ក្រុមហ៊ុន China Telecom ចុះហត្ថលេខាជាមួយក្រុមហ៊ុន Apple ដើម្បីលក់ទូរស័ព្ទដៃIphone ក្នុងប្រទេសចិន ។ សកម្មភាពនេះត្រូវគេរំពឹងពីការពង្រីកការលក់ចេញសម្រាប់ក្រុមហ៊ុនអាមេរិកក្នុងទីផ្សារដែលខំតស៊ូយ៉ាងលំបាកលំបិនប៉ុន្មានខែមកនេះ ។ ក្រុមហ៊ុន China Telecom ដែលមានតម្លៃប្រហែលជាង៤៦ពាន់លានដុល្លារ ប៉ុន្តែនៅតែជាក្រុមហ៊ុនមួយតូចក្នុងចំណោមក្រុមហ៊ុនធំៗចំនួន៣ ។ តាមសារព័ត៌មានឱ្យដឹងថា ក្រុមហ៊ុន China Telecom នឹងធ្វើការកក់សម្រាប់ទូរស័ព្ទIphone 4s ចាប់ពីថ្ងៃទី២ មីនា និងចាប់ផ្តើមការផ្សាយលក់នៅថ្ងៃទី៩ មីនា។
កិច្ចព្រមព្រៀងនោះធ្វើឡើងដោយសារក្រុមហ៊ុន China Unicom ផ្តាច់កិច្ចសន្យាលក់ទូរស័ព្ទ Iphone ក្នុងទីផ្សារ ទូរស័ព្ទដ៏ធំបំផុតក្នុងពិភពលោក។ ភាគហ៊ុននៃក្រុមហ៊ុន Apple ក្នុងទីផ្សារទូរ ស័ព្ទនៅប្រទេសចិនបានធ្លាក់ចុះជាប់គ្នា ពីរត្រីមាសគិតចាប់ពីខែតុលាដល់ខែធ្នូ ដោយសារម៉ាកទូរស័ព្ទក្នុងស្រុកថោកដូចជាក្រុមហ៊ុនទូរស័ព្ទ Huwei Technologies និងក្រុមហ៊ុន ZTE ។ ក្រុមហ៊ុន China Telecom និយាយថា ខ្លួន នឹងពង្រីកទីផ្សារ បន្ទាប់ពីចេញលក់ទូរស័ព្ទIphone 4s ដែលនឹងអាចពង្រីកនូវកំណើនរយៈពេលវែងដោយមានស្ថិរភាព ។
កិច្ចព្រមព្រៀងត្រូវគេរំពឹងថា នឹងពង្រីកវត្តមាននៃបច្ចេកវិទ្យាអាមេរិកដ៏ធំសម្បើមមួយក្នុងប្រទេសចិន ដែលជាកន្លែងដែលមានភាពស្មុគស្មាញបំផុតក្នុងការប្តឹងប្តល់ជាមួយក្រុមហ៊ុនក្នុងស្រុកទៅលើការប្រើប្រាស់ឈ្មោះIpadនិងបញ្ហានៅឯរោងចក្រផ្គត់ ផ្គង់ក្រុមហ៊ុនApple ក្នុងប្រទេសចិនទៅលើ ប្រាក់ឈ្នួល និងលក្ខខណ្ឌការងារ។ អ្នកវិភាគបានព្យាករថា ក្រុមហ៊ុន China Telecom និងលក់ទូរស័ព្ទបានប្រហែល ១,៤ លានគ្រឿងក្នុងឆ្នាំនេះ ប្រសិនបើឈានដល់កិច្ច ព្រមព្រៀងជាមួយក្រុមហ៊ុន Apple ក្នុងខែឧសភា ចំនួនលក់ទូរស័ព្ទសម្រាប់អ្នកប្រើប្រាស់ថ្មីនឹងកើនឡើងដល់២ទៅ៤លាននាក់ក្នុងឆ្នាំ២០១៣ ។
ក្រុមហ៊ុន China Telecom កំពុងប្រកួតប្រជែងជាមួយក្រុមហ៊ុន China Unicom និងក្រុមហ៊ុន China Mobile ដែលបានចរចាលើដំណើរការទៅមុខរួចទៅហើយជាមួយក្រុមហ៊ុនApple ក្នុងការលក់ទូរស័ព្ទ Iphone ក្នុងប្រទេស ចិន ។ ទូរស័ព្ទចិនដែលមានប្រជាជនប្រើប្រាស់ច្រើនបំផុតរហូតដល់ជាង៦០០លាននាក់ តែ ប្រហែលមិនអាចប្រៀបធៀបបច្ចេកវិទ្យាក្នុងការលក់ចេញរហូតដល់ចុងឆ្នាំ២០១២និង២០១៣ទេ ។ ជាមួយចំនួនអ្នកចុះឈ្មោះប្រើប្រាស់ទូរស័ព្ទដៃក្នុងប្រទេសចិនកើនឡើងដល់១ពាន់លាននាក់ក្នុងឆ្នាំនេះ វានឹងជួយកាត់បន្ថយការប្រកួតប្រជែងសម្រាប់ការលក់។
ចំនួនអ្នកប្រើប្រាស់ទូរស័ព្ទសរុបក្នុងប្រទេសចិនកើនឡើង១,២ភាគរយ ទៅ៩៨៧,៥៨លាននាក់ក្នុងខែមករា ។ នេះបើតាមទិន្នន័យរបស់ក្រុមហ៊ុនទូរគមនាគមន៍ចំនួន៣ដែលបានបង្ហាញ ៕
ចែករំលែកព័តមាននេះ