រាជធានីភ្នំពេញ ៖ ស្ត្រីម្នាក់ដែលប្រកបមុខរបររកស៊ីទិញលក់ស្រូវ ត្រូវសមត្ថកិច្ចកងរាជអាវុធហត្ថលើផ្ទៃប្រទេសចាប់ខ្លួនបញ្ជូនឡើង តុលាការ កាលពីព្រឹកថ្ងៃទី ២១ ធ្នូ ពីបទរំលោភលើសេចក្តីទុកចិត្ត បោកប្រាក់គេ១ម៉ឺនដុល្លារអាមេរិក ។ ស្ត្រីដែលសមត្ថកិច្ចកងរាជអាវុធហត្ថចាប់ខ្លួននោះឈ្មោះផាន់ យ៉ាន់នី អាយុ៥២ឆ្នាំ មានអា
រាជធានីភ្នំពេញ ៖ ស្ត្រីម្នាក់ដែលប្រកបមុខរបររកស៊ីទិញលក់ស្រូវ ត្រូវសមត្ថកិច្ចកងរាជអាវុធហត្ថលើផ្ទៃប្រទេសចាប់ខ្លួនបញ្ជូនឡើងតុលាការ កាលពីព្រឹកថ្ងៃទី ២១ ធ្នូ ពីបទរំលោភលើសេចក្តីទុកចិត្ត បោកប្រាក់គេ១ម៉ឺនដុល្លារអាមេរិក ។ ស្ត្រីដែលសមត្ថកិច្ចកងរាជអាវុធហត្ថចាប់ខ្លួននោះឈ្មោះផាន់ យ៉ាន់នី អាយុ៥២ឆ្នាំ មានអាសយដ្ឋានផ្ទះលេខ ១២៨C ផ្លូវលំភូមិ ក្បាលដំរី សង្កាត់កាកាប ខណ្ឌដង្កោ ។
ការចាប់ខ្លួនបានធ្វើឡើងកាលពីវេលាម៉ោង ៨ព្រឹកថ្ងៃទី២០ ធ្នូ នៅមុខផ្សារ សិុនជូរីផ្លាហ្សា ពោធិចិនតុង ដោយកម្លាំងការិយាល័យស្រាវជ្រាវបទល្មើសព្រហ្មទណ្ឌនៃទីបញ្ជាការកងរាជអាវុធហត្ថលើផ្ទៃប្រទេស។ ការឃាត់ខ្លួនស្រី្តនេះត្រូវបានប្រភពឱ្យដឹងថា កាលពីកំឡុង៤ទៅ៥ខែកន្លងមក ម្ចាស់ប្រាក់ដែលមិនបានប្រាប់អត្តសញ្ញាណ បានឱ្យប្រាក់ទៅឈ្មោះ ផាន់ យ៉ាន់នី ចំនួន១ម៉ឺនដុល្លារ ដើម្បីជាការដាក់ទុនរកសីុទិញស្រូវជាមួយគ្នា ។ ប្រភពបន្តថា ស្រ្តីឈ្មោះ ផាន់ យ៉ាន់នី បានយកប្រាក់ពីគេ ១មឺុនដុល្លារ ទៅធ្វើអាជីវកម្មទិញលក់ស្រូវមែន ដោយបានផលចំណេញយកមកចែកម្ចាស់ប្រាក់បាន ២ទៅ៣លើកទៀតផង ។ ប៉ុន្តែមួយរយៈពេលខ្លីនេះស្រ្តី ផាន់ យ៉ាន់នី លែងយកផលចំណេញបានមកពីការទិញលក់ស្រូវនោះទៅឱ្យម្ចាស់ប្រាក់ ថែមទាំងមានបំណងគេចវេះ ដោយដូរអាសយដ្ឋានពីរមួយទៅអាសយដ្ឋានមួយ ធ្វើឱ្យម្ចាស់អស់សេចក្តីទុកចិត្តក៏ទារយកលុយ១មឺុនដុល្លារនោះវិញ ។
នៅពេលម្ចាស់ប្រាក់ទៅតាមទារលុយពីស្ត្រីជាប់ចោទនៅតែដោះសាថា ជំនួញទិញលក់ស្រូវត្រូវខាតបង់ ពេលនេះគ្មានប្រាក់ទេ និងជំពាក់គេវ័ណ្ឌទៀតផង ។ ការដោះសាជាញឹកញាប់បានធ្វើឱ្យម្ចាស់ប្រាក់លែងទុកចិត្ត ទើបត្រូវបានដាក់ពាក្យបណ្តឹងទៅសមត្ថកិច្ចតាមរកចាប់ខ្លួនតែម្តង។ តាមប្រភពថា មិនមែនជាការងាយស្រួលរកចាប់ខ្លួនស្រី្តឈ្មោះ ផាន់ យ៉ាន់នី នេះទេ ដើមបណ្តឹងបានចំណាយប្រាក់អស់ជាច្រើនទើបចាប់បាន ព្រោះតែស្ត្រីរូបនេះគេចខ្លួនគ្មានអាស័យដ្ឋានច្បាស់លាស់ ។ លោកវរសេនីយ៍ទោ គង់ សុត្ថារិន អនុប្រធានការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថលើផ្ទៃប្រទេសបានអះអាងថា សមត្ថកិច្ចរបស់លោកឃាត់ខ្លួនស្រ្តីរូបនេះតាមដីកាបញ្ជាឱ្យចូលខ្លួនរបស់លោកគឺ ប៊ុណ្ណារ៉ា ព្រះរាជអាជ្ញារងអមសាលាដំបូងរាជធានីភ្នំពេញ ។ បន្ទាប់ពីឃាត់ខ្លួនសមត្ថកិច្ចលោកបានបញ្ជូនទៅ ឱ្យតំណាងអយ្យការចាត់ការតាមផ្លូវច្បាប់ ទាក់ទងរឿងធ្វើអ្វីទៀតនោះសមត្ថកិច្ចមិនបានដឹងឡើយ ។ នៅសាលាដំបូងរាជធានីភ្នំពេញត្រូវបានគេដឹងថា តំណាងអយ្យការនៅមានការរារែកមិនទាន់ចោទប្រកាន់ស្រី្តរូបនេះទេ ដោយយោងទៅលើការសំណូមពររបស់ដើមបណ្តឹង រង់ចាំឱ្យជនសង្ស័យរកប្រាក់មកតំកល់ទុកសងដើមបណ្តឹងវិញ ចៀសវាងការដាក់ទោសទណ្ឌរឿងដាក់ទុនរកស៊ីបង់ជាមួយគ្នា ។ ប៉ុន្តែចុងចោទគឺអ្នកស្រី ផាន់ យ៉ាន់នី ទំនងគ្មានប្រាក់យកទៅដំកល់នៅតំណាងអយ្យការដើម្បីឱ្យមានការជឿទុកចិត្តនោះទេ ។
ការឃាត់ខ្លួន សមត្ថកិច្ចបានដកហូតរថយន្តមួយគ្រឿង ប៉ុន្តែរថយន្តនេះ អ្នកស្រី ផាន់ យ៉ាន់នី បានជួលគេទៀត ហើយត្រូវម្ចាស់ទាមទាយកទៅវិញ ដូច្នេះបើសិនជាគ្មានប្រាក់តំកល់នៅតំណាងអយ្យការនោះទេ អ្នកស្រី្ត ផាន់ យ៉ាន់នី កុំសង្ឃឹមថា បានវិលត្រឡប់ទៅផ្ទះវិញឱ្យសោះ ហើយអាចប្រឈមនឹងការឃុំខ្លួនដាក់ពន្ធនាគារជាបណ្តោះអាសន្នមិនខាន ។ប៊ុនណាក់
ចែករំលែកព័តមាននេះ