ខេត្តបាត់ដំបង ៖ រថយន្តម៉ាកនីស្សាន់មួយគ្រឿងបានធ្លាក់កប់ភក់ក្នុងប្រឡាយបណ្តាលឱ្យព្រូ ម្នាក់រងរបួសស្រាល ឯរថយន្តកូរ៉េប្រភេទ៥តោនមួយគ្រឿងទៀតបានជំពាក់ជាប់ និងគល់ស្វាយ ក្រោយពីបើកបុកគូទគ្នាទាំងកំរោល កាលពីវេលាម៉ោង១និង៥០នាទីរំលងអធ្រាត្រឈានចូលថ្ងៃទី១៥ កុម្ភៈ នៅលើកំណាត់ផ្លូវជាតិលេខ៥ ត្រង់ចំណុចភូមិអូសទូក ឃុំកំពង់ព្រៀង ស្រុកសង្កែ ។
ខេត្តបាត់ដំបង ៖ រថយន្តម៉ាកនីស្សាន់មួយគ្រឿងបានធ្លាក់កប់ភក់ក្នុងប្រឡាយបណ្តាលឱ្យព្រូម្នាក់រងរបួសស្រាល ឯរថយន្តកូរ៉េប្រភេទ៥តោនមួយគ្រឿងទៀតបានជំពាក់ជាប់ និងគល់ស្វាយ ក្រោយពីបើកបុកគូទគ្នាទាំងកំរោល កាលពីវេលាម៉ោង១និង៥០នាទីរំលងអធ្រាត្រឈានចូលថ្ងៃទី១៥ កុម្ភៈ នៅលើកំណាត់ផ្លូវជាតិលេខ៥ ត្រង់ចំណុចភូមិអូសទូក ឃុំកំពង់ព្រៀង ស្រុកសង្កែ ។
មន្រ្តីនគរបាលបានឱ្យដឹងថា ក្នុងហេតុការណ៍នេះគឺរថយន្តកូរ៉េបានបុករថយន្តម៉ាកនីស្សាន់ពីក្រោយក្នុងគ្រាដែលរថយន្តនីស្សាន់នោះឈប់លើដងផ្លូវនាពេលយប់់។ ប្រភពដដែលបន្តថា រថយន្តកូរ៉េប្រភេទ៥តោន ដឹកខ្ទឹមស អ្នកបើកបរ និងព្រូបានរត់ចោលរថយន្តក្រោយពេលហេតុ។ រីឯរថយន្តម៉ាកនីស្សាន់ ដឹកត្រីឆ្អើរ បើកបរដោយឈ្មោះគង់ សារឿន អាយុ៥២ឆ្នាំ នៅសង្កាត់ប្អេរ ក្រុងកំពង់ឆ្នាំង។ រថយន្តទាំង២គ្រឿងនេះធ្វើដំណើរស្របទិសគ្នាពីកើតទៅលិច។
តាមការបំភ្លឺពីសាក្សីឃើញហេតុការណ៍ថា មុនពេលកើតហេតុរថយន្តនីស្សាន់បានឈប់លើចិញ្ចើមថ្នល់ តែមិនដឹងយ៉ាងម៉េច ស្រាប់តែអ្នកបើករថយន្តកូរ៉េមកបុកពីក្រោយពេញទំហឹងលាន់ដូចរន្ទះ បណ្ដាលឲ្យរថយន្តនីស្សាន់ប៉ើងធ្លាក់កប់ភក់ក្នុងប្រឡាយ រីឯរថយន្តកូរ៉េក៏ធ្លាក់ប្រឡាយដែរ តែបានជ្រុលទៅកៀបជាប់នឹងគល់ស្វាយតែម្ដង។ អ្នកភូមិនិយាយថា បើកុំបានគល់ស្វាយទប់ម៉្លេះ រថយន្តកូរ៉េនោះអាចបុកទម្លុះចូលដល់ផ្ទះប្រជាពលរដ្ឋជាមិនខាន តែសំណាងល្អមានតែព្រូរថយន្តនីស្សាន់ម្នាក់ប៉ុណ្ណោះដែលរងរបួស ៕
ចែករំលែកព័តមាននេះ