យោងតាមការសិក្សាស្រាវជ្រាវថ្មីមួយរបស់ជប៉ុនបានបង្ហាញថា ទឹកតែបៃតងអាចជួយឱ្យបណ្តាមនុស្សចាស់ដែលចូលនិវត្តពីការងារមានសុខភាពល្អ ។ តាមការពិសោធដែលមានរយៈពេល៣ឆ្នាំលើមនុស្សប្រុសស្រីចំនួន១៤.០០០នាក់អាយុចាប់ពី៦៥ឆ្នាំឡើងទៅរកឃើញថា អ្នកដែលផឹកទឹកតែបៃតង រាងកាយមានសកម្មភាពក្លៀវក្លាជាងអ្នកដែលមិនបានផឹក។ ផឹកយ៉ាងតិច៥ពែងក្នុងមួយថ្ងៃអាចកាត់បន្ថយការកើតមានពិការភាពផ្នែករាងកាយ៣៣% ខណៈផឹក៣ទៅ៤ពែងក្នុងមួយថ្ងៃកាត់បន្ថយបាន២៥% ។ ទាំងនេះគឺជាការរកឃើញរបស់សាកលវិទ្យាល័យ Tokyo Universityរបស់ប្រទេសជប៉ុន។
គេមិនបានប្រាប់ឱ្យដឹងថាតើមូលហេតុអ្វីដែលនាំឱ្យតែបៃតងផ្តល់ផលប្រយោជន៍ដល់សុខភាពបែបនេះទេ តែអ្វីដែលការសិក្សាលើកនេះបានប្រាប់ឱ្យដឹងនោះគឺថា ក្នុងតែបៃតងមានផ្ទុកសារធាតុឈ្មោះ «ប៉ូលីហ្វេណុល»(polyphenols)ក្នុងកម្រិតដ៏ខ្ពស់។ វាជាសារធាតុគីមីរបស់រុក្ខជាតិដែលគេគិតថា អាចកាត់បន្ថយខ្លាញ់ កូឡេស្តេរ៉ូល (cholesterol) និងជួយការពារ DNA ពីការបំផ្លាញ ។ គួរតែជៀសវាងកុំផឹកតែបៃតងនៅពេលដែលអស់លោកអ្នកកំពុងប្រើថ្នាំពង្រាវឈាមដ្បិតវីតាមីន Kដែលមាននៅក្នុងតែអាចបញ្ឈប់ប្រសិទ្ធភាពថ្នាំបាន ៕
ចែករំលែកព័តមាននេះ