បណ្ដាអ្នកវិទ្យាសាស្ដ្រនៅអាមេរិកបាននិយាយថា ទឹកផ្លែឈៀររីសុទ្ធគ្មានដាក់ស្ករ អាចជួយឱ្យមនុស្សយើងគេងលក់យ៉ាងស្កប់ស្កល់នៅពេលយប់ ។
លោកវេជ្ជបណ្ឌិត វីលហ្វ្រេដ ភីចិន របស់សាកលវិទ្យាល័យ University of Rochester នៅទីក្រុងញូវយ៉ក សហរដ្ឋអាមេរិក ដែលជាអ្នកដឹកនាំការស្រាវជ្រាវបាននិយាយថា ទឹកផ្លែឈៀររីមានប្រសិទ្ធភាពក៏ព្រោះតែវាផ្ទុកនូវសារធាតុម្យ៉ាងឈ្មោះមេឡាតូនីន ដែលជា អ័រម៉ូន ធ្វើឱ្យមានការងងុយ និងភ្ញាក់ពីដេករបស់រាងកាយបានទៀងទាត់ ។
នៅអំឡុងការពិសោធន៍បណ្ដាអ្នកស្ម្រ័គ ចិត្ដចូលរួមត្រូវគេឱ្យផឹកទឹកផ្លែឈៀររីសុទ្ធ១កែវ នៅពេលព្រឹក ហើយជាលទ្ធផល ពេលព្រលប់ចូលមកដល់ពួកគេទន់ត្របកភ្នែកឆាប់ដេកលក់ជាជាងកាលពួកគេផឹកទឹកផ្លែឈើដទៃ ។ បើធៀបជាមួយនឹងទឹកផ្លែឈើដទៃ ទឹកផ្លែឈៀររីឆាប់ឱ្យមនុស្សដេកលក់លឿនជាងជាមធ្យម១៧នាទី ។ បច្ចុប្បន្នការព្យាបាលជំងឺដេកពុំលក់បានក្លាយទៅជាបញ្ហាសុខភាពដ៏ក្ដៅគគុកមួយសំរាប់ជីវិតដ៏ស៊ីវីល័យ ។ ម្នាក់ក្នុងចំណោមមនុស្សពេញវ័យ៤នាក់ មានបញ្ហាដេកពុំលក់ ១/៥ទៀត ទទួលទានដំណេកតិចជាង៥ ម៉ោងក្នុងមួយយប់ ។
ដោយឡែកលោករូសស៊ែល រ៉េតទ័រ វេជ្ជបណ្ឌិតជំនាញផ្នែកអ័រម៉ូនមេឡាតូនីន នៅសាកលវិទ្យាល័យតិចសាស់ អាមេរិក ក៏បាននិយាយដែរថា ប្រភេទអាហារដូចជាផ្លែឈៀររីពិតជាអាចជួយជំរុញការផ្គត់ផ្គង់ដល់រាងកាយបានល្អប្រសើរ ៕
ចែករំលែកព័តមាននេះ