រាជធានីភ្នំពេញ ៖ ជញ្ជីងពាណិជ្ជកម្មរវាងអាស៊ាន និងឥណ្ឌា បានកើនឡើងជាង៤១ភាគរយ កាលពីឆ្នាំ២០១០ស្មើនឹងទឹកប្រាក់ជាង៥.៥០០លានដុល្លារអាមរិក។ តួលេខនេះត្រូវបានបង្ហាញឡើងនៅក្នុងកិច្ចសន្ទនាឥណ្ឌា-អាស៊ានលើកី៤ ដែលបានប្រារព្ធធ្វើកាលពីរសៀលថ្ងៃចន្ទ ទី១៣ និង១៤ កុម្ភៈ ២០១២ ក្រោមប្រធានបទទស្សនៈវិស័យនៃអាស៊ាន និង
រាជធានីភ្នំពេញ ៖ ជញ្ជីងពាណិជ្ជកម្មរវាងអាស៊ាន និងឥណ្ឌា បានកើនឡើងជាង៤១ភាគរយ កាលពីឆ្នាំ២០១០ស្មើនឹងទឹកប្រាក់ជាង៥.៥០០លានដុល្លារអាមរិក។ តួលេខនេះត្រូវបានបង្ហាញឡើងនៅក្នុងកិច្ចសន្ទនាឥណ្ឌា-អាស៊ានលើកី៤ ដែលបានប្រារព្ធធ្វើកាលពីរសៀលថ្ងៃចន្ទ ទី១៣ និង១៤ កុម្ភៈ ២០១២ ក្រោមប្រធានបទទស្សនៈវិស័យនៃអាស៊ាន និងឥណ្ឌាក្នុងភាពជាដៃគូ ដើម្បីឆ្ពោះទៅរកសន្តិភាព ក្នុងកិច្ចដំណើរការ និងការរីកចំរើននៅសណ្ឋាគារ Taj Palce ទីក្រុងញូដែល្លី សាធារណរដ្ឋឥណ្ឌា ។
បើតាមអ្នកឆ្លើយឆ្លងព័ត៌មានកោះសន្តិភាពពី ទីក្រុងញូដែល្លីបានអោយដឹងថា ថ្លែងនៅក្នុងកិច្ចសន្ទនាឥណ្ឌា-អាស៊ាននាឱកាសនោះ លោកឧបនាយករដ្ឋមន្រ្តីហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានជំរុញអោយឥណ្ឌា និងអាស៊ាន បន្តនូវកិច្ចសហប្រតិបត្តិការអោយកាន់តែល្អបន្ថែមទៀត ដើម្បីឆ្ពោះទៅរកគោលដៅក្នុងការពង្រីកនូវសេវា
ពាណិជ្ជកម្ម និងសហការបន្ថែមក្នុងការពង្រីកសេដ្ឋកិច្ចទាំងតាមរយៈផ្លូវគោក ទឹក និងផ្លូវអាកាស។ លោកឧបនាយករដ្ឋមន្ត្រីនិងជារដ្ឋមន្រ្តីក្រសួងការបរទេសក៏បានបញ្ជាក់ថា ដើម្បីពង្រីកបន្ថែមនូវិស័យទេសចរណ៍ វិស័យពាណិជ្ជកម្ម ការវិនិយោគ និងការទំនាក់ទំនងបានល្អ សាធារណរដ្ឋឥណ្ឌា និងអាស៊ានត្រូវផ្សារភ្ជាប់បន្ថែមនូវទំនាក់ទំនងដោយផ្ទាល់អោយកាន់តែជិតស្និទ្ធបន្ថែមទៀត ។
គួរបញ្ជាក់ថា កិច្ចសន្ទនាឥណ្ឌា-អាស៊ានលើក៤ ដែលបានប្រារព្ធធ្វើក្រោមប្រធានបទទស្សនៈវិស័យនៃអាស៊ាន និងឥណ្ឌាក្នុងភាពជាដៃគូ ដើម្បីឆ្ពោះទៅរកសន្តិភាព ក្នុងកិច្ចដំណើរការ និងការរីកចំរើនក្នុងទីក្រុងញូដែល្លីសាធារណរដ្ឋឥណ្ឌានាឱកាសនោះ មានការអញ្ជើញចូលរួមពីសំណាក់ឥណ្ឌាជាម្ចាស់ផ្ទះ និងតំណាងប្រទេសជាសមាជិកអាស៊ានទាំង១០ ហើយនៅក្នុងកិច្ចសន្ទនានោះ ក៏បានឯកភាពគ្នាថា ខួបរំលឹកអនុស្សាវរីយ៍លើកទី១០ក្នុងការសហការរវាងឥណ្ឌា និងអាស៊ាននឹងប្រារព្ធធ្វើនៅរាជធានីភ្នំពេញ ក្នុងខែវិច្ឆិកា ឆ្នាំ២០១២ ខាងមុខនេះ៕ សុគន្ធា
ចែករំលែកព័តមាននេះ