ខេត្តបន្ទាយមានជ័យ ៖ សមត្ថកិច្ចរដ្ឋបាលព្រៃឈើបានសហការជាមួយកម្លាំងនគរបាល ចរាចរពួនស្ទាក់ចាប់រថយន្តដឹកឈើគ្រញូងមួយគ្រឿងកាលពី វេលាម៉ោង៩និង៣០នាទីព្រឹកថ្ងៃទី២១ កុម្ភៈ ២០១២ នៅលើផ្លូវជាតិលេខ៦ ត្រង់ចំណុចស្ពានទី១ ស្ថិតក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ។
ខេត្តបន្ទាយមានជ័យ ៖ សមត្ថកិច្ចរដ្ឋបាលព្រៃឈើបានសហការជាមួយកម្លាំងនគរបាលចរាចរពួនស្ទាក់ចាប់រថយន្តដឹកឈើគ្រញូងមួយគ្រឿងកាលពីវេលាម៉ោង៩និង៣០នាទីព្រឹកថ្ងៃទី២១ កុម្ភៈ ២០១២ នៅលើផ្លូវជាតិលេខ៦ ត្រង់ចំណុចស្ពានទី១ ស្ថិតក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ។
មន្ត្រីរដ្ឋបាលព្រៃឈើខេត្តបានឲ្យដឹងថា រថយន្តដែលលួចបង្កប់ដឹកឈើគ្រញូងនេះម៉ាកកាមរីស៊េរី១៩៨៩ ពណ៌ទឹកសមុទ្រ មានអ្នកជិះចំនួន៥នាក់ប៉ុន្តែសមត្ថកិច្ចចាប់ឃាត់បានតែម្នាក់ប៉ុណ្ណោះ ឈ្មោះលឹម ជា ភេទប្រុស អាយុ២៦ឆ្នាំ មានស្រុកកំណើតនៅខេត្តកំពង់ចាម ជាអ្នកបើកបររថយន្ត ។
មន្ត្រីរដ្ឋបាលព្រៃឈើបានបន្តថា ក្រោយពីចាប់ឃាត់រថយន្តនេះ សមត្ថកិច្ចបានរកឃើញឈើគ្រញូងចំនួន២៦ដុំ ក្នុងនោះមានមុខកាត់១២, ១៤, ១៦, ១៨, ២០ ប្រវែង៤០សង្ទីម៉ែត្រ ដែលជនល្មើសបានប្រើរូបភាពដាក់បង្កប់នៅក្នុងទ្វាររថយន្តទាំងមុខទាំងក្រោយ និងនៅក្នុងវ៉ាលីចំនួន២ផងដែរ។
ប្រភពដដែលបានបញ្ជាក់ថា បន្ទាប់ពីរកឃើញវត្ថុតាងជាក់ស្តែងលោកផាន់ ភារម្យ ព្រះរាជអាជ្ញារងអមសាលាដំបូងខេត្តបានបញ្ជាឲ្យសមត្ថកិច្ចជំនាញកសាងសំណុំរឿងបញ្ជូនអ្នកបើកបរនិងវត្ថុតាងទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ