សៀងហៃ ៖ នៅថ្ងៃទី២៨ ខែមិថុនា ឆ្នាំ២០១០ គឺជាទិវាជាតិរបស់ប្រទេសកម្ពុជា ដែលត្រូវបានប្រារឰធ្វើឡើងនៅក្នុងមជ្ឃ មណ្ឌលតាំងពិព័រណ៍ពិភពលោកនាទីក្រុង សៀងហៃ។ នៅក្នុងឱកាសដ៏ពិសេសនេះ ក្រសួងពាណិជ្ជកម្ម ក្រសួងប្រៃសណីយ៍ និង ទូរគមនាគមន៍ ព្រមទាំងក្រុមហ៊ុនហ៊ួរវៃ តិច ណូឡូជី បានរៀបចំវេទិកាមួយក្រោមប្រធាន បទ “ទូរគមនាគមន៍ និងទីក្រុងអនាគត” ដែលធ្វើបទឧទ្ទេសនាមដោយលោកចម ប្រសិទ្ធ រដ្ឋមន្ដ្រីក្រសួងពាណិជ្ជកម្មកម្ពុជា, លោក សូរ ឃុន រដ្ឋមន្ដ្រីក្រសួងប្រៃសណីយ៍ និងទូរគមនាគមន៍កម្ពុជា, លោក សុខចិន្ដា សុភា រដ្ឋលេខាធិការក្រុមប្រឹក្សាអភិវឌ្ឍន៍ កម្ពុជា, លោក អ៊ុក រ៉ាប៊ុន រដ្ឋលេខាធិ ការក្រសួងសេដ្ឋកិច្ច និងហិរញវត្ថុ, លោក ឌិត មុន្ទី ប្រធានតុលាការកំពូលកម្ពុជា, លោក លី ជុន នាយករងធនាគារអាហរ័ណ នីហរ័ណ ចិន, លោកចាង ស៊ីនសឹង ប្រធានការិយា ល័យរដ្ឋបាលទូរគមនាគមន៍នៃក្រសួងឧស្សា ហកម្ម និងព័ត៌មានវិទ្យានៃប្រទេសចិន។
វេទិកានេះមានគោលបំណងធ្វើឱ្យទាន់ សម័យនូវវិស័យទូរគមនាគមន៍ឈានមុខ ដើម្បីពង្រឹង និងជំរុញការអភិវឌ្ឍន៍សេដ្ឋកិច្ច និងសង្គម ជាពិសេសវិស័យហិរញវត្ថុ ទេស ចរណ៍ អប់រំ កសិកម្ម ព្រមទាំងបង្ហាញឱ្យ ឃើញពីគំរោងកសាងកម្ពុជាឌីជីថលស៍។ នាឱកាសនោះ លោក ចម ប្រសិទ្ធ បាន ថ្លែងសុន្ទរកថាបើកកម្មវិធី ហើយបន្ដបន្ទាប់ មកមានលោក សូរ ឃុន, លោក សុខចិន្ដា សុភា, គណៈប្រតិភូមកពី MIIT គណៈប្រតិ ភូមកពីធនាគារអ៊ិចស៊ីមក៏បានថ្លែងសុន្ទរកថានៅក្នុងឱកាសនោះផងដែរ ហើយចុងក្រោយ មានបុគ្គលិកជំនាញមកពីក្រុមហ៊ុនហ៊ួរវៃបានធ្វើបទបង្ហាញពីនិន្នាការអភិវឌ្ឍន៍ដ៏ថ្មីបំផុត នៅក្នុងវិស័យឧស្សាហកម្មទូរគមនាគមន៍។
លោក ចាង ស៊ីនសឹង បានមានប្រសាសន៍ ថានៅក្នុងសម័យវិបត្ដិហិរញវត្ថុចុងក្រោយនេះបានធ្វើឱ្យប្រទេសជាច្រើននៅលើសកល លោកយកចិត្ដទុកដាក់ក្នុងការពង្រឹង និង ពង្រីកបន្ថែមការផ្គត់ផ្គង់របស់ខ្លួនខាងវិស័យទូរគមនាគមន៍ដើម្បីទប់ទល់នឹងវិបត្ដិហិរញ វត្ថុដោយនាំមកនូវគោលការណ៍ពិភពឆ្លាតវៃ “Smart Planet” និងសកលរលកអាកាសធំ “Universal Broadband”។ ដូច្នេះជំនួស ឱ្យការវិនិយោគខាងផ្នែកសហគ្រាសការអភិ វឌ្ឍន៍លើរលកអាកាសធំជាតិ “National Broadband” បានក្លាយជាយុទ្ធសាស្ដ្រហេដ្ឋា រចនាសម្ព័ន្ធដ៏សំខាន់។ លើសពីនេះទៅទៀត ប្រទេសជាច្រើនដូចជាប្រទេសកូរ៉េខាងត្បូង សាំងហ្គាពួរ និងអូស្ដ្រាលីក៏ដូចជាប្រទេស កំពុងអភិវឌ្ឍន៍ដទៃទៀតបាននិងកំពុងឆ្ពោះ ទៅរកទស្សនវិស័យរលកអាកាសធំជាតិ “National Broadband” ដោយបានវិនិ យោគទុនដ៏ច្រើនសន្ធឹកសន្ធាប់ក្នុងការកសាង ប្រព័ន្ធខ្សែកាបអុបទិក “FTTX” ដើម្បីពង្រឹង ភាពប្រកួតប្រជែងថ្នាក់ជាតិរបស់ពួកគេ។
លោកក៏បានមានប្រសាសន៍បន្ថែមថា ការ អភិវឌ្ឍន៍រលកអាកាសធំនេះធ្លាប់បានក្លាយ ជាសញាណមួយដ៏ល្អសំរាប់ផែនការយុទ្ធ សាស្ដ្រធ្វើនគរូបនីយកម្ម និងបច្ចេកវិទ្យាព័ត៌ មានរបស់ប្រទេសចិន ហើយក្រុមហ៊ុនហ៊ួរវៃ គឺជាក្រុមហ៊ុនឈានមុខគេក្នុងពិភពលោក ក្នុងការផ្ដល់ដំណោះស្រាយទូរគមនាគមន៍ និងមានបទពិសោធន៍ច្រើនលើវិស័យនេះ។
លោក លី ជុន បានមានប្រសាសន៍ថា “ខ្ញុំ មានសេចក្ដីរីករាយណាស់ដែលបានឃើញ ប្រទេសកម្ពុជាទទួលបានជោគជ័យដ៏ធំធេង ក្នុងការអភិវឌ្ឍន៍ប្រទេសជាតិ ហើយធនា គារអ៊ិចស៊ីមនឹងនៅតែបន្ដគាំទ្រ និងសហ ប្រតិបត្ដិការជាមួយរាជរដ្ឋាភិបាលនៃព្រះ រាជាណាចក្រកម្ពុជាមិនត្រឹមតែលើវិស័យ ហេដ្ឋារចនាសម្ព័ន្ធ មានផ្លូវថ្នល់ ស្ពាន និង អគ្គិសនីប៉ុណ្ណោះទេ ថែមទាំងនៅក្នុងវិស័យ ទូរគមនាគមន៍ផងដែរ ហើយខ្ញុំសង្ឃឹមយ៉ាង មុតមាំ និងជឿជាក់ថាក្នុងនាមជាតំណាងដ៏ល្អ របស់សហគ្រាសទូរគមនាគមន៍របស់ប្រទេសចិន ក្រុមហ៊ុនហ៊ួរវៃ អាចរួមវិភាគទានយ៉ាង ធំធេងក្នុងការអភិវឌ្ឍន៍ប្រទេសកម្ពុជា ក៏ដូច ជាជួយសំរួលទំនាក់ទំនងនិងសហប្រតិបត្ដិ ការរវាងប្រទេសទាំងពីរក្នុងវិស័យទូរគមនា គមន៍”។
សូមជំរាបថា ក្រុមហ៊ុន ហ៊ួរវៃតិចណូឡូជី គឺជាក្រុមហ៊ុនឈានមុខគេនៅលើពិភព លោកក្នុងការផ្គត់ផ្គង់ និងផ្ដល់ដំណោះស្រាយ ខាងវិស័យទូរគមនាគមន៍ និងបានកា្លយជា អ្នកផ្គត់ផ្គង់ធំជាងគេក្នុងទីផ្សារទូរគមនា គមន៍កម្ពុជាអស់រយៈពេលដប់ឆ្នាំមកហើយ។ដោយភ្ជាប់ទំនាក់ទំនងយ៉ាងជិតស្និទ្ធ និង យូរអង្វែងជាមួយដៃគូសហប្រតិបត្ដិការមាន ដូចជា ក្រុមហ៊ុនទូរស័ព្ទចល័ត Mobitel, Metfone, Mfone, Hello, Beeline, Smart និង ទូរគមនាគមន៍កម្ពុជាជាដើម។ លោកស្រី Shun Ya Fang បានមានប្រសាសន៍ ក្នុង ខណៈពេលដែលលោកស្រីបានជួបប្រជុំជា មួយសម្ដេចតេជោ ហ៊ុន សែន នាថ្ងៃទី២៩ ខែ មេសា ឆ្នាំ២០១០ នៅទីក្រុងសៀងហៃ ប្រទេសចិន។ ក្រុមហ៊ុន Huawei មានគោល បំណងនៅតែបន្ដ និងពង្រឹងកិច្ចសហប្រតិបត្ដិការជាមួយរដា្ឋភិបាល និងក្រុមហ៊ុនទូរគមនាគមន៍កម្ពុជាដើម្បីជួយវិស័យទូរគមនាគមន៍ឱ្យកាន់តែរីកចំរើនថែមទៀត៕
ចែករំលែកព័តមាននេះ