ខេត្តមណ្ឌលគិរី : លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញដល់ខេត្តមណ្ឌលគិរី និងកំពុងធ្វើកិច្ចការមនុស្សធម៌ជាមួយក្រុមការងាររបស់លោកជំទាវ ចែកអំណោយដល់ជនក្រីក្ររងគ្រោះជួបប្រទះកាលំបាកចំនួន២០១១គ្រួសារ នៅចំការស្រល់-អូរាំង ឃុំសែនមនោរម្យ ស្រុកអូររាំង នាព្រឹក ថ្ងៃទី២០ធ្នូ២០១១នេះ ដោយមាន ការចូលរួមពីមន្រ្តីអាជ្ញាធរ កងកម្លាំងប្រដាប់អាវុធ ស្ថាប័នពាក់ព័ន្ធ ប្រជាពលរដ្ឋ សិស្សានុសិស្សយ៉ាងច្រើនកុះករ។
អំណោយ ដែលត្រូវចែកជូនដល់បងប្អូនប្រជាពលរដ្ឋក្នុងមួយគ្រួសារទទួលបាន អង្ករ៣០គីឡូក្រាម មី១ករស ត្រីខ១០កំប៉ុង សារុង១ ក្រមា១ មុង១ ភួយ១ កំរាល.ស១ដុំ អាវចាក់ដៃវែង១ សាប៊ូ២ថង់ ទឹកបរិសុទ្ធឱរាល់១២ដប និងប្រាក់២ម៉ឺនរៀល។ ក្រៅពីនោះ លោកជំទាវក្នុងនាម ប្រធានកាកបាទក្រហមនៅបានចែកអំណោយដល់មណ្ឌលសុខភាពចំនួន៥មណ្ឌលទៀត រួមមានច្នាំពេទ្យ ព្យាបាលគ្រុនចាញ់ រាក ម្សៅអូរ៉ាលីត ម៉ាស់បិទមាត់ និងប្រដាប់ចម្រោះទឹក។
គួររំលឹកថា លោកជំទាវ កិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជាកម្ពុជាបានដឹកនាំក្រុមមន្ដ្រី និងសប្បុរសជនជាច្រើនរូប ជាពិសេសលោកជំទាវជាភរិយាថ្នាក់ដឹកនាំមួយចំនួនបានអញ្ជើញទៅកាន់ខេត្ត មណ្ឌលគិរីដែលមានចម្ងាយ៥២១គីឡូម៉ែត្រពីភ្នំពេញកាលពីព្រឹកថ្ងៃទី ១៩ ធ្នូ ២០១១ ដើម្បីជួបសំណេះសំណាល សួរសុខទុក្ខដល់បងប្អូនប្រជាពលរដ្ឋ អ្នករងគ្រោះ ជនក្រីក្រ និងធ្វើកិច្ចការមនុស្សធម៌។
ចែករំលែកព័តមាននេះ