តើប្រតិកម្មរវាងថ្នាំ និងអាហារគឺជាអ្វី?
ប្រតិកម្មរវាងថ្នាំនិងអាហារ កើតមានឡើងនៅពេលដែលអាហារ និងភេសជ្ជៈដែលអ្នកហូបធ្វើឱ្យប៉ះពាល់ដល់សមាសធាតុផ្សំនៃថ្នាំ ដែលអ្នកបានលេប ដូចនេះថ្នាំមិនអាចធ្វើការយ៉ាងមានប្រសិទ្ធភាពនោះទេ ។
ការមានប្រតិកម្មរវាងថ្នាំនិងអាហារនេះអាចកើតមានឡើងទាំងថ្នាំដែលមានវេជ្ជបញ្ជា និងថ្នាំដែលអ្នកអាចទិញបាននៅតាមទីផ្សារដូចជា ថ្នាំប្រឆាំងនឹងការបញ្ចេញអាស៊ីត, វីតាមីន និងថ្នាំគ្រាប់ជាតិដែកជាដើម ។
តើក្រូចមានប្រតិកម្មទៅនឹងថ្នាំយ៉ាងដូច ម្តេច ?
ការហូបផ្លែក្រូចត្លុង ឬទទួលទានទឹកក្រូចត្លុងធ្វើឱ្យប៉ះពាល់ពីរបៀបដែលខ្លួនរបស់អ្នក ធ្វើប្រតិកម្មមេតាប៉ូលីសនៃថ្នាំមួយចំនួន ។ សារធាតុគីមីនៅក្នុងក្រូចត្លុងអាចបណ្តាលឱ្យកម្រិតនៃថ្នាំឡើងខ្ពស់នៅក្នុងខ្លួនរបស់អ្នក។ វាអាចធ្វើឱ្យថ្នាំផ្តល់ការជះឥទ្ធិពលមកដល់អ្នក។ ប្រភេទនៃក្រូចមួយចំនួនដូចជា ក្រូចត្លុង និងក្រូចឃ្វិច អាចបណ្តាលអោយមានឥទ្ធិលពលដូចគ្នាផងដែរ ។
ប្រតិកម្មអាចកើតមានឡើងនៅ៣ថ្ងៃបន្ទាប់ពីបានហូបឬទទួលទានទឹកក្រូច។ នេះមានន័យថា អ្នកមិនអាចទទួលទានទឹកក្រូចត្លុងនៅពេលព្រឹក និងលេបថ្នាំបន្ទាប់នៅក្នុងថ្ងៃនោះទេដើម្បីបញ្ឈប់ប្រតិកម្មនៃថ្នាំដែលអាចកើតមានឡើង ។
តើគ្រប់ថ្នាំទាំងអស់សុទ្ធតែមានប្រតិកម្មជាមួយនឹងក្រូចត្លុងឬ ?
មានតែថ្នាំមួយចំនួនប៉ុណ្ណោះដែលមានប្រតិកម្មជាមួយនឹងក្រូចត្លុង ។ ឧទាហរណ៍ថ្នាំៈ
-កូឡេស្តេរ៉ុលខ្ពស់ៈ atorvastatin, lovastatin និង simvastatin
-សម្ពាធឈាមខ្ពស់ៈ felodipine, nifedipine, nimodipine និង nisoldipine
-ចង្វាក់បេះដូងលោតមិនប្រក្រតីៈ amiodarone
-ធ្លាក់ទឹកចិត្តៈ buspirone និង sertraline
-ជំងឺអេដស៍ៈ saquinavir
-បង្កើនប្រព័ន្ធភាពស៊ាំ(ថ្នាំដែលជួយមនុស្ស ដែលបានទទួលការប្តូរសរីរៈណាមួយជាដើម): cyclosporine និង tacrolimus
ប្រសិនបើអ្នកមិនដឹងថា តើថ្នាំដែលអ្នកកំពុង តែលេបមានប្រតិកម្មជាមួយនឹងក្រូចត្លុងទេនោះ, សូមសួរគ្រូពេទ្យឬឱសថការី ។ ជាធម្មតា គ្រូពេទ្យអាចចេញវេជ្ជបញ្ជានូវថ្នាំមួយចំនួនដែលមិនមានប្រតិកម្មនឹងក្រូចត្លុង ។
តើគ្រប់ទឹកផ្លែឈើទាំងអស់សុទ្ធតែមានប្រតិកម្មជាមួយនឹងថ្នាំឬ ?
ក្រូច, ក្រូចត្លុង និងក្រូចឃ្វិចគឺជាផ្លែឈើដែលត្រូវបានគេស្គាល់ថាមានប្រតិកម្មទៅនឹង ថ្នាំ ។ គ្រប់ទឹកផ្លែឈើដទៃទៀត, ដូចជាទឹកក្រូចពោធិ៍សាត់ គឺផ្តល់នូវសុវត្ថិភាពក្នុងការទទួលទាននៅពេលដែលអ្នកកំពុងតែលេបថ្នាំនោះ ។ មិនមានការសិក្សាណាដែលថាទឹកផ្លែឈើទាំងនោះមានប្រតិកម្មទៅនឹងថ្នាំនោះទេ ។
ប្រសិនបើខ្ញុំលេបថ្នាំដែលមានប្រតិកម្មជាមួយនឹងក្រូចត្លុង តើខ្ញុំគួរធ្វើអ្វី ?
ប្រតិកម្មអាចកើតមានឡើង ទោះបីជាអ្នកហូបឬទទួលទានក្នុងបរិមាណតិចនៃក្រូចត្លុងក៏ដោយ ។ ទោះជាយ៉ាងណាក៏ដោយ, សូមសួរគ្រូពេទ្យថា តើមានថ្នាំដទៃទៀតដែលមិនមានប្រតិកម្មជាមួយនឹងក្រូចត្លុងសម្រាប់អ្នកដែរ ឬទេ ៕
ចែករំលែកព័តមាននេះ