តាមរយៈកម្មវិធីគម្រោងជំនួយឥតសំណង សម្រាប់គម្រោងទ្រង់ទ្រាយតូចសន្តិសុខមនុស្សជាតិ(ជំនួយ គូសាណូណិ) រដ្ឋាភិបាលជប៉ុនបានផ្តល់ជំនួយដែលមានទឹកប្រាក់សរុបចំនួន ៩៧.១០០ដុល្លារអាមេរិកដល់ស្រុកប្រតិបត្តិពារាំង សម្រាប់គម្រោងសាងសង់អគារព្យាបាលជំងឺទូទៅក្នុងមន្ទីរពេទ្យ បង្អែកពារាំង ខេត្តព្រៃវែង ។ កិច្ចសន្យាផ្តល់ជំនួយត្រូវបានចុះហត្ថលេខាកាលពីម្សិល
តាមរយៈកម្មវិធីគម្រោងជំនួយឥតសំណង សម្រាប់គម្រោងទ្រង់ទ្រាយតូចសន្តិសុខមនុស្សជាតិ(ជំនួយគូសាណូណិ) រដ្ឋាភិបាលជប៉ុនបានផ្តល់ជំនួយដែលមានទឹកប្រាក់សរុបចំនួន៩៧.១០០ដុល្លារអាមេរិកដល់ស្រុកប្រតិបត្តិពារាំង សម្រាប់គម្រោងសាងសង់អគារព្យាបាលជំងឺទូទៅក្នុងមន្ទីរពេទ្យបង្អែកពារាំង ខេត្តព្រៃវែង ។ កិច្ចសន្យាផ្តល់ជំនួយត្រូវបានចុះហត្ថលេខាកាលពីម្សិលមិញ (២៧ មករា )ដោយលោកម៉ាសាហ៊្វុមី គូរ៉ូគី ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះរាជាណាចក្រកម្ពុជា និងលោកក្រៀល រឿង ប្រធានស្រុកប្រតិបត្តិពារាំង នៅស្ថានទូតជប៉ុន ។
ដើម្បីឆ្លើយតបទៅនឹងកង្វះគ្រែសម្រាប់អ្នកជំងឺដែលត្រូវសម្រាកព្យាបាលនៅមន្ទីរពេទ្យ ស្រុកប្រតិបត្តិពារាំង នឹងសាងសង់អគារពិនិត្យព្យាបាលជំងឺទូទៅមួយខ្នងដែលមានកម្ពស់២ជាន់ ក្នុងមន្ទីរពេទ្យបង្អែកពារាំង ខេត្តព្រៃវែង ។ គម្រោងនេះនឹងធ្វើឱ្យប្រជាជនប្រមាណ២០០.០០០នាក់ដែលរស់នៅក្នុងស្រុកពារាំង និងតំបន់ផ្សេងទៀតនៃខេត្តព្រៃវែង អាចមានភាពងាយស្រួលក្នុងការទៅមន្ទីរពេទ្យ និងទទួលសេវាព្យាបាលជំងឺដ៏ប្រសើរពីបុគ្គលិកសុខាភិបាល ។
កម្មវិធីគម្រោងជំនួយឥតសំណងសម្រាប់គម្រោងទ្រង់ទ្រាយសន្តិសុខមនុស្សជាតិ (ជំនួយគូសាណូណិ) របស់រដ្ឋាភិបាលជប៉ុនដែលបានចាប់ផ្តើមតាំងពីឆ្នាំ១៩៩១ ដើម្បីគាំទ្រសកម្មភាពរបស់អង្គការទាំងនេះក្នុងកិច្ចខំប្រឹងប្រែងដើម្បីជួយដល់ការអភិវឌ្ឍ និងស្ថាបនាប្រទេសកម្ពុជាឡើងវិញនៅតាមកម្រិតមូលដ្ឋាន ។ គម្រោងជំនួយនេះមានទិសដៅការពារជនងាយរងគ្រោះពីកត្តាមួយចំនួនដូចជាភាពក្រីក្រ និងភាពអកុសលដែលអាចគំរាមកំហែងដោយផ្ទាល់ដល់ជីវិតរស់នៅ ការចិញ្ចឹមជីវិត និងសេចក្តីថ្លៃថ្នូររបស់ពួកគេ ក៏ដូចជាជួយជំរុញនូវភាពម្ចាស់ការលើខ្លួនឯងរបស់ប្រជាសហគមន៍ ។ ចាប់តាំងពីឆ្នាំ១៩៩១ រដ្ឋាភិបាលជប៉ុនបានផ្តល់ថវិកាជាង៤៧លានដុល្លារអាមេរិកដល់អាជ្ញាធរមូលដ្ឋាននិងអង្គការក្រៅរដ្ឋាភិបាល ដើម្បីអនុវត្តគម្រោងចំនួន៤៦០ នៅទូទាំងប្រទេស ៕
ចែករំលែកព័តមាននេះ