តាមសារព័ត៌មានបរទេសចេញផ្សាយថ្ងៃទី២៩ ធ្នូ កន្លងមក ឱ្យដឹងថា នាងអ៊ីរីណា ឆេក តារាបង្ហាញម៉ូដជនជាតិរុស្ស៊ី និងជាគូដណ្តឹងរបស់កីឡាករគ្រីស្ទៀណូ រ៉ូណាល់ដូ ខ្សែបម្រើក្លឹប Real Madrid នឹងបង្ហាញសម្រស់ដ៏សិចស៊ីរបស់ខ្លួននាដំណាច់ឆ្នាំ២០១១ ។ កន្លងមក នាងអ៊ីរីណា ឆេក ធ្លាប់បានទទួលអាជីពបង្ហាញម៉ូដឱ្យក្រុមហ៊ុនមួយចំនួនដូចជា Intimissimi, Germaine De Capuccini, Rampage, Xti និង Replay ជាដើម ។
ដោយឡែកក្នុងអំឡុងពេលចុងក្រោយនាដំណាច់ឆ្នាំ២០១១ នេះ នាងថតបង្ហាញម៉ូដឈុតក្នុងមានស្លាកសញ្ញា Lascana ពីប្រទេសអាល្លឺម៉ង់ ដែលចាត់ទុកថា ជាអាជីពសម្រាប់ដំណាច់ឆ្នាំ។ ក្នុងការថតបង្ហាញម៉ូដខាងលើ នាងអ៊ីរីណា ឆេក អាយុ២៥ឆ្នាំ ស្ថិតក្នុងឈុតដ៏សិចស៊ីពណ៌ស្វាយ និងស៊ីជម្ពូ រួមទាំងបង្អួតដើមទ្រូងដ៏ទ្រលុកទ្រលន់គួរឱ្យគយគន់ ។
ស្របពេលជាមួយគ្នានេះ រូបភាពមួយចំនួនទៀតក្នុងការបង្ហាញឈុតសម្លៀកបំពាក់ក៏បានប្តូរទៅមានចំណាប់អារម្មណ៍ត្រង់ត្រគាកប្រកបដោយភាពសិចស៊ីមានន័យថា ពិធីបង្ហាញម៉ូដនេះបានបង្ហាញពីគុណសម្បត្តិទាំងនៅបរិវេណខាងមុខ និងផ្នែកខាងក្រោយនៃរាងកាយ ។ គួរបញ្ជាក់ថា តារាបង្ហាញម៉ូដខាងលើ គឺជាស្ត្រីសិចស៊ីគួរឱ្យគយគន់ និងមានចំណាប់អារម្មណ៍ពីសំណាក់បុរសនានានៅទូទាំងពិភពលោក ប៉ុន្តែជាអកុសលមួយ ព្រោះបច្ចុប្បន្ននាងបានក្លាយជាគូដណ្តឹងរបស់កីឡាករឆ្នើមនៅលើពិភពលោកដែលលេងឱ្យក្លឹប Real Madrid គឺគ្រីស្ទៀណូ រ៉ូណាល់ដូ ៕
ចែករំលែកព័តមាននេះ