រាជធានីភ្នំពេញ ៖ ផ្ទះ៦ខ្នង៤ខ្នងថ្មក្រោមឈើលើ និង២ខ្នងជាផ្ទះឈើស្ថិតនៅតាមដងទន្លេសាបក្នុងភូមិឌួង សង្កាត់ព្រែកព្នៅ ខណ្ឌសែនសុខ ត្រូវបានរងការគំរាមកំហែង ដោយប្រេះដី ហើយទំនងអាចឈានបាក់នៅថ្ងៃណាមួយមិនខាន។ ចំពោះស្ថានភាពបែបនេះអាជ្ញាធរដែនដីបានចុះទៅត្រួតពិនិត្យ ហើយបានប្រាប់ទៅប្រជាពលរដ្ឋដែលមានទីតាំងកំពុងរងការគំរាមកំហែង
រាជធានីភ្នំពេញ ៖ ផ្ទះ៦ខ្នង៤ខ្នងថ្មក្រោមឈើលើ និង២ខ្នងជាផ្ទះឈើស្ថិតនៅតាមដងទន្លេសាបក្នុងភូមិឌួង សង្កាត់ព្រែកព្នៅ ខណ្ឌសែនសុខ ត្រូវបានរងការគំរាមកំហែង ដោយប្រេះដី ហើយទំនងអាចឈានបាក់នៅថ្ងៃណាមួយមិនខាន។ ចំពោះស្ថានភាពបែបនេះអាជ្ញាធរដែនដីបានចុះទៅត្រួតពិនិត្យ ហើយបានប្រាប់ទៅប្រជាពលរដ្ឋដែលមានទីតាំងកំពុងរងការគំរាមកំហែងត្រូវមានការប្រុងប្រយ័ត្ននិងជម្លៀសខ្លួនចេញពីលំនៅឋាន ប៉ុន្ដែបែរជាប្រជាពលរដ្ឋមិនមានការភ័យខ្លាចគ្រោះថ្នាក់នេះទេ។ ដូច្នេះអាជ្ញាធរដែលបានចុះទៅផ្ដល់ដំណឹងជូនប្រជាពលរដ្ឋកាលពីព្រឹកថ្ងៃទី៧ មីនា ២០១២ បានត្រឹមតែហួសចិត្ដ ហើយត្រឡប់មកទីកន្លែងវិញតែប៉ុណ្ណោះ។
ប្រជាពលរដ្ឋដែលរងគ្រោះដោយផ្ទះកំពុងតែប្រេះដីបានឱ្យដឹងថា កាលពីខែមករា ដីផ្ទះរបស់គាត់មានការប្រេះតិចតួចតែប៉ុណ្ណោះ ប៉ុន្ដែប៉ុន្មានថ្ងៃនេះស្ថានភាពដីមានការប្រេះខ្លាំង តែទោះបីយ៉ាងណាពួកគាត់មិនទាន់មានការព្រួយបារម្ភពីសុវត្ថិភាពនោះទេ ព្រោះច្រាំងទន្លេមានចម្ងាយប្រមាណ៣០ម៉ែត្រពីផ្ទះរបស់គាត់ឯណោះ ដូច្នេះវាមិនអាចមានការព្រួយបារម្ភខ្លាំងក្លានោះទេ។ ប្រជាពលរដ្ឋចំនួន៦គ្រួសារដែលកំពុងរងគ្រោះខាងលើមាន ១-ឈ្មោះស្មាន ចាន់ធី ២-ឈ្មោះហ្វៀង យ៉ាំងតិច ៣-ឈ្មោះហេង ញី ៤-ឈ្មោះអឿង សារ៉ុម ៥-ឈ្មោះអឿង សុភី និង៦-ឈ្មោះម៉ា គឺចាន់។
ប្រភពព័ត៌មានពីអាជ្ញាធរថា ផ្ទះថ្មក្រោមឈើលើបណ្ដោយ៦ម៉ែត្រ ទទឹង៤ម៉ែត្របានរងការបាក់សសរខាងមុខ ។ តែទោះបីយ៉ាងណាអាជ្ញាធរកំពុងតែព្យាយាមសម្របសម្រួលដើម្បីបញ្ចៀសគ្រោះថ្នាក់ ហើយដីដែលរងការបាក់នោះគឺជាដីដែលប្រជាពលរដ្ឋ ទើបតែចាក់ថ្មីៗនោះដែរ៕
ចែករំលែកព័តមាននេះ