្រទះឃើញសាកសពស្ដ្រីម្នាក់នេះនៅក្នុងប្រឡាយដែលមុនដំបូងឃើញគូទអណ្ដែតចេញពីក្នុងទឹកដោយស្មានថាជាតុក្កតាជ័រ ។ គាត់បានយកដងឫស្សីសំរាប់ដងដង្កូវទឹកកាយមើលទើបដឹងថាជាសពស្ដ្រីរួចរាយការណ៍ប្រាប់សន្ដិសុខនិងប្រជាពលរដ្ឋដែលនៅក្បែរនោះធ្វើឱ្យមានការភ្ញាក់ផ្អើលឡើង ។ នៅព្រឹកនោះសមត្ថកិច្ចបានទៅកន្លែងកើតហេតុហើយនៅចំងាយប្រមាណ៦០ម៉ែត្រពីសពសមត្ថកិច្ចរកឃើញមានថង់ខោអាវ ស្បែកជើង ព្រមទាំងខោទ្រនាប់នៅលើស្មៅ និង ខោខ្លីត្រឹមជង្គង់មានប្រឡាក់សុទ្ធតែឈាមដែលសន្និដ្ឋានថា ស្ដ្រីរងគ្រោះត្រូវបានគេរួមរ័កឬចាប់រំលោភរួចចាប់ចងស្លាបសេកវាយ សម្លាប់អូសសពទំលាក់ក្នុងប្រឡាយទឹក ។
តាមសាក្សីនៅក្បែរកន្លែងកើតហេតុបានឱ្យដឹងថានៅវេលាម៉ោងប្រមាណ៩យប់គេឃើញម៉ូតូ១គ្រឿងជិះគ្នា២នាក់ចូលទៅចំណុចកើតហេតុតែពុំមានការចាប់អារម្មណ៍ឡើយ លុះព្រឹកឡើងមានការភ្ញាក់ផ្អើលរឿង ប្រទះឃើញសពស្ដ្រីរងគ្រោះនៅទីនោះតែម្ដង ។ ក្រោយពេលប្រទះឃើញសាកសព ភ្លាមៗពុំត្រូវគេស្គាល់អត្ដសញាណឡើយតែ ក្រោយពីការពិនិត្យខោអាវជាឯកសណ្ឋានសន្ដិសុខទើបដឹងថាស្ដ្រីដែលត្រូវឃាតក សម្លាប់នេះជាសន្ដិសុខឯកជន CSP និងមាន ឈ្មោះយី ស្រីមុំ នៅក្នុងក្រដាសស្នាមមួយ ។ នៅព្រឹកនោះដែរតំណាងក្រុមហ៊ុនបានទៅកន្លែងកើតហេតុដែរទើបដឹងច្បាស់ពីអត្ដសញាណរបស់ស្ដ្រីរងគ្រោះ។តាមព័ត៌មានឱ្យដឹងទៀតថា ស្ដ្រីរងគ្រោះ យាមនៅរោងចក្រក្បែរកន្លែងកើតហេតុ ហើយនាងតែងចេញពីយាមនៅវេលាម៉ោង១០យប់ ។ នៅយប់ថ្ងៃទី១៧ កុម្ភៈ នាង បានចេញពីធ្វើការនៅវេលាម៉ោង៩យប់ មុនម៉ោងតែគេពុំដឹងថាមានធុរៈអ្វីនោះ ឡើយ ។ តាមការពិនិត្យសពត្រូវបានឃាត កវាយខ្ទង់ច្រមុះ និងជាំក គឺសម្លាប់ទាំងកាយអាក្រាត ។ តាមការសន្និដ្ឋានរបស់សមត្ថកិច្ចថាឃាតកអាចជាមនុស្សស្គាល់គ្នាបាននាំនាងទៅរួមរ័កឬចាប់រំលោភហើយវាយសម្លាប់តែម្ដងតែគេពុំដឹងថាឃាតកមានគំនុំអ្វីនឹងស្ដ្រីរងគ្រោះទេទើបវាយសម្លាប់យ៉ាងឃោរឃៅបែបនេះ ។ ការសង្ស័យខ្លះបង្ហាញថាជាការសម្លាប់ដើម្បី បំបិទមាត់ទាក់ទិននឹងបញ្ហាដែលគេមិនទាន់ដឹងស៊ីជំរៅនៅឡើយ ។ បន្ទាប់ពីពិនិត្យរួច សពត្រូវបានបញ្ជូនទៅកាន់ឈាបនដ្ឋានវត្ដទួលសង្កែធ្វើបុណ្យបូជាតាមប្រពៃណី ។
ចែករំលែកព័តមាននេះ