កីឡាការិនីអាមេរិកលីនសេ វ៉ុនដណ្តើមបានជ័យជម្នះស្គីចុះជម្រាល World Cupជាលើកទី៨ប្រចាំរដូវកាលនិងជាលើកទី៤៩ក្នុងអាជីពរបស់ខ្លួនបន្ទាប់ពីបានយកឈ្នះពានជើងឯកក្នុងកម្មវិធី Audi FIS Alpine Ski World Cup Women's Downhillនៅទីក្រុង St.Moritzប្រទេសស្វ៊ីសកាលពីថ្ងៃសៅរ៍ទី២៨ មករា។ នាងវ៉ុនដែលជាម្ចាស់ជើងឯកអូឡាំពិកបានបញ្ចប់ការប្រកួតដោយនាំមុខម្ចាស់ជើងឯកពិភពលោកសញ្ជាតិអាល្លឺម៉ង់ Maria Hoefl-Rieschនិងនាំមុខនាង Tina Weiratherមកពីប្រទេសឡេតូនី ។ នេះគឺជាជ័យជម្នះលើកទី២ហើយនៅប្រទេសស្វ៊ីសក្នុងខណៈជ័យជម្នះរបស់នាងលើកទី១បានកើតឡើងកាលពីថ្ងៃសុក្រ។ វ៉ុនសង្ឃឹមថានឹងអាចយកឈ្នះជាលើកទី៣បន្តបន្ទាប់គ្នាទៅមុខទៀត។
បន្ទាប់ពីបានបរាជ័យការប្រកួតចុះជម្រាល២លើកចុងក្រោយ នាងវ៉ុនក្នុងការប្រកួតកាលពីថ្ងៃសុក្រ គឺនាងធ្វើបានយ៉ាងល្អបំផុតបំបាក់បានគូប្រជែងដ៏ខ្លាំងៗរបស់ខ្លួន។ កាលពីរដូវកាលកន្លងទៅ នាងMaria Hoefl-Rieschបានបង្អាក់ដំណើររបស់នាងវ៉ុនក្នុងការគ្រងជើងឯក World Cupជាលើកទី៤ ។ ដោយឡែកនៅឆ្នាំនេះ លីនសេន វ៉ុនគ្មានអារម្មណ៍ដែលសង្ស័យថា ខ្លួនមិនអាចដណ្តើមជ័យជម្នះ World Cupលើកទី៤នោះទេ។ ពេលនេះនាងបាននាំមុខដោយពិន្ទុចំនួន៣៥២ពិន្ទុរួចជាស្រេចហើយលើកីឡាការិនីស្លូវេនី Tina Mazeដែលដណ្តើមបានចំណាត់ថ្នាក់លេខ៤ក្នុងថ្ងៃនេះនិងលេខ២កាលពីថ្ងៃសុក្រ ៕
Like our Page
