អ្នកទទួលខុសត្រូវអាមេរិកម្នាក់គូសបញ្ជាក់ថា អនុប្រធានាធិបតី ហើយប្រហែលជានឹងក្លាយជាជនលេខមួយចិននាពេលខាងមុខ លោកស៊ី ជីនពីញ បានទៅដល់សហរដ្ឋអាមេរិកកាលពីថ្ងៃទី១៣ កុម្ភៈ ដើម្បីបំពេញទស្សនកិច្ចគន្លឹះមួយរយៈពេល១សប្តាហ៍ដែលទស្សនកិច្ចនេះនឹងជាការធ្វើតេស្តមួយចំពោះអនាគតនៃទំនាក់ទំនងរវាងមហាអំណាចទាំង២នេះ ។ លោកស៊ី បានទៅដល់មូលដ្ឋានអាកាសចរណ៍ ANDREWS ជិតក្រុងវ៉ាស៊ីនតោន ដែលនៅទីនោះលោកត្រូវបានទទួលដោយបណ្តាអ្នកទទួលខុសត្រូវអាមេរិក ។
អនុប្រធានាធិបតីចិនរូបនេះ ត្រូវជួបនាថ្ងៃទី១៤ កុម្ភៈ ជាមួយលោកប្រធានាធិបតីបារ៉ាក់ អូបាម៉ា ក្នុងឱកាសនៃពិធីជប់លៀងមួយឯសេតវិមាន ព្រមទាំងជួបជាមួយអនុប្រធានាធិបតីអាមេរិក លោក JOE BIDEN ដែលបានទៅកាន់ប្រទេសចិន កាលពីឆ្នាំទៅមិញ ហើយលោកជាអ្នកអញ្ជើញលោកស៊ីឱ្យមកបំពេញទស្សនកិច្ចនៅអាមេរិក ។ លោកស៊ី ដែលចេះភាសាអង់គ្លេសស្ទាត់ហើយកូនស្រីរបស់លោករៀននៅសាកលវិទ្យាល័យ HARVARD ក៏នឹងទៅកាន់រដ្ឋអៃយ៉ូវ៉ា ដើម្បីជួបជាមួយមិត្តចាស់ទាំងឡាយដែលលោកទាក់ទងគ្នា ពេលលោកធ្វើដំណើរមកកាន់ទីនោះ ពេលលោកនៅក្មេងកាលពីឆ្នាំ១៩៨៥ រួចលោកក៏នឹងទៅកាន់ទីក្រុងឡូសអេនចឺឡែសផងដែរ ៕
ចែករំលែកព័តមាននេះ