ភាពតានតឹងបានកើនឡើងថែមទៀតនៅកូតឌីវ័រ ។ កាលពីរសៀលថ្ងៃទី១២ មីនា កងកម្លាំងសន្តិសុខស្មោះត្រង់នឹងលោកឡូរ៉ង់ ហ្សេបាបូ បានឈានដល់ការវាយលុកនៅក្រុងអាប៊ីដហ្សាន់ ក្នុងសង្កាត់អាបូបូ ទីតាំងបង្អែករបស់លោកអាឡាស សាន អ៊ូអាតារ៉ា ។
ជាលើកដំបូងក្នុងប្រតិបត្តិការប្រភេទនេះ បណ្តាឧទ្ធម្ភាគចក្រត្រូវបានប្រើប្រាស់សម្រាប់ជួយទ្រទ្រង់ក្នុងសង្កាត់ដ៏ធំនេះនាភាគខាងជើងក្រុងអាប៊ីដហ្សាន់ ជាទីលាននៃការប៉ះទង្គិចបង្ហូរឈាមគ្នាចាប់តាំងពីច្រើនសប្តាហ៍មកហើយ រវាងក្រុមប្រជែងគ្នាទាំង២ក្រុម ។ យោងតាមប្រភពដដែលនេះថា កងទាហានលោកហ្សេបាបូ ដល់ទៅប្រមាណជា៦០០នាក់ ត្រូវបានប្រមូលដើម្បីចូលរួមក្នុងការវាយលុកនេះ ៕
ចែករំលែកព័តមាននេះ