ខេត្តក្រចេះ ៖ ប្រជាពលរដ្ឋនៅក្នុងទីប្រជុំជនក្នុងក្រុងក្រចេះ បានសំដែងនូវការរិះគន់យ៉ាងពេញទំហឹងទៅលើរដ្ឋាករទឹកខេត្តថា មានរយៈ ពេលជិតមួយឆ្នាំមកហើយការផ្គត់ផ្គង់ទឹកសម្រាប់ឱ្យពួកគាត់ប្រើប្រាស់មិនគ្រប់គ្រាន់ និងទឹកមានសភាពល្អក់កករប្រើស្ទើរមិនកើត ។
ខេត្តក្រចេះ ៖ ប្រជាពលរដ្ឋនៅក្នុងទីប្រជុំជនក្នុងក្រុងក្រចេះ បានសំដែងនូវការរិះគន់យ៉ាងពេញទំហឹងទៅលើរដ្ឋាករទឹកខេត្តថា មានរយៈពេលជិតមួយឆ្នាំមកហើយការផ្គត់ផ្គង់ទឹកសម្រាប់ឱ្យពួកគាត់ប្រើប្រាស់មិនគ្រប់គ្រាន់ និងទឹកមានសភាពល្អក់កករប្រើស្ទើរមិនកើត ។
យ៉ាងហោចណាស់ក៏មានសង្កាត់ចំនួន៤ក្នុងក្រុងក្រចេះ ដែលសព្វថ្ងៃបានប្រើប្រាស់ទឹក របស់រដ្ឋាករទឹកខេត្ត និងក៏កំពុងតែប្រឈមមុខយ៉ាងខ្លាំងពីមួយថ្ងៃទៅមួយថ្ងៃទៅលើកង្វះទឹកប្រើប្រាស់គ្រប់គ្រាន់សម្រាប់ពួកគាត់ ។
ប្រជាពលរដ្ឋបាននិយាយថា ចំពោះតម្លៃទឹកក្នុងមួយម៉ែត្រគូប១.៤០០រៀលនោះ ពួកគាត់មិនមានការតវ៉ានោះទេ តែសូមឱ្យផ្គត់ផ្គង់ឱ្យបានគ្រប់គ្រាន់ទៅតាមតម្រូវការប្រើប្រាស់ ប្រចាំថ្ងៃព្រោះសព្វថ្ងៃនេះពួកគាត់ប្រើទឹកព្រឹកខ្វះល្ងាចជាប្រចាំ ។ ម្យ៉ាងវិញទៀតទឹកមានសភាពល្អក់កករប្រើស្ទើរមិនកើតដោយសារកង្វះអនាម័យ។
ប្រជាពលរដ្ឋនៅទូទាំងសង្កាត់ទាំងបួនក្នុង ក្រុងបានសម្តែងនូវការរិះគន់ទៅលើអាជ្ញាធរខេត្តថា រយៈពេលជាងមួយឆ្នាំមកហើយដែលអាជ្ញាធរនៅមិនទាន់គិតគូរពីកង្វះទឹកប្រើប្រាស់ក្នុងក្រុងធ្វើឱ្យពួកគាត់ជារៀងរាល់ថ្ងៃត្រូវទិញទឹកពីរថយន្តដឹកទឹកឯកជនមួយចំនួនយកមកប្រើ ប្រាស់បន្ថែមទៅតាមតម្រូវការចាំបាច់ ។ ជាងនេះទៅទៀត មិនថាតែប្រជាពលរដ្ឋទេ សូម្បីតែតាមសណ្ឋាគារ ផ្ទះសំណាក់មួយចំនួនធំដែលបោះទីតាំងក្នុងខេត្តក៏កំពុងតែមានបញ្ហាប្រឈមទៅលើការខ្វះទឹកប្រើប្រាស់ដូចគ្នា ។
ប្រជាពលរដ្ឋនៅក្រុងក្រចេះនិយាយថា កន្លងមកដោយសារជួបបញ្ហាកង្វះទឹកនៅពេលទៅបង់ប្រាក់ពួកគាត់បានសួរទៅមន្ត្រីរដ្ឋាករទឹកអំពីបញ្ហានេះដែរ តែមន្ត្រីទាំងនោះបាននិយាយយ៉ាងក្រអើតក្រទមថា ម៉ាស៊ីនខូចហើយ អាងស្តុកតូចទៀតទើបផ្គត់ផ្គង់មិនគ្រប់គ្រាន់ រីឯទឹកល្អក់មកពីទុយោកប់ដីវាចាស់ ។
ជុំវិញការរអ៊ូរទាំរបស់ប្រជាពលរដ្ឋតៗគ្នាស្ទើរគ្រប់មាត់នេះ កោះសន្តិភាពបានសុំការបំភ្លឺពីលោកហេង វ៉ាន់ធឿន ប្រធានរដ្ឋាករទឹកខេត្តកាលពីព្រឹកថ្ងៃទី២១ កុម្ភៈដែរ តែលោកប្រាប់ថាជាប់ប្រជុំ៕
ចែករំលែកព័តមាននេះ