ការស្រាវជ្រាវនៅប្រទេសអាល្លឺម៉ង់ប្រទះឃើញថា បុរសដែលមានប្រពន្ធអាយុតិចជាងខ្លួនច្រើនកាន់តែមានអាយុវែង ផ្ទុយពីស្ដ្រីដែលមានប្ដីអាយុតិចជាងខ្លួននឹងមានគ្រោះថ្នាក់ដល់សុខភាពធ្វើឱ្យស្លាប់មុនអាយុ។ លទ្ធផលស្រាវជ្រាវនេះទទួលបានពីការវិភាគទៅលើស្ថិតិរៀបការ និងការស្លាប់បាត់បង់ជីវិតរបស់ជនជាតិហុល្លង់ ចំនួន២លាននាក់ឃើញថា បុរសដែលមានប្រពន្ធអាយុតិចជាងខ្លួនរមែងមានអាយុវែងជាងបុរសដែលមានប្រពន្ធអាយុប្រហាក់ប្រហែលគ្នា។
ក្រុមគំរូបុរសដែលមានប្រពន្ធអាយុតិចជាងខ្លួនប្រហែល៧ដល់១០ឆ្នាំ មានប្រហែល៧% ដែលបានស្លាប់បាត់បង់ជីវិតធៀបនឹងបុរស ដែលមានប្រពន្ធអាយុប្រហាក់ប្រហែលគ្នា ហើយប្រសិនបើភាគីស្ដ្រីមានអាយុតិចជាងខាងលើទៀតនោះ គឺបុរសកាន់តែមានអាយុវែងថែមទៀត ។ផ្ទុយទៅវិញចំពោះស្ដ្រីដែលមានប្ដីក្មេងជាងខ្លួនប្រហែល៧-១០ឆ្នាំ មានទិន្នាការឆ្ពោះទៅរកការស្លាប់មុនស្ដ្រីដែលមានប្ដីអាយុស្របាលគ្នាដល់ទៅ២០ភាគរយ ។ ប៉ុន្ដែសំរាប់ស្ដ្រីដែលមានប្ដីអាយុតិចជាងខ្លួនលើសពី១៥ឆ្នាំ ភាពប្រថុយប្រថានខាងលើ នឹងកើនខ្ពស់ ដល់ទៅ៣០ភាគរយ ។
ក្រៅពីនេះបុរសដែលអាចទាក់ទាញនារីវ័យក្មេងបានរមែងជាបុរសដែលមានសុខភាពល្អ មានបុណ្យស័ក្ដិខ្ពង់ខ្ពស់ និងមានទ្រព្យសម្បត្ដិស្ដុកស្ដម្ភជាហេតុធ្វើឱ្យបុរសនោះមានចិត្ដរីករាយគ្រប់ពេលខុសពីស្ដ្រីដែលមានប្ដីក្មេង គឺតែងមានចិត្ដក្រៀមក្រំ ព្រោះប្ដីរមែងមិនពេញចិត្ដនៅពេលដែលនាងមានវ័យកាន់តែចាស់បាត់បង់សំរស់ និងអាចរត់ ទៅរកស្រីក្មេងផ្សេងទៀតក៏ថាបាន ៕
ចែករំលែកព័តមាននេះ