ទស្សនកិច្ចរបស់លោកបារ៉ាក់ អូបាម៉ា នៅឥណ្ឌា
ប្រធានាធិបតីអាមេរិក លោកបារ៉ាក់ អូបាម៉ា បានមកដល់ទីក្រុងមុមបៃ ប្រទេសឥណ្ឌា កាលពីថ្ងៃទី៦ វិច្ឆិកា ដើម្បីចាប់ផ្តើមដំណើរទស្សនកិច្ចរយៈពេល១០ថ្ងៃរបស់លោកនៅអាស៊ី ដោយលោកប្រកាសពីការចុះហត្ថលេខាលើកិច្ចព្រមព្រៀងថ្មីៗមួយចំនួន ជាមួយឥណ្ឌា។ នៅមុខបណ្តាពាណិជ្ជករអាមេរិក និងឥណ្ឌា លោកអូបាម៉ា បញ្ជាក់ថាសហរដ្ឋអាមេ រិកនឹងបន្ធូរបន្ថយបែបបទមួយចំនួនទាក់ទិនដល់ការនាំចេញ ដែលធ្វើឱ្យស្មុគស្មាញដល់ការផ្លាស់ប្តូរពាណិជ្ជកម្មជាមួយឥណ្ឌា ។ លោកអូបាម៉ា មានប្រសាសន៍ថា ដោយសម្លឹងមកលើប្រទេសឥណ្ឌានាពេលបច្ចុប្បន្ន សហរដ្ឋអាមេរិកពិនិត្យឃើញនូវសក្តានុពលភាពនៃការនាំចេញរបស់យើងមក កាន់ទីផ្សារមួយដែលមានកំណើនសេដ្ឋកិច្ចលឿនជាងគេបំផុតនៃពិភពលោក ។ សំរាប់អាមេរិកនេះជាយុទ្ធសាស្ត្រមួយ ដើម្បីការងារ ។
ចែករំលែកព័តមាននេះ