រាជធានីភ្នំពេញ ៖ ជនជាតិយួនចំនួន៨នាក់បានត្រូវសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ ចាប់ខ្លួនកាលពីថ្ងៃទី១៩ មីនា ដោយជាប់ពាក់ព័ន្ធនឹងអំពើជួញដូរ និងប្រើប្រាស់គ្រឿងញៀន ។ ជនជាតិយួន៨នាក់នោះមាន ១-ឈ្មោះហ្វាម ហុកហូយ ភេទប្រុស អាយុ៣១ឆ្នាំ ២-ឈ្មោះវិញ ទ្រីហុង ភេទស្រី អាយុ៥០ឆ្នាំ (២នាក់នេះជាអ្នកជួញដូរគ្រឿងញៀន) ៣-ឈ្មោះង្វៀន យ៉ាំងថ ភេទប្រុស អាយុ៣១ឆ្នាំ ៤-ឈ្មោះង្វៀន លីហុងធី ភេទប្រុស អាយុ៣៣ឆ្នាំ ៥-ឈ្មោះហ៊ុង វ៉ាន់ប៊ិញ ភេទប្រុស អាយុ៣៥ឆ្នាំ ៦-ឈ្មោះង្វៀន ធីអៀង ភេទប្រុស អាយុ៣២ឆ្នាំ ៧-ឈ្មោះជី លីន ភេទប្រុស អាយុ២៦ឆ្នាំ និង៨-ឈ្មោះវ៉ូ វ៉ាន់ហ៊ឹង ភេទប្រុស អាយុ៣២ឆ្នាំ ។ ពួកគេភាគច្រើនជាអ្នករើសអេតចាយ និងជាងឈើ ស្នាក់នៅមិនពិតប្រាកដ។
ជាមួយនឹងការឃាត់ខ្លួនជនជាតិយួនខាងលើនេះ សមត្ថកិច្ចបានដកហូតជញ្ជីងថ្លឹងគ្រឿងញៀន១គ្រឿង ទូរស័ព្ទដៃ៨គ្រឿង សឺរ៉ាំងសម្រាប់ចាក់គ្រឿងញៀនចំនួន២៧ ថ្នាំញៀន គ្រាប់ប្រភេទថ្នាំគ្រវីក្បាលធ្វើឱ្យសប្បាយចំនួន១១គ្រាប់ ថ្នាំញៀនម៉ាទឹកកក១កញ្ចប់តូច ថ្នាំញៀនប្រភេទកាម៉ាក្រា ចំនួន៧គ្រាប់ ម៉ូតូ១គ្រឿង ប្រាក់១៥០ដុល្លារ និង៥០ម៉ឺនរៀល ប្រដាប់ប្រដាវេចខ្ចប់មួយចំនួន ផ្លាកដៃ១ខ្សែ (លោហធាតុលឿងស្លេក) ១ខ្សែ និងនាឡិកាដៃ២គ្រឿង ។ ទាក់ទិននឹងការឃាត់ខ្លួនជនជាតិយួនទាំង៨នាក់នេះ លោកវរសេនីយ៍ត្រីផែង វណ្ណៈ បានឱ្យដឹងថា គឺសមត្ថកិច្ចរបស់លោកបានធ្វើការស្រាវជ្រាវតាមជំនាញ ហើយក្រោយពីឃាត់ខ្លួនត្រូវបានកសាងសំណុំរឿង រួមជាមួយវត្ថុតាងបញ្ជូនទៅកាន់សាលាដំបូងរាជធានីភ្នំពេញ ៕
ចែករំលែកព័តមាននេះ