រាជធានីភ្នំពេញ ៖ ពិរុទ្ធជន៣នាក់ ដែលម្នាក់ឃាត់ខ្លួនបាននៅផ្ទះសំណាក់ហ្គោលហោស និង២នាក់ទៀតឃាត់ខ្លួនបាននៅភូមិភ្នៀត សង្កាត់ស្ទឹងមានជ័យ ខណ្ឌមានជ័យ ហើយនាំទៅឃុំខ្លួនបណ្ដោះអាសន្ន បានលួចហែកចម្រឹងបង្អួចពន្ធនាគាររត់គេចខ្លួនបាត់ទាំង៣នាក់កាល ពីយប់ថ្ងៃទី៦ ធ្នូ ។ ក្រោយពីមានហេតុការណ៍នេះកើតឡើត លោកឌុច គឹមសន ចៅក្រមស៊ើបសួរ បាន
រាជធានីភ្នំពេញ ៖ ពិរុទ្ធជន៣នាក់ ដែលម្នាក់ឃាត់ខ្លួនបាននៅផ្ទះសំណាក់ហ្គោលហោស និង២នាក់ទៀតឃាត់ខ្លួនបាននៅភូមិភ្នៀត សង្កាត់ស្ទឹងមានជ័យ ខណ្ឌមានជ័យ ហើយនាំទៅឃុំខ្លួនបណ្ដោះអាសន្ន បានលួចហែកចម្រឹងបង្អួចពន្ធនាគាររត់គេចខ្លួនបាត់ទាំង៣នាក់កាលពីយប់ថ្ងៃទី៦ ធ្នូ ។ ក្រោយពីមានហេតុការណ៍នេះកើតឡើត លោកឌុច គឹមសន ចៅក្រមស៊ើបសួរ បានចេញដីកាតាមចាប់ខ្លួន ហើយសមត្ថកិច្ចប្រឆាំងការជួញដូរគ្រឿងញៀនរាជធានីភ្នំពេញដឹកនាំដោយលោកទៀង ច័ន្ទខន្ដិសារ នាយការិយាល័យ សហការជាមួយលោកគឺ ប៊ុនណារ៉ា ព្រះរាជអាជ្ញារងអមសាលាដំបូងរាជធានីភ្នំពេញ លោកខាន់ ពិសិដ្ឋ ក្រឡាបញ្ជី ព្រមទាំងអាជ្ញាធរមូលដ្ឋាន បានចេញប្រតិបត្ដិការយ៉ាងក្ដៅគគុកបន្លំខ្លួនធ្វើជាអ្នករត់ម៉ូតូឌុបតាមដានរហូតចាប់បានពិរុទ្ធជនម្នាក់ឈ្មោះសន ភារិន្ទ ភេទប្រុស អាយុ២៧ឆ្នាំ ខណៈកំពុងចែកចាយថ្នាំញៀននៅមាត់ប្រឡាយទឹកស្អុយជិតគល់ស្ពានស្ទឹងមានជ័យ ចំណុចភូមិ១៧ ក្រុមទី៥២ តាមបណ្ដោយផ្លូវលេខ២៧១ សង្កាត់បឹងសាឡាង ខណ្ឌទួលគោក នៅវេលាម៉ោង១១យប់ថ្ងៃទី១៩ ធ្នូ ។ ជាមួយនេះ ក៏ស្រាវជ្រាវចាប់បានបក្សពួកចែកចាយថ្នាំញៀន៣នាក់ថ្មីទៀត ក្នុងនោះមានប្រុសម្នាក់ និងស្រី២នាក់ ។
លោកទៀង ច័ន្ទខន្ដិសារ នាយការិយាល័យប្រឆាំងការជួញដូរគ្រឿងញៀនរាជធានីភ្នំពេញ មានប្រសាសន៍ថា ពិរុទ្ធជនដែលឃាត់ខ្លួនបាន៣នាក់ មុននេះមាន ១-ឈ្មោះសេង ប៊ុនណាក់ ភេទប្រុសអាយុ ៣២ឆ្នាំ ឃាត់ខ្លួននៅផ្ទះសំណាក់ហ្គោលហោស ២-ឈ្មោះឡុង វិទូ ហៅភាព អាយុ៣០ឆ្នាំ និង ៣-ឈ្មោះសន ភារិន្ទ អាយុ២៧ឆ្នាំ ២នាក់ ក្រោយនេះឃាត់ខ្លួននៅភូមិភ្នៀត សង្កាត់ស្ទឹងមានជ័យ ខណ្ឌមានជ័យ ។ ជនទាំង៣នាក់ ខាលើបានលួចហែកចម្រឹងបង្អួចពន្ធនាគារលួចរត់គេចខ្លួនបាត់អស់កាលពីដើមខែនេះ ហើយត្រូវបានលោកឌុច គឹមសន ចៅក្រមស៊ើបសួរចេញដីកាឱ្យតាមចាប់ខ្លួនត្រឡប់មកវិញ ។ ដោយទទួលបានដីកាសមត្ថកិច្ចប្រឆាំងការជួញដូរគ្រឿងញៀនបានបើកប្រតិបត្តិការតាមប្រមាញ់យ៉ាងស្វិតស្វាញដោយបន្លំខ្លួនធ្វើជាអ្នករត់ម៉ូតូឌុប ដើម្បីតាមស្រាវជ្រាវចាប់ខ្លួនជនទាំង៣នាក់នោះ។
ប្រភពដដែលបន្តទៀតថា លុះមកដល់យប់ថ្ងៃទី១៩ ធ្នូ ទើបឃើញមុខសញ្ញាឈ្មោះសន ភារិន្ទ កំពុងចែកចាយថ្នាំញៀននៅចំណុចខាងលើ សមត្ថកិច្ចក៏ស្ទាក់ចាប់បាន ហើយស៊ើបសួរស្រាវជ្រាវទើបឈានទៅឃាត់ខ្លួនឈ្មោះវិចិត្រ ភេទប្រុស អាយុ២០ឆ្នាំ ដែលជិះម៉ូតូ ម៉ាក SL ពណ៌ទឹកប្រាក់ មកធ្វើសកម្មភាពចែកចាយថ្នាំញៀនដែរ ។ បន្ទាប់មកសមត្ថកិច្ចក៏ទៅឆែកឆេរដល់បន្ទប់ជួលរបស់ជនឈ្មោះវិចិត្រ នៅបន្ទប់លេខ២០០B ភូមិ១៧ ក្រុមទី៥២ សង្កាត់បឹងសាឡាង ខណ្ឌទួលគោក និងឃាត់ខ្លួនស្ដ្រី២នាក់ទៀត ម្នាក់ឈ្មោះជា សុខលី អាយុ២៩ឆ្នាំ ត្រូវជាប្រពន្ធរបស់ឈ្មោះវិចិត្រ និងម្នាក់ទៀត ឈ្មោះកែវ ស្រីម៉ៅ អាយុ១៨ឆ្នាំ ព្រមទាំងដកហូតបានវត្ថុតាងមានម្សៅពណ៌ស ប្រដាប់ជក់ថ្នាំញៀននិងប្រាក់មួយចំនួនទៀត ។
សមត្ថកិច្ចបាននាំយកអ្នកទាំង៤នាក់ ដែលក្នុងនោះ ប្រពន្ធរបស់ឈ្មោះវិចិត្រ មានទាំងកូនតូចបីទៅជាមួយផង ទៅសាកសួរដើម្បីកសាងសំណុំរឿងបញ្ជូនទៅតុលាការ ៕ ប្រាំមួយ
ចែករំលែកព័តមាននេះ